Sikepaskro 10:10 - O Debleskro Drom 2021 (Sinte)

¹⁰ Te hi jekes i tower, hoi tchinell buder gar, hunte budrell job peskri tseli sorjah. Te hi lo gosewo, dikell lo palla, te tchinell o tower mishto.

O Debleskro Lab 2024 (Sinte-Manouche)

¹⁰ Te hi yekes i tover, hoy činell bouder gar, hounte boudrell yob peskri tseli zoryah. Te hi lo gosevo, dikell lo palla, te činell o tover mishto.

Sikepaskro 10:10 ပူးပေါင်းရင်းမြစ်များ

1. Rajengro liil 3:9

Doleske mangau tut, de man i dji, hoi shunella, hoi tu peneh, te nai rakrap o tchatchepen win pral i menshende, un te haiwap, hoi mishto un hoi gar mishto hi. Har nai dap hakeneste tire bud menshendar peskro tchatchepen, tu te deh kowa mande gar?”

1. Familjakro liil 12:32

Dran o paash kheer Manasse: 18.000 mursha, kolla wan o labeha win rodedo, te djan le koi, te krenn le o Davides o baro rai.

Sikepaskro 10:11

I murshes, kai haiwell mishto o sapeha te rakrell, hi tchi kolestar, te well job dandedo, glan te durkras lo o sap.

Sikepaskro 10:15

I budi krell o dineles khino, un job djinell gar, har te hatsell lo o drom an o foro.

Sikepaskro 10:9

Koon barra khetne phagella, kowa nai dukrell pes koi pashel. Un kowa, kai kasht tiknes krella, nai dukrell pes, te dell lo gar garda.

Sikepaskro 2:13

Me dikom, o goswepen hi feteder har o dinlepen, jaake har o diwes feteder hi har i rati.

Sikepaskro 9:18

O goswepen hi budeder moldo har i sorelo charo; un jek dinelo koowa krell bud latcho koowa paash.

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Remarja 16:19

Bud menshe shunan, kai tumer ap o Debleste patsenn un ap leste shunenn. Doleske hom me bachtelo pral tumende. Un me kamau o tselo djijestar, te haiwenn tumer bud un budeder, hoi latcho hi, un te krenn kek tchilatcho koowa.

1. Korintarja 14:20

Mire phrala, ma awenn har tikne tchawe, kai gomme gar bud djinenna. Awenn gosewo har i phure! Pash tchilatcho koowa, awenn har tikne tchawe, hoi o tchilatchepen gar haiwenna!

5. Mose 32:41

Me krau, te tchinell miro charo mishto, te well o tchatchepen kerdo. Un me dau o tchilatchepen ap kolengre sherja pale, kai kuran pen mantsa. Un miri choli well ap kolende, kai hi chojedo ap mande chojedo.

Kolossarja 4:5

Djiwenn tumaro djipen jaake, te dikenn i wawar, kai tumer patsle han! Rodenn i drom, te rakrenn lentsa pral o Debleste!

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.