Zakarie 10:3 - O Debleskro Drom 2021 (Sinte)

³ O baro Dewel penell: Me hom chojedo pral i bakrengre, kai rikrenn mire bakren tele. Ninna ap i sorele mursh bakre djau me pre. Me, o baro Dewel, ko rai pral o bolepen un i phub, hom har i bakrengro. Un o kheer Juda hi mire bakre. Ap lende dau jak. Me krau, te wenn le har i sorelo kurepaskro grai, koleha an o kurepen djau.

O Debleskro Lab 2024 (Sinte-Manouche)

³ O baro Devel penell: Me hom rhoyedo pral i bakrengre, kay rikrenn mire bakren tele. Ninna ap i zorele morsh bakre djau me pre. Me, o baro Devel, ko ray pral o bolepen oun i phoub, hom har i bakrengro. Oun o kheer Youda hi mire bakre. Ap lende dau yak. Me krau, te venn le har i zorelo kourepaskro gray, koleha an o kourepen djau.

Zakarie 10:3 ပူးပေါင်းရင်းမြစ်များ

Hiob 39:25

Hako kopo, kai shunell lo i phurdepaskri, dell lo pre gole: Hui-i! Un sungell o kurepen fun dural – koi kurepaskri gole i lurdendar un lengre pralstunendar.

2. Mose 4:31

Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.

Gosewe laba 21:31

Tu nai leh i kurepaskro grai un djah an o marepen. Kowa, kai krell, te wess o sorleder, hi o baro Dewel.

Kamlepaskri gili 1:9

Tu, miri pirni, hal shukar har i grai glan o wurdin o baro rajestar an o them Egiptia.

Jesaja 10:12

An ko tsiro, kai kras o baro Dewel, maro rai, lauter, hoi job peske glan las, te krell lo ap i berga Zion un an Jerusalem, lell lo peske o baro rajes o themestar Assur glan, koleskro dji jaake pre-phurdo hi, un koleskre jaka tele dikenn ap i wawarende.

Jesaja 24:21

Un ap ko diwes dell o baro Dewel i bolepangre lurden lengri phagi, un ninna i bare rajen ap i phub.

Jeremia 10:21

Kol pralstune his dinele, un putchan gar pal o baro Debleste. Doleske his lauter tchitcheske, hoi jon kran. Un kolla, kai denn jon garda pre, hi buder gar khetne, un djan kate te kote.

Jeremia 25:12

Pal kol efta-deesh bersha dau me i phagi ko rajeske pral o them Babilonia un leskre menshenge koi doshake, hoi le ap pende anan. Palle well o them Babilonia i mulo them hako tsireske.

Jeremia 25:34

Tumer pralstune, kai hunte wans har bakrengre o baro Debleskre menshenge, rowenn un denn gole! Tchiwenn tumen tele an i jagakri tchik! O tsiro hi koi, kai wenn maredo. Tumer perenn tele un wenn phagedo har i kutch khoro, hoi perell tele.

Jeremia 50:6

Mire menshe hi har nashede bakre. Lengre bakrengre anan len o tchatcho dromestar tele. Jaake nashran le pen ap i berge. Pral tikne un bare berge hunte nashan le, un bistran, kai le khere hi.

Ezekiel 34:11

Kawa penell o baro Dewel, maro rai: Me hom kai, un me dikau kanna pal mire bakren un rodau len.

Ezekiel 34:12

Jaake har i bakrengro, kai pash peskre bakre hi, kolen rodell, kai nashran pen, jaake rodau me mire bakren, un lau len pale dran haki platsa, kai le tradedo wan ap ko djungelo kalo diwes.

Ezekiel 34:2

Tu, mensho, pen i pralstunenge pral Israel glan-wi, hoi pral lende wella! Pen lenge: Kawa penell o baro Dewel, maro rai: Djungeles djal tumenge! Tumer han i bakrengre mire menshenge, un hunte anans i Israelitarjen har bakre kote, kai hatsenn le latcho senlepen. Kowa krenn tumer gar. Tumer dikenn kokres ap tumende, te djal tumenge mishto.

Daniel 11:32

Un chochepah anell lo kolen o Debleskro dromestar tele, kai leskre laba buder gar rikrenna. I wawar, kai prindjrenn pengro Debles, atchenn soreles tardo un krenn, hoi tchatcho hi.

Zefanja 1:8

O baro Dewel penell: Ap ko marepaskro diwes, dau me i pralstunen un o baro rajeskre tchawen pengri phagi, ninna halauter kolen, kai mangenn wawar deblen an.

Zefanja 2:7

Kau kotar them pash o baro pani well kolende dino, kai atchan djido dran o kheer Juda. Jon mukenn pengre bakre kote te chal. Un rati sowenn le an kol khera an o foro Ashkelon. Awa, lengro baro Dewel krell peskro dji lenge pre, un anell len dran lengro pandepen pale win.

Zakarie 11:17

Djungeles djal koleske, kai hi i tchi-moldo bakrengro un mukell i bakren kokres! Mu tchinell o charo leskri mussi tele, un leskro tchatcho jak win! Leskri mussjatar te atchell tchi har i tikno kotar, un leskro tchatcho jakeha dikell lo buder tchi!”

Louka 1:68

“Sharas o baro Debles! Job hi o Israeleskro Dewel! Job was pash mende, un las men dran mari bibacht win.

1. Petro 2:12

Tumer djiwenn mank i menshende, kai o Debles gar prindjrenna. Doleske djiwenn jaake, te hatsenn le kek tchilatchepen ap tumende! Un kolla, kai rakrenna djungeles pral tumende, kolla hunte dikenn o latcho koowa ap tumende, jaake te sharenn le o Debles ap ko diwes, kai job wella.

Ruth 1:6

Un joi shunas, te kras o baro Dewel peskro dji pre peskre menshenge an o them Juda, un das len maro. Koi las li peskro koowa khetne, te djal li peskre tchawengre romjentsa dran o them Moab pale pale.