Remarja 9:4 - O Debleskro Drom 2021 (Sinte)

⁴ Jon hi Israelitarja. Kolen rodas o Dewel win, te wenn le leskre tchawe. Lende sikras lo peskro railepen. Lentsa kras lo win, te well lo lengro Dewel un jon peskre menshe. Lende das lo peskre laba, hoi penenna, har te djiwenn le, ninna kol laba, hoi sikrenna, har te budrenn le leske an peskro kheer. Lentsa rakras lo pral o djipen un o brawlepen, hoi kamell lo len te dell an ko tsiro, hoi wella.

O Debleskro Lab 2024 (Sinte-Manouche)

⁴ Yon hi Israelitarya. Kolen rodas o Devel vin, te venn le leskre čave. Lende sikras lo peskro raylepen. Lentsa kras lo vin, te vell lo lengro Devel oun yon peskre menshe. Lende das lo peskre laba, hoy penenna, har te djivenn le, ninna kol laba, hoy sikrenna, har te boudrenn le leske an peskro kheer. Lentsa rakras lo pral o djipen oun o bravlepen, hoy kamell lo len te dell an ko tsiro, hoy vella.

Remarja 9:4 ပူးပေါင်းရင်းမြစ်များ

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Mose 17:10

Kawa hunte krenn tumer, tu un tire tchawe, kai pal tute wenna: Tchinenn hake murshen pash tumende ap lengro mass.

1. Mose 17:2

Me kamau tuha win te krell, te wap tiro Dewel, un tu un tire menshe wenn mire menshe. Un me dau tut bud bud tchawe, kai pal tute wenna.”

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

1. Mose 32:28

Koi putchas lestar ko mursh: “Har khareh tu?” “Jakob”, penas job.

1. Rajengro liil 8:11

An koi wolka his o baro Debleskro railepen. O tselo kheer his pherdo railepen o baro Deblestar. Doleske nai atchan i rashaja gar koi, te krenn le pengri budi.

Nehemia 13:29

Miro Dewel, ma biste, kai anan jon ladj ap o rashajeskri budi, un rikran pen gar ap ko lab, hoi tu i rashajentsa un i Levitarentsa win kral.

Debleskri gili 147:19

O Jakobeskre menshen mukell lo peskro lab te shunell; un ap i Israelitarja penell lo, hoi lo lendar kamell, un dell len peskre tchatchepaskre laba.

Debleskri gili 63:2

Dewel, tu hal miro Dewel. Tut rodau me o djijestar. Miro dji djal pal tute. Man hi trush pal tute har i truk tato them trushell pal o pani.

Debleskri gili 73:1

I gili, hoi o Asaf kras. O Dewel hi latcho ap o Israel, ap lauterende, kolen i djudjo dji hi.

Debleskri gili 78:61

Un ko sonakaskro mochton, hoi sikras peskri soor un peskro railepen, mukas lo an i wasta kolendar te perell, kai kuran pen peskre menshentsa.

Debleskri gili 89:3

Kowa hi hoi me penau: Hako tsireske atchell leskro latchepen, jaake rah har dell o bolepen, rikrell job peskro lab.

Debleskri gili 89:34

Miro latchepen lau lendar gar krik, un miro lab, hoi len dom, phagau me gar.

Debleskri gili 90:16

Mer tire budepangre kamah te dikas o baro koowa, hoi tu kreh. Muk mare tchawen tiro railepen te dikell!

2. Mose 12:25

Ninna an ko tsiro, kai wenn tumer an ko them, hoi o baro Dewel tumenge peskro lab das, te anell job tumen koi dren, krenn pal kal laba!

2. Mose 34:27

O baro Dewel penas o Moseske: “Tchin kal laba an i liil, te rikrenn tumen ap lende. Palle han mire menshe, un me rikrau miro lab, hoi dom miro wast pre un krau tuke un i Israelenge, hoi me penom.”

2. Mose 4:22

Un rake ap leste: Jaake rakrella o baro Dewel: ‘O Israel hi miro phureder tchawo.

2. Mose 40:34

Koi was i wolka ap o Debleskro plachteno kheer. Un o kheer was pherdo railepen o baro Deblestar.

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Jesaja 46:3

Tumer dran o kheer Jakob, tumer, kai pral atchan dran o kheer Israel, shunenn ap mande, tumer, kolen rikrom jaake rah har ap i phub han. Awa, jaake rah har boldo wan, hidjrom tumen.

Jesaja 5:2

Un job rissras koi phub, un las i tsele barra krik, un tchiwas wi-rodede, latche drakengre ruka an koi phub. Un job tchiwas i turmo pre tardo mashkral dren. Un hadas i gruba win, kai wenn i drake win stakedo, te well o mool win. Un palle dikas lo ap ko tsiro, kai wenn i drake bares, – latche drake, patsas lo. Har ko tsiro was, wan diwje shutle drake baro.

Jesaja 60:19

Tut hunte well buder gar o kham ap o diwes, witar gar o tchon an i rat, te well tut i momeli. Na-a, o baro Dewel well tuke i momeli hako tsireske. O railepen tiro Deblestar well tiri momeli.

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Jeremia 31:9

Jon wenna ropah. Un me rakrau lenge latches, un anau len pash panja un ap latche dromma, te perell kek; me hom o Israeleskro dad, un o Efrajim hi miro phureder tchawo.

Ezekiel 1:28

har i brishineskro bogo, hoi well diklo ap o bolepen pal i brishin. Jaake sikras pes o baro Dewel an peskro railepen mange. Un har les dikom, mukom man glan leste ap i phub te perell. Un me shunom jekes, kai rakras.

Hosea 11:1

Har o Israel terno his, kamom les o djijestar, un dran o them Egiptia kharom les, miro tchawes.

4. Mose 7:89

Un har o Mose an o Debleskro kheer djas, te rakrell job leha, koi shunas job leskro rakepen, hoi was kotar, kai o sonakaskro mochton hi, an leste o Debleskre deesh laba hi. Ko rakepen was mashkral kol dui bolepangre win, kai ap o pralstuno kotar hi, hoi ap ko mochton hi, un hoi sikrella, kai o Dewel peskre menshenge latcho hi. Un job rakras leha.

Mateo 21:33

Un o Jesus penas lenge laba, kai i khatedo tchatchepen dren hi: “Shunenn, hoi me tumenge kanna penau. His i rai. Koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas o rai ko kotar them ap i hachende, te budrenn le kote leske. Un job djas peske an i wawar them.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

Bičepangre 2:39

O Dewel penas, te dell lo peskro Ducho tumende, un tumare tchawende, ninna kolende lauterende, kai kanna dur lestar hi, un kai job pash peste gole della.”

Remarja 3:2

Awa, kowa hi lenge bud moldo. Jon lan o Debleskre laba an lengre wasta.

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Remarja 9:6

Kanna penau kate gar, te hi o Debleskro lab buder tchi moldo, hoi job ap i Israelitarja penas. Na-a! Hoi kamau te penell, hi kowa: I tsele Israelitarja hi gar lauter o Debleskre menshe.

2. Korintarja 11:22

Jon hi Hebrearja. Me hom ninna jek. Jon hi bibolde. Me hom ninna jek. Jon wenna pal o Abraham. Me ninna.

Galatarja 3:16

Jaake hi kowa o labeha, hoi o Dewel o Abrahameste das. O Dewel penas ap o Abrahameste, te dell lo peskri bacht un soor ap leste un ap leskro tchaweste, kai wella pal leste. Kate rakrell o Dewel jek tchawestar. Job rakrell gar kol bud tchawendar, kai wenna pal o Abraham. Ko jek tchawo hi o Jesus Kristo.

Efesarja 2:12

Ap ko tsiro prindjran tumer o Jesus Kristes gar un hans gar o Debleskre menshendar. Ko latcho koowa, hoi o Dewel peskre menshenge penas, te dell lo len, his gar tumenge. Tumer prindjran o Debles gar, un djiwan har an i kali rat un dikan kek momeli glan tumende.

5. Mose 14:1

Tumer han i tchawe tumaro baro Deblestar. An ko tsiro, kai rowenn i muleske, ma tchinenn tumaro mass leske! Un ma tchinenn i balla pral tumare jaka!

5. Mose 29:1

Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

5. Mose 4:13

Un job kras tumentsa win, te hi lo tumaro Dewel, un tumer han leskre menshe. Un job das tumen kol deesh laba, hoi tchinas lo an dui barra, un penas tumenge, te hunte rikrenn tumen ap kowa, hoi tumer leha win kran un hunte djiwenn pal kol deesh laba.

5. Mose 7:6

Tumer han menshe, kai hi o baro Debleske kokres koi. Tumen rodas lo win dran i menshen an i tsele themma, kai ap i phub hi, te wenn tumer leskre menshe.

Hebrearja 9:1

An ko phuro tsiro, har o Mose i menshenge penas, har djan le ap o Debleskro drom, koi penas lo lenge ninna, har te budrenn le o Debleske an leskro kheer, un ninna, har te krenn le leske i kheer ap i phub, kai mangenn le les an.

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.

Hebrearja 9:5

Pral pre ap o sonakaskro mochton his dui raile bolepangre dran sonakai tardo. Kolen his mussja har bare tchirklen hi. Pengre mussja rikran le pral o sonakaskro mochton. Kote well i menshengri doosh krik lino. Kanna kamah gar te rakras pral hako tikno koowa an o Debleskro tikno kheer.

Hebrearja 9:6

Kanna sikrau tumende, hoi an o Debleskro tikno kheer kerdo was. Hako diwes djan i rashaja an i glanstuni isema, te krenn le pengri budi o Debleske.