Remarja 9:2 - O Debleskro Drom 2021 (Sinte)

^2-3 Job djinell, miro dji rowella un dukella hako tsireske mire phralenge, kai bibolde hi har me. Mange wals tchatcho, te woms me mire phralenge praassedo o Deblestar, te wenn jon pash leste, ninna te woms me palle buder gar o Jesus Kristeha khetne.

O Debleskro Lab 2024 (Sinte-Manouche)

^2-3 Yob djinell, miro dji rovella oun doukella hako tsireske mire phralenge, kay bibolde hi har me. Mange vals čačo, te voms me mire phralenge praasedo o Deblestar, te venn yon pash leste, ninna te voms me palle bouder gar o Yezous Kristeha khetne.

Remarja 9:2 ပူးပေါင်းရင်းမြစ်များ

Debleskri gili 119:136

Rowau bud swa pral kolende, kai mukenn tiro drom.

Jesaja 66:10

Awenn bachteles o foreha Jerusalem, un giwenn un khelenn leske, tumer lauter, kai les o djijestar kamenn. Awenn bachteles leha, tumer lauter, kai pral leste rowan.

Jeremia 13:17

Te kamenn tumer kowa gar te shunell, hunte rowap tchorchanes pral tumare pre-phurde djia. O Debleskre menshe wenna pandles krik anlo. Un mire swa herenn gar pre te nashell.

Jeremia 9:1

Te wals man an o mulo tato them i kheer, kai nai atchau, mukoms me mire menshen, un djoms mange. Jon lauter hi har romma, kai mukan pengre romjen beshdo. Jaake mukan kal phukepangre o baro Debles.

Ropaskre gilja 1:12

Tumenge halauterenge, kai nashenn kate ap o drom, penau: Hadenn tumare jaka un dikenn! Hi jek dukepen har miro dukepen, hoi pral mande was? O baro Dewel anas les pral mande ap ko diwes, kai leskri soreli choli pral mande was.

Ropaskre gilja 3:51

Mire jaka dukenna, te dikau, har i djuwjenge an miro foro djala.

Ezekiel 9:4

un penas ap leste: An o foro Jerusalem hi gomme menshe, kolengro dji rowell un dell gole pral kau bud djungelo koowa, hoi kate kerdo well. Dja an o tselo foro trujel, un kre i sikepen glan ap kolengre sherja.

Remarja 10:1

Mire phrala, miro tselo djijeha kamoms, te wenn i bibolde dran o Debleskri choli win. Un kowa mangau o Deblestar soreles.

Remarja 9:1

Glan o Jesus Kristeste penau tumenge: Kowa, hoi tumenge kanna penau, hi o tchatchepen un kek chochepen. Ninna o Debleskro Ducho an miro dji penell mange kowa.

Filiparja 3:18

Me penom tumenge, un penau les kanna pale i ropah: Bud menshe djiwenn jaake, har te wals lenge o Jesuseskro merepen ap o trushel tchi moldo.

Debleskro tsiro 11:3

Un me bitchrau dui rakepangren an ko foro. Kolla penenn i menshenge o tchatchepen pral mande. Lengre ripja hi kerdo dran gone. Deesh-te-dui-sheel-te-shob-desha (1.260) diwessa penenn jon lenge mire laba.”

1. Samuel 15:35

Un o Samuel dikas o Saules buder gar jaake rah har djiwas lo. Un leskro dji rowas pral o Saul. O baro Debles khaitas, te rodas lo les win, te well lo o rai pral o Israel.