Tito 3:10 - O Debleskro Drom 2021 (Sinte)

¹⁰ Te dell jek mensho, kai anell tchingepen mashkral i patslende, pen koleske, te mukell lo kowa! Job te mukell gar tele, pen kowa leske i duito kopo! Job te shunell gar ap tute, palle rake buder gar leha!

O Debleskro Lab 2024 (Sinte-Manouche)

¹⁰ Te dell yek mensho, kay anell čingepen mashkral i patslende, pen koleske, te moukell lo kova! Yob te moukell gar tele, pen kova leske i douyto kopo! Yob te shounell gar ap toute, palle rake bouder gar leha!

Tito 3:10 ပူးပေါင်းရင်းမြစ်များ

Remarja 16:17

Mire phrala, me mangau tumen, denn jak, te shunenn tumer gar ap kolende, kai anenn tchingepen mank i patslende un sikrenn o Debleskro drom wawartchandes har kowa, hoi tumende siklo was, un krenn tumaro patsepen paash! Rikrenn tumen lendar pale!

1. Korintarja 11:19

Kowa hunte well jaake, te dikell hakeno, koon tumendar an o patsepen mishto tardo hi.

2. Korintarja 13:2

Te wau kau kopo, rikrau man gar pale, te dap kolen i phagi, kai kran tchilatcho koowa. Kowa penom, har homs o duito kopo pash tumende, un kanna, kai hom dur tumendar krik, penau les pale tumenge.

Galatarja 5:12

Kolla, kai krenn tumen dineles, kamaus, te tchinenn pen le paash!

Galatarja 5:20

Jon mangenn wawar koowa an har o Debles. Jon durkrenna. Jon kurenn pen un tchingrenn pen. Jon silwerenna, un len hi choli ap i wawarende. Jon dikenn ap pende kokres, te djal lenge mishto, un dikenn gar ap i wawarende, te djal lenge ninna mishto. Jon mukenn pengre phralen un djan wawarentsa khetne.

2. Tessalonikarja 3:14

Jek te krell kowa gar, hoi mer an kau liil tchinam, penenn kowa i wawar patslenge, un rikrenn tumen lestar pale, te well i ladj pral leste!

2. Tessalonikarja 3:6

Mire phrala, an o lab maro rajestar, o Jesus Kristestar, penah tumenge soreles: Rikrenn tumen kol phralendar krik, kai kamenn gar te budrell! Jon djiwenn gar jaake, har mer tumenge penam.

2. Timoteo 3:5

Kolla krenn jaake, har te wans le patslo. Jon prindjrenn gar koi soor, hoi well dran o tchatcho patsepen. Rike tut sawe menshendar pale!

2. Petro 2:1

Glan i rah tsiro his chochene rakepangre an o them Israel, kai kran, har te bitchras len o Dewel. Jaake wenna ninna mashkral tumende chochene sikepangre, kai sikrenn tumen i chocheno drom, kai anell tumen krik o Deblestar. Kol sikepangre denn o Jesuses, maro rajes, buchoste, kai plaissras peskro rateha lenge, te lell lo len dran o tchilatchepen win. Jon nashenn an pengri bibacht.

2. Johanni 1:10

Te well jek pash tumende, un penell tumenge wawar koowa har kowa, hoi o Jesus Kristo menge penas, koles lenn gar an tumaro kheer! Parkrenn les witar gar!