Ruth 1:14 - O Debleskro Drom 2021 (Sinte)

¹⁴ Har le kowa shunan, rowan le gomme budeder. Un i Orpa tchumras peskro romeskri dat un djas peske. I Rut kamas lat gar kokres te mukell.

O Debleskro Lab 2024 (Sinte-Manouche)

¹⁴ Har le kova shounan, rovan le gomme boudeder. Oun i Orpa čoumras peskro romeskri dat oun djas peske. I Ruth kamas lat gar kokres te moukell.

Ruth 1:14 ပူးပေါင်းရင်းမြစ်များ

1. Mose 31:28

Hoske mukal man gar te tchumrap mire tchengre tchawen un mire tchen? Kowa his dinelo tutar!

2. Samuel 19:39

“Mishto!” penas o baro rai. “Mu djal o Kimham mantsa! Un me kamau leha te krell, hoi tu kameh. Ninna lauter, hoi tu mandar mangeh, krau me tuke.”

1. Rajengro liil 19:20

Un o Elisa mukas i grumjen, nashas pal o Elija un penas: “Muk man te tchumrap miro dades un miri dai! Pale wau un djau tuke pal.” Kote penas lo ap leste: “Mishto, dja koi! Ma biste, hoi me tuke krom.”

Gosewe laba 17:17

I maal sikrell hako tsiro pengro kamlepen. Un i phraal well boldo, te well lo tuke ap i rig an phare tsirja.

Gosewe laba 18:24

Dell mala, kai anenn tut an i bibacht. I tchatcho maal rikrell budeder ap tute har i phraal.

Jesaja 14:1

O baro Dewel krell peskro dji peskre menshenge pre. Un pale rodell lo peske i Israelitarjen win, un mukell len an pengro them te djiwell. Un wi-themarja wenna un djiwenna khetne lentsa.

Zakarie 8:23

Kowa penell o baro Dewel, ko rai pral o bolepen un i phub: “An ko tsiro wenn deesh wi-themarja pash jek biboldo, taprenn les ap leskri baja, mangenn lestar un penenn: ‘Mer shunam, o Dewel hi tumentsa. Doleske muk men tumentsa te djal!’”

Mateo 10:37

Koon kamell peskro dades un peskri dai budeder har man, hi gar moldo, te well lo miro maal. Un koon kamell peskro tchawes un peskri tchat budeder har man, hi gar moldo, te well lo miro maal.

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

Mateo 19:22

Ko terno murshes his bud brawlepen. Har job kal laba shunas, dukas kowa les. Un job djas peske.

Bičepangre 17:34

His mursha koi, kai djan leha un wan patslo. Mashkral lende his ninna o Dionisio, i pralstuno ap o Areopag, un i djuwel, kai kharas Damaris, un ninna wawar.

5. Mose 10:20

Un hunte shunenn ap tumaro baro Debleste un mangenn les kokres an. Rikrenn tumen ap leste kokres. Te denn tumen sowel, denn tumaro sowel pash leskro lab.

5. Mose 4:4

Tumer, kai rikrenn tumen ap tumaro baro Debleste, tumer halauter djiwenn ninna kau diwes.

2. Timoteo 4:10

O Demas mukas man, un djas an o foro Tessalonika. Job kamell o djipen ap kai phub. O Kreskens djas an o them Galatia, un o Tito an o them Dalmatia.

Hebrearja 10:39

Tchatchepah, mer ham gar kolendar, kai mukenn leskro drom un djan nashedo. Na-a. Mer ham kolendar, kai atchah an o patsepen, un lah o djipen, hoi gar pre-herella.

Ruth 1:13

kamans tumer ko tselo tsiro kek romeha te djiwell, – jaake rah bis te jon bares doha wans? Ma krenn kowa, mire tcha! O baro Debleskro wast hi phares ap mande tchiddo. Kamau gar te hidjrenn tumer miro pharo djipen mantsa.”

Ruth 1:15

Koi penas i Naomi ap i Rut: “Dik, i Orpa djas pale pash peskre menshende un pash peskro debleste. Dja tu ninna pale lake palla!”

Ruth 1:7

Un joi djas peske dran o gab, kai le jek tsiro djiwan. Un lakre dui tchawengre romja djan lah. Un ap o drom pale an o them Juda,

Ruth 2:11

O Boas penas ap late: “Mange was lauter penlo, hoi tu ap tiro romeskri dake lauter kral pal tiro romeskro merepen, te mukal tiro dades un tiri dat un tiro them un djal pash menshende, kolen tu glan kowa gar prindjral.