Remarja 8:9 - O Debleskro Drom 2021 (Sinte)

⁹ Tumer djiwenn buder gar tumaro phuro djipen. Na-a. Te hi o Debleskro Ducho an tumende, djiwenn tumer ko newo djipen, hoi job tumende das. Kones hi gar o Jesus Kristeskro Ducho an leste, kowa hi gar i Debleskro tchawo.

O Debleskro Lab 2024 (Sinte-Manouche)

⁹ T'mer djivenn bouder gar t'maro phouro djipen. Na-a. Te hi o Debleskro Dourho an t'mende, djivenn t'mer ko nevo djipen, hoy yob t'mende das. Kones hi gar o Yezous Kristeskro Dourho an leste, kova hi gar i Debleskro čavo.

Remarja 8:9 ပူးပေါင်းရင်းမြစ်များ

Ezekiel 11:19

Un me dau len i newo dji, un tchiwau i newo ducho an lende dren. Un me lau ko dji dran bar dran lengro betch win. Un dau len i masselo dji.

Louka 11:13

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen peskro Ducho kolende, kai les mangenna.”

Johanni 14:17

Kowa hi o Debleskro Ducho, kai penell i menshenge o tchatchepen pral o Debleste. Kolla, kai patsenn gar ap o Debleste, nai lenn les gar. Jon dikenn les gar un prindjrenn les gar. Tumer prindjrenn les. Job atchell pash tumende, un hi an tumende.

Johanni 14:23

Koi penas o Jesus ap leste: “Te kamell man jek o djijestar, kowa krell, hoi me penau. Koles kamell miro dad. Un mer wah pash leste un atchah pash leste.

Johanni 3:34

Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

Johanni 3:6

Koon i menshestar boldo wella, hi i mensheskro tchawo. Koon dran o Debleskro Ducho boldo wella, hi i Debleskro tchawo.

Bičepangre 16:7

Har jon an o them Misia wan, kaman le dureder an o them Bitinia te djal. Un o Jesuseskro Ducho mukas len gar kote te djal.

Remarja 7:5

Har djiwam maro phuro djipen, was o tchilatchepen soreles an mende. O Moseskre laba, hoi menge penan, hoi te kras mer gar, kol laba kran, te was o bok pal o tchilatchepen bares an mende. Jaake kram mer kowa, hoi an o merepen anella.

Remarja 8:1

Jaake djal kek nashedo, kai djiwell o Jesus Kristeha khetne.

Remarja 8:11

O Dewel kras o Jesus Kristes i mulendar djido. Te djiwell leskro Ducho an tumende, palle krell lo tumen ninna djido. O Debleskro Ducho, kai an tumende hi, krell kowa.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

1. Korintarja 15:23

Hakeno ap peskro tsiro: O Jesus Kristo hi o glanstuno. Te well lo pale, stenn kolla pre, kai ap leste patsan.

1. Korintarja 3:16

Djinenn tumer gar, kai han tumer o Debleskro kheer, un kai o Debleskro Ducho an tumende djiwella?

1. Korintarja 6:17

Ko mensho, kai djal o Jesuseha, maro rajeha, koles hi jek ducho leha.

1. Korintarja 6:19

Djinenn tumer gar, kai han tumer o kheer, kai o Debleskro Ducho djiwella? Kowa hi an tumende un well o Deblestar. Un tumer han leskre, un nai krenna buder gar, hoi kamenna.

2. Korintarja 10:7

Haiwenn, har kowa hi! Jek, kai penell: O Jesus Kristo hi leskro rai, kowa hunte dikell ninna, te hi o Jesus Kristo ninna miro rai.

2. Korintarja 6:16

An o Debleskro baro kheer well o djido Dewel kokres sharedo un kek wawar koowa. Mer halauter ham o djido Debleskro baro kheer. O Dewel penas: Me kamau te djiwap pash lende un mashkral lende. Me kamau lengro Dewel te well, un jon hi mire menshe.

Galatarja 4:6

Kanna ham leskre tchawe. Doleske das o Dewel peskro tchaweskro Ducho an mare djia. Kowa dell gole: Tata, miro dad!

Galatarja 5:24

Kolla, kai djiwenn o Jesus Kristeha, kolla anan ko tsele tchilatcho koowa, hoi jon kran, pash o Jesuseste. Un kanna penenn le ‘na-a’ ap o djungelo koowa, hoi kamell an lengro dji te well.

Efesarja 1:13

Tumer ninna shunan o tchatchepen. Un tumen was ko drom siklo, hoi anas tumen pash o Debleste. Ko drom hi o Jesus Kristo. Har tumer ap leste patslo wan, das lo tumen o Debleskro Ducho an tumare djia. Glan i rah tsiro penas o Dewel, te dell lo les peskre tchawende. Jaake sikrell lo, koon leskre tchawe hi.

Efesarja 2:22

Ninna tumer djiwenn o Jesus Kristeha khetne. Doleske han tumer ninna har barra an o Debleskro kheer, kai o Debleskro Ducho djiwella.

Efesarja 3:17

Me mangau lestar ninna, te djiwell o Jesus Kristo an tumende dran tumaro patsepen, un te kamenn tumer o Debles un ninna jek o wawares o djijestar. Palle han tumer har i ruk, koleskre draba djan dur an i phub. Un tumer han har i kheer, hoi soreles tardo hi.

Filiparja 1:19

Awa, me hom bachtelo. Tumer mangenn o Debles mange. Un ap miri rig hi o Debleskro Ducho, kai o Jesus Kristo man das. Doleske djinau, te djal lauter mishto mange.

2. Timoteo 1:14

Kal latche laba hi har i kutch brawlepen, hoi an tiro wast dino was. Rike len! O Debleskro Ducho, kai an tute djiwella, dell tut koi soor, te kress kowa.

1. Petro 1:11

Jon kaman ninna ko tsiro te djinell, kai kowa wella. O Jesuseskro Ducho his an lende. Un kowa sikras len kol duka, hoi wenna pral o Jesuseste, un ko railepen, hoi lell lo pal kowa.

1. Johanni 3:24

Koon kowa krella, hoi job menge penas, kowa atchell o Debleha khetne. Un o Dewel atchell leha khetne. O Dewel das men peskro Ducho. Un kowa sikrell mende, te hi o Dewel mentsa.

1. Johanni 4:13

O Dewel das men peskro Ducho. Ap kowa haiwah mer, kai o Dewel mentsa hi, un mer leha ham.

1. Johanni 4:4

Mire tchawe, tumer han o Deblestar, un han sorleder har kol chochene rakepangre. O Debleskro Ducho, kai an tumende hi, hi sorleder har o beng, kai an i menshende hi, kai o Debles gar prindjrenna.

Debleskro tsiro 13:8

Lauter, hoi ap i phub djiwenna, sharenn ko vieches, – lauter kolla, kolengre laba gar tchinlo hi an o djipaskro liil. Kolla, kai lengre laba dren tchinlo hi an kau liil, hi jaake rah dren tchinlo, har i phub koi hi. Kau liil hi o terno bakres, hoi maredo was.