Sikepaskro 3:20 - O Debleskro Drom 2021 (Sinte)

²⁰ Halauter hunte merell, hako djipen was dran i tchik, un hako djipen well pale tchik.

O Debleskro Lab 2024 (Sinte-Manouche)

²⁰ Halauter hounte merell, hako djipen vas dran i čik, oun hako djipen vell pale čik.

Sikepaskro 3:20 ပူးပေါင်းရင်းမြစ်များ

1. Mose 25:17

O Ismael was 137 (sheel-te-trijanda-te-efta) bersha phuro. Un job meras un was paskedo.

1. Mose 25:8

Les his i rah djipen. Un job meras an o mishto phurepen un was paskedo.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

Hiob 14:10

Merell i mursh, hi lo buder gar. Kek ducho atchell an leste. Kai hi lo?

Hiob 14:14

Te merell i mensho, well lo palle pale djido? Palle bistroms, har djungeles mange kanna djal, un dikoms ap ko tsiro, kai mange feteder djal.

Hiob 17:13

Hi buder tchi, ap kowa nai dikaus. Glan mande hi o mulengro them. Kote an o kalepen nai tchiwau man tele.

Hiob 30:24

Te peras jekeskro kheer khetne, un job hi tchiddo tel i barra, rikrell lo gar peskro wast win? Te well i bibacht pral jekeste, dell lo gar gole?

Hiob 34:15

palle merans halauter, hoi djiwenn, ap jek kopo, un o mensho wals pale tchik.

Hiob 7:9

Jaake har i wolka ap jek kopo buder gar koi hi, jaake hi o mensho, kai merell. Job well buder gar pale dran o mulengro them.

Debleskri gili 103:14

Job djinell, kai menshe ham; te ham dran tchik kerdo, bistrell lo gar.

Debleskri gili 104:29

Tu te djah lendar krik, taprell len i daar. Tu te leh lendar o ducho, merenn le, un wenn pale tchik.

Debleskri gili 49:14

Dikenn har kolenge djala, kai hi jaake dinelo un kamenn pengro rakepen te shunell!

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Sikepaskro 3:21

Kek nai djinell, te djal o mensheskro ducho pral an o bolepen un o viecheskro ducho tele an i phub.

Sikepaskro 6:6

Ninna te wals kowa dui serja bersha phuro, les wals tchi peskro djipastar – hake dui hunte meran.

Sikepaskro 7:2

O mensheske hi feteder te djal lo an i kheer, kai jek meras un i menshe rowenna, har te djal lo an i kheer, kai krenn le i bijab. Kote, kai jek meras, well diklo, kai hako mensho hunte merella. Un koon gomme djido hi, mukell pes kowa an o dji te djal.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Daniel 12:2

Un bud kolendar, kai tel i phub tchiddo his un sowan, kolla stenn pre, ko jek o djipaske, hoi gar pre herella, un ko wawar i bari ladjake un o praassepaske, hoi buder gar pre herella.

4. Mose 27:13

Un te dikal tu kowa, mereh tu, jaake har tiro phraal Aron ninna meras.