Zakarie 1:17 - O Debleskro Drom 2021 (Sinte)17 De pale gole: Kowa penell o baro Dewel, ko rai pral o bolepen un i phub: “An mire forja well pale budeder har doha latchepen. Un o baro Dewel rakrell pale latche laba ap i menshende ap i berga Zion. Un o foro Jerusalem well pale leskro wi-rodedo foro.” အခန်းကိုကြည့်ပါ။O Debleskro Lab 2024 (Sinte-Manouche)17 De pale gole: Kova penell o baro Devel, ko ray pral o bolepen oun i phoub: “An mire forya vell pale boudeder har doha lačepen. Oun o baro Devel rakrell pale lače laba ap i menshende ap i berga Sion. Oun o foro Yerusalem vell pale leskro vi-rodedo foro.” အခန်းကိုကြည့်ပါ။ |
Ninna an i wawar forja an o them Juda djiwan Israelitarja, un rashaja, un Levitarja, un budepangre, kai an o Debleskro kheer budran, un kol menshe, kai wan kolendar, kai budran o Salomeske. Jon lauter djiwan ap pengro kotar phub an pengre forja. Un kalla hi i pralstune, kai djiwan an o them Juda, an o foro Jerusalem.
Me krau, te wenn kol laba tchatcho, hoi miro budepaskro rakras. Un kowa, hoi mire bitchepangre glan-wi penan, mukau jaake te djal, har le les penan. Me hom kowa, kai ap o foro Jerusalem penell: “Mu djiwenn menshe an tute!” Un pral i forja an o them Juda penau: “Jon wenn pale pre tardo.” Lauter hoi khetne phagedo hi, tchiwau me pale pre tardo!
Palle well o foro Jerusalem mange i foro, pral koleste bachtelo hom. I menshe an i tsele themma sharenn man, un hadenn man, te shunenn le ko tselo latcho koowa, hoi me o foreske Jerusalem krau. Lenge atchell o rakepen krik, un jon krenn bare jaka, te dikenn le ko tselo latchepen un koi tseli bacht, hoi dau kau foreske.