Zakarie 1:8 - O Debleskro Drom 2021 (Sinte)

⁸ Me dikom an i rati i murshes, kai klissas ap i lolo grai. Job atchas tardo an i tala mank i mirtetikre ruka. Pal leste his wawar graja: lole graja, kalo-parne graja un parne graja.

O Debleskro Lab 2024 (Sinte-Manouche)

⁸ Me dikom an i rati i morshes, kay klissas ap i lolo gray. Yob ačas tardo an i tala mank i mirtetikre rouka. Pal leste his vavar graya: lole graya, kalo-parne graya oun parne graya.

Zakarie 1:8 ပူးပေါင်းရင်းမြစ်များ

1. Mose 20:3

An i rati was o Dewel an i suni pash o Abimelech un penas ap leste: “Tu hunte meress. Koi djuwel, kai tu lal, hi romedino.”

1. Mose 46:2

I rati rakras o Dewel leha an i suni un penas ap leste: “Jakob, Jakob!” Un job penas: “Ake hom.”

1. Rajengro liil 3:5

Kote an o foro Gibeon mukas pes o baro Dewel o Salomeske an i suni te dikell an i rati. Un o Dewel penas: “Tu nai putcheh man, hoi kameh mandar.”

Nehemia 8:15

Jaake dan le win gole an pengre tsele forja, ninna an Jerusalem, un penan: “Djan win ap i berge un anenn kashta i djeteskre rukendar, ninna i diwje djeteskre rukendar, un i mirtetikre rukendar un i palmtikre rukendar un wawar rukendar, kolen bud patria hi. Un krenn kolendar tikne khera dran patria, jaake har an o Moseskro liil tchinlo hi.”

Hiob 4:13

Rati, har sowom soreles dom djungeles suni.

Kamlepaskri gili 2:16

Miro pirno hi miro, un me hom leskri. Job hatsell peskri bacht mank i lilja.

Kamlepaskri gili 6:2

Miro pirno djas tele an peskri baar, kote, kai i sungepaskre burra tardo hi, te well lo bachtelo koi, un te lell lo peske lilja khetne.

Jesaja 41:19

An o mulo tato them mukau ruka bares te well: zedertikre ruka, akatstikre ruka, mirtetikre ruka un djeteskre ruka. Un o diwjo truk them well pherde subjengre ruka un wawar ruka.

Jesaja 55:13

Kote, kai subjengre burra un subjengro senlepen bares wan, djan kanna bare senele ruka pre. Doleske well o baro Debleskro lab sharedo. Un kowa hi ninna i sikepen, te bistrell kek, te his o baro Dewel kowa, kai sau koowa kras.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Daniel 2:19

Un an i rati dikas o Daniel i dikepen un leske was koi suni sikedo. Un o Daniel sharas o bolepaskro Debles,

Daniel 7:13

Un me dikom an kau dikepen an i rat jekes, kai wi-dikas har i mensho. Kowa was mank i wolke bis pash ko phureste, un was glan leste anlo.

Daniel 7:2

Me, o Daniel, dikom i dikepen an i rati: I baro ducho was dran i star rigja i phubjatar un phurdas pral o baro pani, te was lo diwjo.

Zakarie 1:10

O baro Dewel bitchras len, te dikenn le pen trujel ap i phub.”

Zakarie 1:11

Jon penan ap o bolepaskro o baro Deblestar, kowa his ko mursh mank i mirtetikre ruka: “Mer djam an i tsele themma trujel. Jon halauter hi tele rikedo un hadenn pen buder gar.”

Zakarie 1:7

O Debleskro rakepaskro, o Sacharja, koleskro dad o Berechja hi, un koleskro dad o Iddo hi, penas: Ap o 24. (biish-te-starto) diwes an o 11. (deesh-te-jekto) tchon – ko tchon kharell ‘Shebat’ – an o duito bersh, har o Darius baro rai his, rakras o baro Dewel ap mande, un mukas man tchomone te dikell.

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”

Debleskro tsiro 2:1

“Tchin kau liil ap o Debleskro budepaskro, kai dell jak ap i patslende an o foro Efesus: Kawa penell kowa, kai rikrell kol efta bolepangre momlia an peskro tchatcho wast, un kai djal mashkral kol efta sonakangre momlia trujel.

Debleskro tsiro 6:2

Un me dikom i parno grajes. Un kowa, kai pre beshdo hi, koles hi i bogo an o wast. Un les was i shereskro sonakai dino, hoi sikrella, te hi job sorleder har bud wawar bare raja. Un job djas win an o kurepen, un was sorleder har jon halauter.

Debleskro tsiro 6:4

Un i wawar grai was win. Ko grai his lolo har i jag. Un kowa, hoi pre beshdo his, koles was i soor dino, te anell lo o kurepen ap i phub, jaake te marenn pen i menshe. Un les was i baro charo dino.