Tito 3:11 - O Debleskro Drom 2021 (Sinte)

¹¹ Tu djiness, sawo mensho djas o tchatcho dromestar tele, un kamell gar pale ap o tchatcho drom te well. Jaake sikrell lo, kai job mukas o Debles.

O Debleskro Lab 2024 (Sinte-Manouche)

¹¹ Tou djiness, savo mensho djas o čačo dromestar tele, oun kamell gar pale ap o čačo drom te vell. Yaake sikrell lo, kay yob moukas o Debles.

Tito 3:11 ပူးပေါင်းရင်းမြစ်များ

Louka 19:22

Ap koleste penas o rai: Tu moleh tchi. Tu hal i tchilatcho budepaskro. Tu djinal, kai hi man i dji dran bar, un kai lau, kai dom tchi, un hoi me gar an i phub tchiwom, te well kowa baro.

Louka 7:30

Kol Farisarja un kol biboldengre tchatchepangre, kran o Debleskro lab penge tchitcheske. Jon mukan pen gar o Johannestar te taufrell.”

Johanni 3:18

Koon ap leste patsella, pral koleste well kek phagi wi-rakedo. Koon gar ap leste patsella, pral koleste hi i phagi wi-rakedo doleske, kai patsas lo gar ap o Debleskro tchaweste.

Bičepangre 13:46

O Paules un o Barnabes his kek traash lendar, un penan lenge: “Tumenge hunte was o Debleskro lab glan kol tsele wawar menshende penlo. Har kamenn tumer kanna tchi kolestar te djinell, sikrenn tumer, te han gar moldo, te lenn ko djipen, hoi gar pre-herella. Doleske djah mer kanna pash kolende, kai hi kek bibolde.

Bičepangre 15:24

Mer shunam, te wan menshe mendar pash tumende, un kran tumen dineles, jaake te lan tumer traash. Djinenn, kolen bitchram mer gar pash tumende.

Bičepangre 23:25

O pralstuno tchinas ninna i liil, koi his dren tardo:

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

2. Timoteo 2:14

Pen lenge kowa pale te pale! De len trad glan o Debleste, te tchingrenn jon pen gar pral laba! Ko tchingepen hi tchi moldo, un krell o patsepen kolendar paash, kai kowa lauter shunenna.

Tito 1:11

Tu pandess lengro mui! Jon sikrenn i menshende i drom, hoi gar tchatcho hi. Kowa krenn le, te well len budeder lowe. Jaake djinenn tsele familje buder gar, hoi te patsenna.

Tito 1:14

Pen lenge, te shunenn le gar ap i biboldengre parmisse, witar gar ap kol menshende, kai mukan o tchatcho drom un penenn i menshenge, te rikrenn le pen ap laba, hoi penenna, hoi pale-tchiddo hi un hoi gar pale-tchiddo hi.

Hebrearja 10:26

Te kamell jek ap i tchilatcho drom te djal, un krell kowa ninna, ninna te prindjrell lo o tchatchepen, koleske hi buder kek koi, kai nai merals, te lell lo leskri doosh krik.