Remarja 8:4 - O Debleskro Drom 2021 (Sinte)

⁴ Kowa kras o Dewel, te was mer jaake tchatcho glan leste, har job mendar kamella. Job kras kowa menge, kai djiwah kanna o newo djipen, hoi o Debleskro Ducho men das, un buder gar maro phuro djipen.

O Debleskro Lab 2024 (Sinte-Manouche)

⁴ Kova kras o Devel, te vas mer yaake čačo glan leste, har yob mendar kamella. Yob kras kova menge, kay djivah kanna o nevo djipen, hoy o Debleskro Dourho men das, oun bouder gar maro phouro djipen.

Remarja 8:4 ပူးပေါင်းရင်းမြစ်များ

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Remarja 2:26

Jek, kai hi kek biboldo, te krell job kowa, hoi o Dewel kamella, palle dikell o Dewel jaake latches ap leste, har te wals lo i biboldo.

Remarja 3:31

Witsrah mer kanna kol laba ap i rig, kai o Dewel penella, har te djiwas? Na-a, kanna, kai patsah, nai krah tchatchepah, hoi o Dewel kamella.

2. Korintarja 10:2

Me mangau tumen: Ma krenn, te sikrap tumen, har sorelo hom, te wau pash tumende! Man hi kek daar te rakrap soreles kolentsa, kai penenn mendar, te krams mer o Debleskri budi dran mari soor.

2. Korintarja 10:3

Ninna te ham menshe, krah gar o Debleskri budi dran mari soor.

Galatarja 5:16

Me penau tumenge: Djiwenn jaake, har o Debleskro Ducho tumenge penella! Job te hi tumentsa, palle krenn gar o tchilatchepen, hoi an tumende hi.

Kolossarja 1:22

Kanna wan tumer o Debleskre mala. Har peskro tchawo tumenge meras, las lo tumari doosh tumendar un kras tumen djudjo un erligo glan leste.

Hebrearja 12:23

Kote wenna o Debleskre tchawe khetne. Lengre laba hi an o bolepen pre tchinlo. Kote hi o Dewel, kai rakrell o tchatchepen win pral i tsele menshende. Kote hi ninna kol tsele patsle, kai meran un kolen o Dewel pash peste las.

1. Johanni 3:2

Latche phrala un phenja, kanna ham Debleskre tchawe. Un hoi mer wah an ko tsiro, hoi wella, djinah gomme gar. Jek djinah: Ap ko tsiro, kai well o Jesus Kristo pale, dikah les har job hi, un mer wah jaake, har job hi.

Judas 1:24

Maro Debles hi i soor, te rikrell lo tumen ap leskro drom, te hatsell lo kek doosh ap tumende ap ko diwes, kai han glan leste tardo, un dikenn leskro railepen, un han bachteles.

Debleskro tsiro 14:5

An lende hi kek chochepen, witar kek tchilatchepen.