Zakarie 11:14 - O Debleskro Drom 2021 (Sinte)

¹⁴ Palle phagom miro kasht, hoi kharom ‘harmenatsjona’. Jaake sikrom, kai i menshe an o them Juda un an o them Israel buder gar phrala hi.

O Debleskro Lab 2024 (Sinte-Manouche)

¹⁴ Palle phagom miro kasht, hoy kharom harmenatsyona. Yaake sikrom, kay i menshe an o them Youda oun an o them Israel bouder gar phrala hi.

Zakarie 11:14 ပူးပေါင်းရင်းမြစ်များ

Jesaja 11:13

Palle silwerenn i menshe an Efrajim buder gar ap kolende an Juda. Un kolla dran Juda krenn kolenge dran Efrajim buder kek tchilatchepen.

Ezekiel 37:22

Un me krau lendar, te wenn le jek natsjona an o them, ap i berge Israel. Un jek rai kokres well pral lende halauter rai. Un jon hi buder gar dui natsjone an dui themma dui rajentsa.

Zakarie 11:6

O baro Dewel penell: “Kanna khaitenn man buder gar i menshe an kau them. Me mukau i menshen te perell jek an o wast o wawarestar, un dau len ninna lengre pralstunenge an i wasta. Kolla denn o them paash, un me lau len gar win dran lengre wasta.”

Zakarie 11:7

Un kol parepangre, kai ginan un bikran i bakre, dan man koi budi, te dap jak ap kol bakre, kai maredo wenn. Un me lom dui kashta: Ko jekes kharom ‘latchepen’ un ko wawar ‘harmenatsjona’. Un me dom garda ap kol bakre.

Zakarie 11:9

Doleske penom: “Kamau buder gar te atchap i bakrengro tumenge. Kol bakre, kai merenna, mu merenn! Kolla, kai nashrenn pen, mu nashrenn le pen! Un kolla, kai djido atchenn, mu chan le jek o wawares!”

Mateo 24:10

Un bud denn pengro patsepen ap mande pre, un phukrenn ninna ap i wawarende, kai ap mande patsenna, un jek krell o wawareske tchilatchepen.

Markus 3:24

Te kurenn pen i bare raja an jek them, palle djal ko them paash.

Galatarja 5:15

Te dandrenn tumer tumen har midjak djukle, denn jak, te chal jek kol wawares gar pre!

Jakobo 3:14

Te silwerenn tumer un hadenn tumen pre pral i wawarende, ma penenn, kai han gosewo! Kowa wals i chochepen un gar o tchatchepen.

Jakobo 3:16

Kote, kai i menshe silwerenna, un hadenn pen pre pral i wawarende, kote hi tchingepen un hako tchilatcho koowa.