Sikepaskro 8:17 - O Debleskro Drom 2021 (Sinte)

¹⁷ Un me dikom halauter, hoi o Dewel kras. Tchatchepah, i menshe nai haiwenn gar halauter, hoi job kras ap kai phub. Ninna te rodell o mensho phares, te haiwell lo ko koowa, nai hatsell lo gar win, hoske halauter jaake hi. Un ninna o gosewo, te penell lo: “Me djinau les”, nai hatsell lo les gar win.

O Debleskro Lab 2024 (Sinte-Manouche)

¹⁷ Oun me dikom halauter, hoy o Devel kras. Čačepah, i menshe nay hayvenn gar halauter, hoy yob kras ap kay phoub. Ninna te rodell o mensho phares, te hayvell lo ko koova, nay hatsell lo gar vin, hoske halauter yaake hi. Oun ninna o gosevo, te penell lo: “Me djinau les”, nay hatsell lo les gar vin.

Sikepaskro 8:17 ပူးပေါင်းရင်းမြစ်များ

Hiob 5:9

Job hi kowa, kai krell bud baro un sorelo koowa, hoi kek haiwell un kek wawar nai krell.

Debleskri gili 104:24

Baro Dewel, har baro un bud hi kowa, hoi tu halauter kral! Har gosewes kral tu halauter! I phub hi pherdo o tselo koowa, hoi tu kral.

Debleskri gili 40:5

Bachtelo hi ko mensho, kai rikrell pes ap o baro Debleste, un djal gar kolentsa, kai hi pre-phurde un chochene.

Debleskri gili 73:16

Koi lom mange tsiro, te nai haiwap kawa, un phares his kowa an mire jaka,

Sikepaskro 1:13

Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

Sikepaskro 11:5

Tu djineh gar hawo drom o phurdepen djala, un har i kokale kerdo wenna an i dakro per. Jaake nai djineh tu witar gar, hoi o Dewel halauter krella, un har job halauter krella.

Sikepaskro 3:11

Hako koowa, hoi o Dewel krell, krell lo ap o tchatcho tsiro. Un job tchiwas o mensheske an o dji, te haiwell lo, kai hi tchomone koi, hoi atchell hako tsiro. Ninna te hi kowa jaake, nai haiwell o mensho gar ko tselo koowa, hoi o Dewel krell, kokres tikne kotja kolestar.

Sikepaskro 7:13

Dik, hoi o Dewel halauter kras! Kek nai krell wawartchandes, hoi job bango kras!

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.