Tito 1:1 - O Debleskro Drom 2021 (Sinte)

¹ Me, o Paulo, tchinau kau liil. Me hom o Debleskro budepaskro. Un o Jesus Kristo bitchras man pash kolende, kolen o Dewel peske win rodas, te krap lengro patsepen soreles, te haiwenn le o tselo tchatchepen, un te djan le ap o Debleskro drom.

O Debleskro Lab 2024 (Sinte-Manouche)

¹ Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Tito 1:1 ပူးပေါင်းရင်းမြစ်များ

1. Familjakro liil 6:49

Un jaake dan i Israelitarja i menshen dran o kheer Levi forja un phub trul kol forja, te nai chan lengre vieche.

Louka 18:7

Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Bičepangre 13:48

Har kolla, kai hi kek bibolde, kowa shunan, wan le bachtelo, un sharan o Debleskro lab. Un lauter kolla wan patslo, kai o Deblestar win rodedo wan, te lenn jon ko djipen, hoi gar pre-herella.

Remarja 1:1

Me, o Paulo, o budepaskro o Jesus Kristestar, tchinau kau liil. Job das man gole, te wap leskro bitchepaskro, un rodas man win, te sikrap i menshende leskro drom.

2. Korintarja 1:1

Kau liil tchinau me, o Paulo. Me hom o Jesus Kristeskro bitchepaskro, jaake har o Dewel kowa kamell. Un me un maro phraal, o Timoteo, mer tchinah kau liil ap i patslende, kai wenn khetne an o Debleskro lab an o foro Korint. Kau liil hi ninna i tsele Debleskre tchawenge an o them Achaja.

Efesarja 2:8

Dran peskro latchepen las lo tumen dran o tchilatchepen win, har patsan ap o Jesus Kristeste. Tumer wan nai gar dran tumari soor dran o tchilatchepen un o merepen win. Na-a! O Dewel las tumen win.

Filiparja 1:1

Mer, o Paulo un o Timoteo, tchinah kau liil. Mer budrah o Jesus Kristeske, un tchinah kau liil ap lauterende, kolen o Dewel win gole das an o foro Filipi, te patsenn le ap o Jesus Kristeste. Kau liil hi ninna i pralstunenge, kai denn garda ap i patslende, ninna kolenge, kai krenn o Debleskri budi mashkral i patslende.

Kolossarja 2:2

Kowa krau, te wenn tumer soreles an tumaro dji, un rikrenn khetne an o kamlepen. Ninna kamau, te haiwenn tumer mishto o Debleskro drom, hoi i menshe i rah tsiro gar djinan. Ko drom hi o Jesus Kristo.

1. Timoteo 2:4

Job kamella, te wenn i tsele menshe ap leskro drom, un te haiwenn le leskro tchatchepen.

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

1. Timoteo 6:3

Te sikrell jek i menshende i wawar drom, un penell lenge gar o tchatcho lab maro rajestar, o Jesus Kristestar, un sikrell lende gar, har te djan le ap o Debleskro drom,

2. Timoteo 2:10

Me lau kowa lauter ap mande kol menshenge, kolen o Dewel win rodas, te lenn jon o djipen un o railepen, hoi gar pre-herella. Kowa dell len o Jesus Kristo.

2. Timoteo 2:23

Te tchingrenn i menshe pral i laba, ma muk tut an ko dinelo rakepen dren tserdell, hoi tchi molella! Tu djineh, kowa anell tchingepen.

2. Timoteo 2:25

ninna te kamenn le gar ap leste te shunell. Job rakrell latches lentsa, te anell lo len ap o tchatcho drom! O Dewel nai dell len o dji, te mukenn le pengro tchilatcho drom, un te haiwenn le, hoi o tchatchepen hi.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.

2. Petro 1:3

Job hi baro un railo, un his menge latcho, un das men pash peste gole. Har lam les an maro dji pre, das men o Dewel an peskri soor halauter, hoi men hunte well, te djiwas maro djipen jaake, har job kamella.

2. Petro 3:11

Mer djinah, kai lauter jaake paash djala. Doleske hunte kras mer lauter, te atchas o Debleha, un djiwas jaake, har job kamella.

1. Johanni 2:23

Hakeno, kai o Debleskro tchawes buchoste della, prindjrell witar gar o Debles, kai leskro dad hi. Koon ap o Jesuseste patsella, un i menshenge penella, te hi o Jesus o Debleskro tchawo, kowa prindjrella ninna o Debles, leskro dades.

Debleskro tsiro 1:1

An kau liil hi kowa tchinlo, hoi o Dewel mukas o Jesus Kristes te dikell, te sikrell job peskre budepangren, hoi an i tikno tsiro hunte wella. Un o Jesus Kristo bitchras peskro bolepaskres pash mande, te sikrell lo mande kawa lauter. Me, o Johanni, hom leskro budepaskro