Zakarie 11:1 - O Debleskro Drom 2021 (Sinte)

¹ Tu Libanon, kre tire wudja pre, te chatchrell i jag tire zedertikre ruka.

O Debleskro Lab 2024 (Sinte-Manouche)

¹ Tou Libanon, kre tire voudya pre, te rhačrell i yag tire cedertikre rouka.

Zakarie 11:1 ပူးပေါင်းရင်းမြစ်များ

Jeremia 22:23

Kanna hi tiro baro rai beshdo ap i berga Libanon, un mukell peske mishto te djal an khera dran zedertikro kasht. Sik well koi phagi pral leste. Un palle dell lo gole i dukatar, har i djuwel, kai lell i ternepen.

Ezekiel 31:3

Tu hal har o them Assur his – har i baro zedertikro ruk ap i berga Libanon shukar buchle senele kashtentsa, kai nai khatrenn le pen tel lende glan o kham. Un job his jaake baro, te djas lo dureder pral har i wawar ruka an o weesh.

Habakuk 2:17

Tu dal i ruka ap i berga Libanon tele. Tu maral i viechen, kai kote djiwan. Lengri daar well kanna tiri daar. Tu maral bud menshen, kral lengro them un lengre forja paash, un djal sorjah ap halauterende, kai kote djiwenn. Ko tchilatchepen, hoi kral, well kanna pale ap tiro shero.

Habakuk 2:8

Tu tchoral i menshen an bud themma win. Tu maral bud lendar, kral lengro them un lengre forja paash, un djal sorjah ap halauterende, kai kote djiwenn. Doleske tchorenn tut kanna kolla win, kai djido atchan.

Haggai 1:8

Djan ap i berge un lenn kasht, un krenn miro kheer shukar! Kowa hi mange mishto, un jaake wau sharedo, penell o baro Dewel.

Zakarie 10:10

Dran i themma Egiptia un Assur anau len khere, te djiwenn le an o them Gilead un Libanon. Ninna kote hi gar doha them lenge.

Zakarie 11:2

Rowenn, tumer wawar senele ruka! Kol raile zedertikre ruka peran, hi buder gar koi. Rowenn, tumer eichtikre ruka an o them Bashan! O pesso weesh hi tele dino.

Zakarie 12:6

An ko tsiro krau, te wenn i pralstune an Juda har i jagakro tcharo mashkral an o weesh, un har i jag mank o phuss, hoi chatchell ap haki rig. Un jon chan kol tsele natsjone trujel pre. O foro Jerusalem atchell kai lo hi.”

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.