Tito 2:3 - O Debleskro Drom 2021 (Sinte)

³ Pen i phure djuwjenge, te djiwenn le jaake, har o Debleskre tchawe djiwenna, te rakrenn le gar djungeles pral i wawarende, te pijenn le pen gar mato! Jon hunte sikrenn i wawaren, hoi latcho hi.

O Debleskro Lab 2024 (Sinte-Manouche)

³ Pen i phoure djouvyenge, te djivenn le yaake, har o Debleskre čave djivenna, te rakrenn le gar djoungeles pral i vavarende, te piyenn le pen gar mato! Yon hounte sikrenn i vavaren, hoy lačo hi.

Tito 2:3 ပူးပေါင်းရင်းမြစ်များ

Remarja 1:29

Jon hi pherdo tchilatchepen, djunglepen, ninna bok pal i lowe. Jon hi tchilatcho un silwerenn, tchingrenn, chochenn, marenn, un dukrenn i wawaren. Jon rakrenn djungeles pral i wawarende,

Efesarja 5:3

Tumer han o Debleskre menshe. Doleske krenn kek wi-ladjedo un djungelo koowa! Nashenn witar gar pal i lowe! Hi gar mishto, te well pral sawo koowa mank tumende rakedo!

1. Timoteo 3:11

I djuwja, kai hi i patslenge koi, hunte djiwenn ninna latches glan i menshengre jaka. Jon rakrenn kek chocheno koowa pral i wawarende. Jon rakrenn kek dinelo koowa. Jon krenn pengri tseli budi mishto.

1. Timoteo 3:8

Jaake har i phureder mank i patslende hunte djiwenn latches glan i menshengre jaka, jaake hunte djiwenn kolla ninna, kai budrenn i patslenge an o Debleskro kheer. Jon te rakrenn gar dui tchipjentsa. Jon te wenn kek pipangre. Jon te nashenn gar pal i lowe.

1. Timoteo 5:23

Tu te pijeh pani, palle tchore ninna mool dren! Kowa hi mishto tiro pereske. Tu hal jaake bud nasselo.

Tito 1:7

I pralstuno pral o Debleskro kheer hunte djiwell jaake, te dikell kek i tchilatcho koowa ap leste. Job djal gar pal peskro shero, un well gar sik chojemen! Job well kek pipaskro un kek tchingepaskro! Job nashell gar pal i lowe!

Tito 2:4

I terne djuwjenge hunte penenn le, te kamell hakeni peskro romes un pengre tchawen o djijestar,

Hebrearja 5:12

Tumer han jaake rah patslo, kai hunte wans sikepangre i wawar menshenge. Kowa han tumer gar. Tumende hunte well pale o Debleskro drom siklo har djinans les gomme gar. Jaake han tumer har tikne tchawe, kai pijenna thud, un nai chan kek mursheskro chapen.

Debleskro tsiro 2:20

Jek koowa hi gar mishto pash tumende. Tumer mukenn koi djuwel Isebel te rakrell, hoi joi kamella, koja, hoi penell, te hi li o Debleskri rakepaskretsa. Joi tserdell mire budepangren o Debleskro dromestar tele un penell lenge, te nai djan i mursha pash wawar djuwjende, un i djuwja pash wawar murshende. Ninna penell li lenge, te nai chan le ko mass, hoi wawar menshe glan pengro debleste anan.