Ruth 2:20 - O Debleskro Drom 2021 (Sinte)

²⁰ Kote penas i Naomi ap i Rut: “O baro Dewel mu tchiwell peskri bacht ap leste! O baro Dewel tserdas peskro latchepen gar pale, – gar i djidendar, witar gar i mulendar.” Un pale penas i Naomi ap late: “Tu hunte djiness, ko mursh hi jek mare menshendar. Job hi jek kolendar, kai pal maro tchatchepen menge ap i rig hunte wenn.”

O Debleskro Lab 2024 (Sinte-Manouche)

²⁰ Kote penas i Naomi ap i Ruth: “O baro Devel mou čivell peskri barht ap leste! O baro Devel tserdas peskro lačepen gar pale, – gar i djidendar, vitar gar i moulendar.” Oun pale penas i Naomi ap late: “Tou hounte djiness, ko morsh hi yek mare menshendar. Yob hi yek kolendar, kay pal maro čačepen menge ap i rig hounte venn.”

Ruth 2:20 ပူးပေါင်းရင်းမြစ်များ

2. Samuel 2:5

koi bitchras job murshen pash lende un mukas lenge te penell: “O baro Debleskri bacht well ap tumende! Tumer kran tumaro dji pre tumaro baro rajeske, o Sauleske un paskran les.

2. Samuel 9:1

Un o David putchas: “Atchas jek djido o Sauleskre menshendar, te krap latchepen ap leste? Kowa krau me o Jonataneske.”

Hiob 19:25

Me djinau, te djiwell o Dewel, kowa, kai miro koowa an peskro wast lell. Un an o tsillo, kai o tchatchepen win rakedo well pral kai phub, hi job miro rakepaskro.

Gosewe laba 17:17

I maal sikrell hako tsiro pengro kamlepen. Un i phraal well boldo, te well lo tuke ap i rig an phare tsirja.

3. Mose 25:25

Te was tiro phraal – i wawar Israelitari – tchorwelo un hunte bikrell i kotar leskri phubjatar, palle hunte ginell les jek dran leskri familja pale.

Filiparja 4:10

Me homs o djijestar bachtelo, un parkrom man pash maro rajeste, o Jesuseste, har dikom, kai tumer bistran man gar, un bitchran man kowa, hoi man hunte well djipaske. Ninna te kaman tumer kowa i rah tsiro mange te krell, djas kowa gar.

Ruth 2:21

I Rut penas: “Job penas ninna ap mande: ‘Rike tut pash mire budepangre, bis te anan le o tselo djob dren.’”

Ruth 3:12

Un tuke hi tchatcho, te hom me jek tire menshendar, kai tuke koi hunte well. Ninna te hi jaake, djiness, te dell i wawar mursh mire menshendar, – kowa well glan mande.

Ruth 4:14

Kote penan i djuwja ap i Naomi: “Sharedo well o baro Dewel, hoi tut kau diwes i tchawes das, kai tuke koi hi. Kowa well an-diklo an o them Israel.

Ruth 4:4

Un koi penom mange, me kamau, tu te djiness kowa, un te penap tuke, te giness les kate glan kal murshende un glan kal phureden mare menshendar. Te kameh tu les gar te ginell, palle pen les mange, jaake te djinap me les. Tu un me ham kolla, kai les nai ginenn, un kek wawar har mer dui. Un me wau pal tute.” Un job penas: “Awa, me kamau te ginell.”

Ruth 4:6

Koi penas ko wawar: “Te hi kowa jaake, nai ginau les gar mange. Me ginoms tchomone, hoi palle gar mire tchawenge wals. Jaake le tu kowa tuke, koleske me hunte koi woms. Me nai ginau les tchatchepah gar.”