Sikepaskro 12:1 - O Debleskro Drom 2021 (Sinte)

¹ Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

O Debleskro Lab 2024 (Sinte-Manouche)

¹ Yaake rah har terno hal, ma biste koles, kay tout kras! Oun djin, te venn kol čilače divessa oun kol bersha, kay tou peneh: “Yon hi mange gar mishto”!

Sikepaskro 12:1 ပူးပေါင်းရင်းမြစ်များ

1. Mose 39:2

Un o baro Dewel his pash o Josefeste. Lauter, hoi job kras, his mishto. Un job atchas an o kheer peskro egiptikro rajestar.

1. Mose 39:23

Jaake rah, har lauter an o Josefeskro wast his, hunte kras o pralstuno pral o stilepen tchi. O baro Dewel his pash o Josefeste un das les bacht an halauter, hoi job kras.

2. Samuel 19:35

Penas o Barsillai ap o baro rajeste: “Me djiwau buder gar rah. Hoske djap me tuha tele an o foro Jerusalem?

2. Samuel 19:36

Me hom kai diwes deesh-te-ochta bersh phuro. Har nai djinau me, hoi latcho hi un hoi tchilatcho hi? Haiwau buder gar, hoi chau un pijau un shunau buder gar, hoi ko gipaskro un koi gipaskretsa giwenna. Kamau gar te wap i pharepen tuke, miro baro rajeske.

1. Rajengro liil 14:13

Un o tselo them Israel rowell pral ko tchaweste. Un jon paskrenn les; job kokres o Jerobeameskre menshendar well paskedo. Pash leste kokres hatsas o Israeleskro baro Dewel tchomone, hoi glan leskre jaka latcho his.

1. Rajengro liil 18:12

Hoi hi, te djau kanna tutar, un o baro Debleskro ducho lell tut krik un anell tut ap i wawar kotar phub, hoi me gar djinau? Un me wau palle pash o Ahab un penau leske, tu hal kai, un job hatsell tut gar? Palle mukell lo man te marell. Tu djineh, me, tiro budepaskro, shunau ap o baro Debleste fun tiknes pre.

Nehemia 4:14

Tumer te shunenn koi phurdepaskri, djan koi un awenn kote mentsa khetne. Un maro Dewel kurell pes menge.”

Hiob 30:2

Len his buder kek soor an pengre mussja. Hoi wals man kolestar, te budrans le mange?

Debleskri gili 119:55

Rati weh tu mange an o shero, baro Dewel, te djap ap tiro drom.

Debleskri gili 34:11

I bare diwje margodje hatsenn gar hako diwes doha chapaske un hunte bokenna. Kol menshen, kai rodenn o baro Debles, hi lauter doha djipaske.

Debleskri gili 63:6

Tu kreh miro dji jaake tchalo un bachtelo, har te chap i shukar chapen. Miro mui giwell tuke i gili un sharell tut.

Debleskri gili 90:10

Maro djipen hi 70 (efta-deesh) bersha, te hi bud, 80 (ochta-deesh) bersha. Un kowa, hoi menge shukar his, hi tchi har budi un pharepen. Un sikeder har sik hi lauter trujel.

Gosewe laba 22:6

Sike i tikno tchawes peskro drom, palle djal job gar kolestar krik, ninna te well lo phuro.

Gosewe laba 8:17

Me kamau kolen, kai man kamenn. Un kolla, kai rodenn man o djijestar, kolla hatsenn man ninna.

Sikepaskro 11:10

Dja koleske dran o drom, hoi anell tuke choli un duka. Ko tsiro, kai hal i tchawo un i terno mursh, hi sik trujel.

Sikepaskro 11:2

Phage tiro maro an kotja, un de les efta, ochta menshenge; tu djineh gar, hawi bibacht well pral kai phub.

Sikepaskro 11:8

I mensho, te djiwell lo bud bersha, mu well lo bachtelo pral hako bersh, kai djiwell lo. Mu bistrell lo gar, te wenn kale diwessa. Ninna kolla hi bud. Halauter, hoi wella, hi menge khatedo.

Jesaja 26:8

Baro Dewel, mer dikah ap tute, te peness tu o tchatchepen win. Lauter an mende rodell tut, un kamell, te well tiro lab sharedo.

Ropaskre gilja 3:27

Mishto hi i mensheske, te hidjrell lo, hoi o Dewel leske bitchras, jaake rah har lo terno hi.

Daniel 1:17

Un kol star terne murshen das o Dewel i baro goswepen, te haiwan le lila an bud rakepen te drawerell. Ninna haiwan le pen win an bud koowa. Un o Daniel haiwas ninna te penell, hoi sunja un dikepen kamenn te penell.

Hosea 7:9

I wawar menshe chan leskri soor, un job haiwell kowa gar. O Efrajim hi har i phuro mursh, koleskre balla parno wan. Un job haiwell gar, kai leskro tsiro sik trujel hi.

Louka 1:15

Un job wella bares glan o Debleskre jaka. Mool un wawar sorelo pipen pijell job gar. Un har job gomme gar boldo hi, hi lo pherdo Debleskro Ducho.

Louka 18:16

Koi das o Jesus peskre malen gole, un penas ap lende: “Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.

Efesarja 6:4

Tumer dada, ma choirenn tumare tchawen! Penenn lenge, hoi o Dewel lendar kamella, un sikrenn lende, har te djan le ap o Debleskro drom!

5. Mose 8:18

Doleske ma bistrenn tumaro baro Debles! Job hi kowa, kai tut i soor das, te nai lenn tumenge brawlepen khetne. Un jaake rikrell job kowa, hoi lo tumare phurentsa win kras. Ninna kau diwes rikrell lo pes ap kowa.

2. Timoteo 3:15

Tu prindjreh o Debleskro lab fun tiknes pre. Un ko lab das tut o goswepen, te hatsal o drom pash o Jesus Kristeste un haiwal, tu hunte patsess ap o Jesus Kristeste, te less ko djipen, hoi gar pre-herella.

1. Samuel 1:28

Doleske dau les me kanna ninna o baro Debleste pale, te well lo leskro, jaake rah har job djiwella.” Un jon mangan kote o baro Debles an.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”

1. Samuel 2:18

Un o Samuel his o baro Debleske koi. Kau tchawo his rido an i rashajeskri laintikri damdira.

1. Samuel 2:26

Un o terno Samuel was phureder, un kowa, hoi lo kras, his mishto glan o baro Debleskre jaka un ninna glan i menshengre jaka.