Sikepaskro 10:19 - O Debleskro Drom 2021 (Sinte)

¹⁹ Kones chapen hi, nai sal. Koon mool pijell, nai giwell. I lowentsa nai well tut kowa halauter.

O Debleskro Lab 2024 (Sinte-Manouche)

¹⁹ Kones rhapen hi, nay sal. Koon mool piyell, nay givell. I loventsa nay vell tout kova halauter.

Sikepaskro 10:19 ပူးပေါင်းရင်းမြစ်များ

1. Mose 43:34

O Josef mukas leskro chapastar peskre phralenge te anell. Un ko chapen, hoi mukas job o Benjamineske te anell, his pantch kope jaake bud, har o chapen leskre wawar phralenge. Un jon chan un pijan un wan bachtelo leha.

2. Samuel 13:28

O Absalom penas ap peskre lurde: “Denn jak! Te pijas pes o Amnon mato, un te penau me ap tumende: ‘Denn o Amnones khetne!’ palle denn les mulo! Ma trashenn! Me penom tumenge, te krenn kowa. Awenn tchatche mursha un krenn kowa kek trashah!”

1. Familjakro liil 21:24

Un o baro rai David penas ap o Arauna: “Jaake djal gar. Tchatchepah, me kamau tutar kowa tele ginell, un plaissrau, hoi ko koowa molella. Kamau gar kowa te lell o baro Debleske, hoi tiro hi, kamau leske tchi te chatchrell, kai lom tchitcheske.”

Esra 1:6

Un halauter, kai trul lende trujel djiwan, kran lengre wasta soreles un dan len rup, sonakai, wawar latcho un kutch koowa un vieche, ninna wawar koowa, hoi jon len dran pengro kamlepen dan.

Nehemia 5:8

un penom ap lende: “Kai kowa an maro wast his, ginam i bibolden, mare phralen, pale, kai ap i wawar menshende bikedo wan. Un kanna kamenn tumer, te bikrenn pen tumare phrala ap tumende, kai lengre menshendar han!” Kote atchas lenge o mui pre, un jon hatsan kek laba, hoi le nai penans.

Ester 1:10

Un ap o eftato diwes his o baro rajeskro dji bachteles bud moljatar. Un job kamas i rajenge un i tsele menshenge peskri romjat, i rani Wasti, te sikrell, kai jaake shukar his. Un job rakras kol efta pralstunentsa, kai ninna pral o djuwjengro kheer penepaske hi: o Mehuman, o Biseta, o Harbona, o Bigta, o Abagta, o Setar un o Karkas. Lenge penas lo, te anenn le i rani, un te hidjrell li peskro shereskro sonakai.

Debleskri gili 104:15

i mool, hoi o mensheskro dji bachteles krella, o djet, hoi leskro mui shukar krella, un o maro, hoi o menshes soreles krella.

Debleskri gili 112:9

Job dell bud i tchorwelen. Leskro tchatchepen atchell hako tsireske. Leskri soor un leskro railepen well baro.

Sikepaskro 2:3

An miro rodepen pal o goswepen rakrom miro djijeha, un penom mange: Pi tuke i mool, te wess bachtelo. Un jaake har i dinelo wom mato. Koi putchom mandar: Hi sawo koowa mishto o mensheske an peskro tikno djipen?

Sikepaskro 9:7

Doleske cha tiro maro un pi tiri mool i bachtelo djijeha; kowa kamell o Dewel jaake tutar.

Jesaja 23:18

Un kol lowe, hoi le dren lenn, well o baro Debleste dino. Kol lowe well gar khetne anlo an i brawlepaskro kheer. Na-a, kol lowe lenn kolla, kai pash o baro Debleskro kheer djiwenn, te well len doha chapaske un latche koola an-ripaske.

Jesaja 24:11

Ap i dromma denn le gole pal mool, kolatar kek buder koi hi. Kek sapen well shunlo, kek khelepen dell buder.

Mateo 17:27

Ninna te hi kowa jaake, kamah gar, te wenn le chojedo ap mende. Doleske dja pash o baro pani, un witse i raan an o pani! Ko matcho, hoi tu tapreh, koleske kre o mui pre! Un tu hatseh an leskro mui i rupeni bema. Le koi rupeni bema, un de koi bema kolende, kai len kol lowe dren! Kowa hi doha mange un tuke.”

Mateo 19:21

Penas o Jesus ap leste: “Te kameh tu o tselo Debleskro kamlepen te krell, palle bike lauter, hoi tut hi! Un de kol lowe i tchorwelende! Palle hi tut i brawlepen an o bolepen. Un am un dja mantsa!”

Louka 12:19

Un me nai penau ap mande: Kowa krom mishto. Kanna hi man bud bersha latcho koowa o djipaske un budrap buder gar. Me chau un pijau un krau miro djipen mange mishto.

Louka 16:9

Me penau tumenge: Tumare lowe atchenna gar. Denn len i tchorwelende, te wenn le tumare mala! Te hi kol lowe budeder tchi moldo, palle lenn le tumen kote an i khera dren, kai tumer hako tsiro nai atchenna.”

Louka 8:3

Ninna i Susanna djas leha, un i Joanna. Lakro rom his o Kuza. Kowa his o pralstuno budepaskro an o Herodeskro kheer. Un bud wawar djuwja djan leha, te denn le len chapen un pipen dran kowa, hoi len hi.

Bičepangre 11:29

Koi penan kol patsle an o foro Antiochia: “Mer dah mare phralen an o them Judea jaake bud lowe, har hakeno nai della.”

Bičepangre 2:45

Jon bikran kowa, hoi len his, i kotar phub un wawar kutch koowa, un dan les kol patslende, kai len tchi his.

1. Petro 4:3

I rah tsiro djiwan tumer har kol menshe, kai o Debles gar prindjrenna. Tumer kran wi-ladjedo koowa. Un tumaro dji nashas pal tchilatcho koowa. Tumer pijan tumen mato, chan tumen nasselo, un mangan wawar koowa an har o Debles. Kowa hi tchilatcho glan o Debleskre jaka.

Čačepangre 14:10

Un leskro dad djas tele an o foro, pash koi terni rakjate. Un o Simson kras kote i baro chapen, har i terne mursha kran kowa jaake an ko tsiro.

Čačepangre 9:13

Kote penas o drakengro ruk: Mukap me i drake, kolendar i mool kerdo well, hoi i deblen un i menshen bachteles krell, te djap koi, te hadap mire kashta pral i wawar ruka?

1. Samuel 25:36

Un har i Abigajil khere was, his o Nabal koi beshdo pash i baro chapen har i baro rajeske. Un leskro dji bashras, un job his bud mato. Un i Abigajil penas leske tchi, kek lab.