Ruth 4:14 - O Debleskro Drom 2021 (Sinte)

¹⁴ Kote penan i djuwja ap i Naomi: “Sharedo well o baro Dewel, hoi tut kau diwes i tchawes das, kai tuke koi hi. Kowa well an-diklo an o them Israel.

O Debleskro Lab 2024 (Sinte-Manouche)

¹⁴ Kote penan i djouvya ap i Naomi: “Sharedo vell o baro Devel, hoy tout kava dives i čaves das, kay touke koy hi. Kova vell an-diklo an o them Israel.

Ruth 4:14 ပူးပေါင်းရင်းမြစ်များ

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 24:27

un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

1. Mose 29:35

Un joi was pale an wawar koowa un anas i tchawes ap i phub un penas: “Kanna sharau o baro Debles.” Doleske das joi les ko lab Juda. Pal kowa anas joi i tsiro buder kek tchawen ap i phub.

Louka 1:58

Lakre menshe un kolla, kai djiwan trul late, shunan kowa, un wan bachteles lah pral ko baro latchepen, hoi o Dewel kras ap late.

Remarja 12:15

Awenn bachteles kolentsa, kai bachtelo hi! Rowenn kolentsa, kai rowenna!

1. Korintarja 12:26

Te dukell jek kotar, palle dukenn kol tsele wawar ninna. Un te well jek kotar sharedo, hi kol tsele kotja bachtele.

1. Tessalonikarja 5:18

Parkrenn tumen pash leste pral halauter! Kowa kamell o Dewel lauterendar, kai djan ap o Jesuseskro drom.

2. Tessalonikarja 1:3

Mire phrala, mer hunte parkras men tumenge pash o Debleste hako tsiro, jaake bud latchepen shunam tumendar. Tumaro patsepen well baro un bareder. Un pash tumende lauterende well o kamlepen bareder, kai jek o wawareske hi.