Zakarie 1:6 - O Debleskro Drom 2021 (Sinte)

⁶ Kol laba, hoi jon, mire budepangre, tumare phurenge penan, tapran len. Koi mukan le pengro tchilatcho drom, un penan: Kowa, hoi o baro Dewel, ko rai pral o bolepen un i phub, mentsa kras, hi i phagi maro tchilatcho djipaske un ko tchilatcho koowa, hoi kram, jaake har penas lo.

O Debleskro Lab 2024 (Sinte-Manouche)

⁶ Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

Zakarie 1:6 ပူးပေါင်းရင်းမြစ်များ

2. Rajengro liil 15:12

Jaake was tchatcho, hoi o baro Dewel ap o Jehu penas: “Tutar wenna bare raja pral o them Israel jaake rah bis te djiwan star familje jek pal o wawar.” Un jaake was kowa.

Hiob 6:29

Mukenn tele, tchilatchepen ap mande pre te anell! Awa, mukenn tele koleha! O tchatchepen hi ap miri rig!

Jesaja 21:17

Un kol murshendar dran Kedar, kai haiwenn mishto o bogeha karje te dell, atchenn gar bud pral. Kowa penau me, o baro Dewel, koon o Israeleskro Dewel hi.

Jesaja 44:26

Me krau, te wenn kol laba tchatcho, hoi miro budepaskro rakras. Un kowa, hoi mire bitchepangre glan-wi penan, mukau jaake te djal, har le les penan. Me hom kowa, kai ap o foro Jerusalem penell: “Mu djiwenn menshe an tute!” Un pral i forja an o them Juda penau: “Jon wenn pale pre tardo.” Lauter hoi khetne phagedo hi, tchiwau me pale pre tardo!

Jesaja 55:1

Awenn pash o pani, tumer kolen trush hi! Un tumer, kai tumen kek lowe hi, awenn un ginenn un chan! Awenn un ginenn kek lowentsa un lenn tchitcheske mool un thud!

Jesaja 55:11

Jaake hi kol laba, hoi dran miro mui win djan. Jon wenn tchatcho, un kowa, hoi penom, well jaake har me kamau. Un kowa, hoi mange glan lom, well jaake kerdo.

Jeremia 23:20

O baro Debleskri choli mukell gar tele, bis te kras lo, hoi les glan his. I tsiro well, kai haiwenn tumer kowa.

Jeremia 26:15

Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Jeremia 28:17

Un o Hananja meras an kau emligo bersh an o eftato tchon.

Jeremia 32:24

I Babilonarja hi trul o foro tardo, un tchiwan phub pre, te krenn le i drom, te nai djan le an o foro dren. Kau drom djal bis pash o foreste. Sik hunte perell o foro an lengre wasta. Un i menshendar koi dren merenn bud i bokatar un ap o djungelo nasslepen. Un wawar wenn maredo o chareha. Jaake har tu kowa penal, jaake was ninna; tu nai dikeh kokres, har hi.

Jeremia 36:28

Le i newo liil un muk halauter dren te tchinell, hoi an o phuro liil tchinlo his!

Jeremia 39:16

Dja pash o Ebed-Melech, kai dran Etiopia hi, un pen leske: Kowa penell o baro Dewel, ko rai pral o bolepen un i phub, kai o Israeleskro Dewel hi: Shun, mire laba, hoi rakrom pral kau foro, wenn tchatcho: Bibacht un kek bacht wenn pral kau foro. Un tu dikeh kowa ap ko emligo tsiro.

Jeremia 4:4

Rikrenn tumen ap i laba, hoi tumentsa win krom! Un krenn tumare djia mange pre, tumer menshe an Juda un Jerusalem. Te krenn kowa gar, well miri choli pral tumende har jag, un chatchella jaake, te nai krell kek koi jag win.

Jeremia 44:2

Kawa penell o baro Dewel, ko rai pral o bolepen un i phub, kai o Israeleskro Dewel hi: Tumer dikan koi tseli bibacht, kai me mukom pral o foro Jerusalem te well, un pral kol tsele forja an o them Juda; kau diwes hi lendar tchi har barra pral, un kek djiwell buder an kol forja.

Jeremia 44:28

Kokres i wast pherdo lendar well gar maredo o chareha an Egiptia, un well pale an o them Juda. Jaake haiwenn halauter, kai pral atchan dran o them Juda, un kai an o them Egiptia djan, te djiwenn le kote, hawo rakepen tchatcho was, miro rakepen oder lengro rakepen.

Jeremia 44:29

Un kawa hi ko sikepen, penell o baro Dewel: Me kamau tumen kate tumari phagi te dell, te djinenn tumer halauter, kai miro rakepen tchatcho wella, te well koi bibacht pral tumende.

Jeremia 44:6

Doleske was miri choli jaake baro, un chatchas har i jag an i forja an o them Juda un ap i dromma an o foro Jerusalem, te atchas lendar tchi har barra pral. Un kek nai djiwell kote, jaake har ap kau diwes hi.

Jeremia 5:14

Doleske penell o baro Dewel, ko rai pral o bolepen un i phub: Sawo koowa rakrenn tumer! Doleske kamau me mire laba an tiro mui, Jeremia, har jag te krell, un i menshen har kasht chatchepaske, un koi jag chal kol kashta pre.

Ropaskre gilja 1:18

O baro Debles his tchatcho, har das lo man i phagi. Me shunom gar ap leskro lab. Shunenn, tumer menshe an wawar themma, un dikenn, har baro miri duk hi! Mire terne tcha un terne tchawe wan pandles krik lino.

Ropaskre gilja 2:17

O baro Dewel kras, hoi lo peske glan las. Un kras kowa, har lo menge glan i rah tsiro trad das. Les khaital tu gar, har mukas lo tut khetne te dell, un kolen, kai ap tute djan, i sorleder te well. Har tu peral, nai san le.

Ropaskre gilja 3:42

Mer anam doosh pral mende kokres, un shunam gar ap tute. Kowa bistral tu menge gar.

Ezekiel 20:43

Un kote well tumenge kowa an o shero, hoi kran un har djiwan, koleha tumer tumen pale-tchiddo kran. Un ko tselo tchilatcho koowa, hoi kran, well tumenge tchadepaske.

Ezekiel 37:11

Un job penas ap mande: Tu, mensho, i Israelitarja hi har kal mule kokale. Kanna penenn le: “Mare kokale hi truk, un halauter hi nashedo, mentsa hi trujel.”

Daniel 4:28

Un har kol laba gomme an leskro mui his, was i rakepen dran o bolepen un penas: “Tuke, baro rai Nebukadnezar, well penlo: Tiri rajeskri soor un tire themma hi tutar krik lino.

Hosea 5:9

An ko tsiro, kai dau o Efrajimeske peskri phagi, well leskro them i mulo them. Halauter, hoi i Israelenge trad dom, well jaake har penom.

Hosea 9:15

O baro Dewel penell: Lengro tselo tchilatchepen krenn le kote pash o foro Gilgal; kote choirom man pral lende ko tselo tchilatchepaske, hoi jon kran. Doleske tradau me len dran miro kheer win. Me kamau len buder gar. Lengre tsele pralstune mukenn pen tchi mandar te penell.

Amos 9:10

I tsele tchilatche mire menshendar hunte merenn an o kurepen, lauter kolla, kai penenn: Koi bibacht atchell dur mendar un taprell men gar.

Zakarie 1:7

O Debleskro rakepaskro, o Sacharja, koleskro dad o Berechja hi, un koleskro dad o Iddo hi, penas: Ap o 24. (biish-te-starto) diwes an o 11. (deesh-te-jekto) tchon – ko tchon kharell ‘Shebat’ – an o duito bersh, har o Darius baro rai his, rakras o baro Dewel ap mande, un mukas man tchomone te dikell.

Maleachi 3:18

Palle dikenn tumer pale, kai djal gar emliges kolenge, kai an o tchatchepen tardo hi un kolenge, kai krenn o tchilatchepen. Djal wawartchandes koleske, kai mangell o Debles an, har koleske, kai mangell les gar an.

4. Mose 23:19

O Dewel hi gar i mensho, kai chochella, witar gar i mensheskro tchawo, koles khaitell, hoi job kras. Penell job tchomone, hoi job gar krella? Penell job kowa, kai rikrell job gar?

4. Mose 32:23

Te kamenn tumer kowa gar te krell, palle lenn i doosh ap tumende glan o baro Debleste. Un kowa dikenn tumer, te well koi phagi ap tumende.

4. Mose 33:56

Palle krau tumentsa jaake har kamom kol wawarentsa te krell.”

Mateo 24:35

O bolepen un i phub atchenna gar. Mire laba atchenna hako tsiro.

5. Mose 28:15

Shunenn tumer gar ap tumaro baro Debleste un krenn gar, hoi lo tumendar kamell, un rikrenn tumen gar ap leskre laba, hoi me tumenge kau diwes penom, palle well kai tseli bibacht pral tumende:

5. Mose 28:2

Te shunenn tumer ap leste un krenn, hoi job tumendar kamella, well leskri bacht pral tumende an halauter:

5. Mose 28:20

Te mukenn tumer o baro Debles un djan ap tumaro tchilatcho drom, bitchrell lo mank tumende bibacht un daar an halauter, hoi tumer krenna, jaake te djinenn buder gar, hoi te krenn. Jaake merenn tumer un djan sik tele.

5. Mose 28:45

Te shunenn tumer gar ap tumaro baro Debleste un leskre laba, un krenn gar, hoi lo tumendar kamell un tumenge penas, well kai tseli bibacht pral tumende, un lell tumen palla, bis te mulo han.

1. Tessalonikarja 5:4

Tumer, kamle phrala, ma djiwenn jaake har an i kali rat har kolla, kai prindjrenn o Debles gar! Palle well ko diwes gar pral tumende har i tchorepaskro an i rat.