Sikepaskro 8:8 - O Debleskro Drom 2021 (Sinte)

⁸ O menshes hi kek soor, te nai rikrell lo o phurdepen pre. Un les hi kek soor pral ko diwes, kai merell lo. Ninna glan o kurepen nai nashell peske kek. Un peskro tchilatcho koowa nai lell gar o tchilatches win dran i bibacht.

O Debleskro Lab 2024 (Sinte-Manouche)

⁸ O menshes hi kek zoor, te nay rikrell lo o phourdepen pre. Oun les hi kek zoor pral ko dives, kay merell lo. Ninna glan o kourepen nay nashell peske kek. Oun peskro čilačo koova nay lell gar o čilačes vin dran i bibarht.

Sikepaskro 8:8 ပူးပေါင်းရင်းမြစ်များ

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

2. Rajengro liil 7:15

Un jon djan lenge palla bis pash o pani Jordan, un dikan, kai ap o drom ripja un wawar koowa tchiddo hi, kai kol Syrarja an o sikepen krik witsran. Un har kol bitchepangre pale wan un kowa o baro rajeske penan,

Hiob 14:5

Tu penal, har phuro i mensho well, kitse tchonna job djiwell. Un penal, ap hawo diwes leskro djipaskro tsiro trujel hi.

Hiob 34:14

Te lals job peske glan, te lell lo peskro djipaskro ducho palpale o menshestar,

Debleskri gili 89:48

Tu djineh, har tikno miro djipen hi. Ma biste, har sik i mensho buder gar kai hi! Tu kokres kral les jaake.

Debleskri gili 9:17

O baro Dewel sikras, koon job hi, un das i tchilatchende pengri phagi. I tchilatche pandan pen an koi netsa, hoi jon pengre wastentsa kran.

Gosewe laba 12:3

O tchilatchepen dell kekes i soor, te atchell lo soreles tardo. Kowa, kai an o tchatchepen hi, atchell soreles tardo har i ruk bare drabentsa.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Sikepaskro 3:21

Kek nai djinell, te djal o mensheskro ducho pral an o bolepen un o viecheskro ducho tele an i phub.

Sikepaskro 8:13

O tchilatcheske djal gar mishto. Un jaake har i shatto gar rah koi hi, djiwenn kolla gar rah, kai kamenn tchi o Deblestar te djinell.

Sikepaskro 9:12

Ninna djinell o mensho peskro tsiro gar, un well tapedo an o tchilatcho tsiro, hoi ap jek kopo pral leste perell, jaake har i matche tapedo wenn an i netsa, un i tchirkle an pandle dorja.

Jesaja 28:15

Tumer penan: “Mer kram win o merepah un o mulengro themeha, te was menge tchi. Ninna te wenn i lurde dran wawar themma har i baro sorelo pani pral mende, wenn le gar sorleder har mer.” Tumer patsenn, te nai khatrenn tumen pal tumare chochene laba un pal ko chochepen, hoi kran.

Jesaja 28:18

Un kowa, hoi tumer win kran o merepah un o mulengro themeha, well krik lino un hi gar buder. Un i lurde wenn har i baro pani, un stakrenn tumen khetne.

Jesaja 47:10

Tu rikral tut ap tiro tchilatchepen un penal: “Kek dikas man!” Tiro goswepen un lauter, hoi djineh, kras tut pre-phurdo, jaake te penal an tiro dji: “Me hom i bareder. Kek well sorleder har me.”

1. Korintarja 15:43

Kowa, hoi an i phub tchiddo wella, hi djungelo. Kowa, kai i mulendar pre stella, hi shukar. Kowa, hoi an i phub tchiddo wella, koles hi kek soor. Te stell lo i mulendar pre, djal kowa i bari sorjah.

2. Korintarja 13:4

Har job ap o trushel dino was, his job gar sorelo. Kanna djiwell job dran o Debleskri soor. Jaake har o Jesus Kristo ap o trushel gar sorelo his, ham mer witar gar sorelo. Un jaake har job djido was, ham mer leha ninna djido un sorelo dran o Debleskri soor. Kowa nai dikenn, te hom pash tumende!

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,