Remarja 9:32 - O Debleskro Drom 2021 (Sinte)

³² Hoske gar? Jon kaman tchatcho te well dran pengri soor, un kaman gar te patsell ap o Jesus Kristeste. Un jaake wan le har menshe, kai perenn pral i baro bar, hoi ap lengro drom tchiddo hi.

O Debleskro Lab 2024 (Sinte-Manouche)

³² Hoske gar? Yon kaman čačo te vell dran pengri zoor, oun kaman gar te patsell ap o Yezous Kristeste. Oun yaake van le har menshe, kay perenn pral i baro bar, hoy ap lengro drom čiddo hi.

Remarja 9:32 ပူးပေါင်းရင်းမြစ်များ

Jesaja 8:14

Pash leste nai khatrenn tumen. Kol wawarenge an Israel un Juda hi lo har i bar, pral koleste jon perenn, awa, har i baro sorelo bar, pral koleste jon pen choirenn. Un i menshenge an Jerusalem hi lo har khatede pandle dorja, an kolende jon perenn un pen taprenn.

Jesaja 8:15

Un bud lendar dukrenn pen, perenn un phagenn pen i herja, taprenn pen an i dori, un wenn pandlo.

Mateo 13:57

Un jon wan chojedo ap leste, un kaman gar te patsell, kai o Dewel les bitchras. Koi penas o Jesus ap lende: “Kek Debleskro rakepaskro well kote sharedo, kai job khere hi. An i wawar forja un gaba well lo sharedo.”

Louka 2:34

Un o Simeon rakras o Debleskri bacht pral lende win un penas ap i Mariate: “Pral kau tchaweste choirenn pen bud menshe an o them Israel. Ap leste sikrell pes, koon djal ap o Debleskro drom, un koon perell o Debleskro dromestar tele.

Louka 7:23

Bachtelo hi kowa, kai choirell pes gar pral mande.”

Remarja 10:3

Jon haiwenn gar, har o Dewel i menshen an o tchatchepen tchiwella. Un jon djan ap pengro drom, un djiwenn pal pengro tchatchepen. Jaake krenn le gar, hoi o Dewel lendar kamella.

Remarja 11:11

Me putchau tumendar kanna: Peran jon o Debleskro dromestar tele, te nai stenn le buder gar pre? Na-a. Kowa hi gar jaake. Har peran jon o Debleskro dromestar tele, was o Debleskri bacht pash kolende, kai hi kek bibolde, jaake te silwerenn i bibolde ap kolende.

Remarja 4:16

Doleske krell o Dewel kolen tchatcho, kai ap leste patsenna. Leskro tchatchepen dell o Dewel tchitcheske lauterenge, kai ap leste patsenna. Jaake atchell ko lab, hoi job o Abrahameste das, lauterenge, kai wenna pal o Abrahameste, i biboldenge har kolenge, kai djiwenn dran o patsepen har o Abraham. Kowa hi o dad mendar lauterendar.

1. Korintarja 1:23

Mer penah i menshenge, kai o Jesus Kristo ap o trushel hunte meras. Pral kowa hi i bibolde chojemen. Un i wawar menshenge hi kowa dinlepen.

1. Petro 2:6

An o Debleskro lab hi tchinlo: Me rodom jek kutch bar win, un tchiwom les an o foro Zion tele, jaake te well miro kheer ap leste soreles tardo. Un koon ap koleste patsella, atchell djido.