Sikepaskro 6:2 - O Debleskro Drom 2021 (Sinte)

² Kote hi jek, koles kras o Dewel baro un an-diklo, das les brawlepen un bud latcho koowa. Jaake hi les halauter, hoi o dji kamella. Un palle mukell les o Dewel gar kolestar te chal un bachteles te well. I wawar lell kowa halauter un chal les pre. Sawo koowa hi ninna phares te haiwell un krell man nasselo.

O Debleskro Lab 2024 (Sinte-Manouche)

² Kote hi yek, koles kras o Devel baro oun an-diklo, das les bravlepen oun boud lačo koova. Yaake hi les halauter, hoy o dji kamella. Oun palle moukell les o Devel gar kolestar te rhal oun barhteles te vell. I vavar lell kova halauter oun rhal les pre. Savo koova hi ninna phares te hayvell oun krell man nasselo.

Sikepaskro 6:2 ပူးပေါင်းရင်းမြစ်များ

1. Rajengro liil 3:13

Koi pashel dau tut, hoi tu gar mandar mangal, brawlepen un railepen, jaake te well kek baro rai har tu an tiro tsiro.

1. Familjakro liil 29:25

Un i tsele Israelitarja nai dikan, har kras o baro Dewel, te was o Salomo bareder un bareder. O Salomo was an-diklo un sharedo har kek wawar rai pral Israel glan leste.

1. Familjakro liil 29:28

Un job his i brawelo un an-diklo mursh. Les his i rah djipen. Un job meras an o mishto phurepen. Un pal leste was peskro tchawo, o Salomo, o baro rai.

2. Familjakro liil 1:11

Un o Dewel penas ap o Salomo: “Tu nai mangals mandar brawlepen, kutch koowa, an-dikepen, i lengsto djipen un o merepen kolendar, kai kurenn pen tuha. Kowa kral gar. Tut hi an tiro dji, te mangal mandar goswepen, te djiness, har te nai rakress o tchatchepen win pral mire menshende, pral kolende me tut o rai krom.

Debleskri gili 17:14

Baro Dewel, tiro wasteha le man win dran o wast kol menshendar, kai djiwenn i phubjake. Lengro brawlepen lenn jon an kau djipen! Tu kreh lengro per pherdo ko koowa, hoi tu lenge deh. Ninna lengre tchawe wenn tchalo, un mukenn pral pengre tchawenge.

Debleskri gili 39:6

Miro djipen hi jaake tikno har i wast buchlo hi. Kowa hi har tchi pash tute. Har sorelo i mensho ninna tardo hi, leskro djipen hi har i ducho.

Debleskri gili 73:7

Dran lengre djia well tchilatchepen. Un jon krenn lauter pal pengro shero.

Sikepaskro 4:4

Un me dikom, har marenn pen i menshe tele un krenn latchi budi, te wenn le feteder har kol wawar, jaake te silwerenn kolla ap lende. Kowa hi ninna tchi-moldo, un jaake har te nashals jek pal o ducho, hoi djal pral i phub.

Sikepaskro 4:8

Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

Sikepaskro 5:13

Un i bibacht well un jon nashrenn halauter. Un te hi i tchawo koi, atchell leske tchi an o wast.

Sikepaskro 5:16

Peskro tselo djipen mukas lo pes gar mishto te djal. Bud pharo koowa djas leske an o shero trujel un kras leske daar. Un koi pashel was nasslepen un choli an leskro djipen.

Sikepaskro 5:18

Te dell o Dewel i menshes brawlepen un latcho kowa, te nai chal lo un pijella, un te nai mukell lo peske mishto te djal, un leskro dji sal pral halauter, hoi leske dran peskri phari budi was, palle hi kowa tchomone, hoi o Deblestar was.

Sikepaskro 5:19

O Dewel das les bacht an o dji. Doleske hunte krell lo peske kek shero pral o tikno tsiro, kai hi lo ap kai phub.

Jesaja 55:2

Hoske denn lowe koleske, hoi kek maro hi? Hoske denn tumer kowa, hoi tumer tumari phari budjake lan, tchomoneske win, hoi gar tchalo krell? Shunenn ap mande, palle well tumen latcho koowa te chal, un nai chan tumen tchalo ap i feteder chapen.

Ropaskre gilja 5:2

Ko them, hoi men dal, hi an i wawarengro wast. Un an mare khera djiwenn wi-themarja.

Daniel 5:18

Tu miro rai! O pralstuno Dewel das tiro dades Nebukadnezar themma, rajeskri soor, barepen un railepen.

Hosea 7:9

I wawar menshe chan leskri soor, un job haiwell kowa gar. O Efrajim hi har i phuro mursh, koleskre balla parno wan. Un job haiwell gar, kai leskro tsiro sik trujel hi.

5. Mose 28:33

Lauter, hoi ap tiri hachetikri phub baro was, koleske tu phares budral, chan sawe menshe, kai wenn dran i dur them. Un tu weh sorjah tele rikedo, un hunte budress tel duka tiro tselo djipen.

5. Mose 28:43

Kol wi-themarja, kai mank tumende djiwenn, wenn sorleder un sorleder pral tumende. Un tumer nashrenn tumari soor pral lende.

Čačepangre 18:10

Tumer hatsenn kote menshe, kai darenn gar, te well jek pral lende. Un o them hi buchlo pal hake rigja. Awa, o Dewel das les an tumaro wast, i them an koleste lauter hi, hoi ap i phub dell.”