Remarja 8:11 - O Debleskro Drom 2021 (Sinte)

¹¹ O Dewel kras o Jesus Kristes i mulendar djido. Te djiwell leskro Ducho an tumende, palle krell lo tumen ninna djido. O Debleskro Ducho, kai an tumende hi, krell kowa.

O Debleskro Lab 2024 (Sinte-Manouche)

¹¹ O Devel kras o Yezous Kristes i moulendar djido. Te djivell leskro Dourho an t'mende, palle krell lo t'men ninna djido. O Debleskro Dourho, kay an t'mende hi, krell kova.

Remarja 8:11 ပူးပေါင်းရင်းမြစ်များ

Jesaja 26:19

Baro Dewel, muk tire mulen djides te well! Muk len pre te stell! Tumer, kai wan paskedo, stenn pre dran o sopen un denn gole i bachtjatar! Tu, baro Dewel, hal har brishin, hoi dell djipen ap i phub. Doleske dell i phub i mulen pale win.

Ezekiel 37:14

Un me dau miro ducho an tumende, te djiwenn pale. Un me tchiwau tumen an tumaro them. Un tumer dikenn un haiwenn palle, te hom me o baro Dewel, un krau, hoi penom. Kowa penell o baro Dewel.

Johanni 14:17

Kowa hi o Debleskro Ducho, kai penell i menshenge o tchatchepen pral o Debleste. Kolla, kai patsenn gar ap o Debleste, nai lenn les gar. Jon dikenn les gar un prindjrenn les gar. Tumer prindjrenn les. Job atchell pash tumende, un hi an tumende.

Johanni 5:21

Har o dad i mulen pre djangrella, un dell len o newo djipen, jaake nai dell ninna o tchawo o newo djipen, kones job kamella.

Bičepangre 2:24

Ko Jesuses kras o Dewel djido. Job las les i mulendar win, un kek soor nai rikras les pash i mulende pale.

Remarja 16:10

Penenn ninna latche laba ap o Apelles! Kowa sikras, te hi lo soreles tardo an o patsepen. Penenn ninna latche laba ap o Aristobolo un ap kolende, kai djiwenn an leskro kheer.

Remarja 16:3

Penenn latche laba mandar ap i Priska un ap o Akwila! Jon budrenn mantsa o Jesus Kristeske.

Remarja 16:7

Penenn ninna latche laba mandar ap o Androniko un i Junia! Kolla hi ninna bibolde har me un his mantsa an o stilepen. Jon hi an-diklo mank kolende, kolen o Jesus Kristo win bitchras, te penenn le leskro lab. Kol dui wan glan mande ap leste patslo.

Remarja 16:9

un ap o Urbano, kai mentsa khetne o Jesus Kristeske budrella, un ap miro latcho maal, o Stachis.

Remarja 6:12

Mukenn gar o tchilatchepen o rai pral tumende te well! Tumer djinenn, kai well o diwes, kai hunte merenn. Ma krenn ko djungelo koowa, hoi an tumaro dji hi!

Remarja 8:1

Jaake djal kek nashedo, kai djiwell o Jesus Kristeha khetne.

Remarja 8:12

Mire phrala, kanna hunte djiwas buder gar maro phuro djipen.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

Remarja 8:9

Tumer djiwenn buder gar tumaro phuro djipen. Na-a. Te hi o Debleskro Ducho an tumende, djiwenn tumer ko newo djipen, hoi job tumende das. Kones hi gar o Jesus Kristeskro Ducho an leste, kowa hi gar i Debleskro tchawo.

1. Korintarja 15:16

Te stenn i mule gar pre, palle stas o Jesus Kristo witar gar i mulendar pre.

1. Korintarja 6:14

Jaake har o Jesus meras, un o Dewel les djido kras, jaake krell leskri bari soor men ninna djido.

2. Korintarja 4:11

Hako tsiro ham mer glan o merepen tardo. Te merah, merah o Jesuseske, te well ninna o djipen diklo, hoi o Jesus men della, ninna te meras.

2. Korintarja 4:14

Mer djinah, kowa, kai kras o Jesuses, maro rajes, i mulendar djido, kowa krell men ninna i mulendar djido. Un job anell men khetne tumentsa glan peste.

2. Korintarja 5:4

Jaake rah, har djiwah ap kai phub, hi menge ropaske un men hi duka. Mer kamah ko phuro trupo gar tele te tchiwell, kamah budeder ko newo trupo an-riwell, hoi buder gar merella.

Galatarja 6:8

Koon krella, hoi leske kokres mishto hi, koleskro djipen atchell gar. Koon krella, hoi o Debleskro Ducho leske penella, kowa lell o Debleskro djipen, hoi gar pre-herella.

Filiparja 3:21

Kanna ham menshe, kai hunte merenna. Job krell dran mende newe menshe, kai wenn jaake har job, un merah buder gar. Jaake sorelo hi lo. Les hi koi soor, te krell lo lauter, hoi job kamella.

Hebrearja 13:20

O Dewel kras i drom, te nai wah pash leste. Job kras o Jesuses, maro rajes, i mulendar djido. Kowa ratas peskro rat menge, te nai wah pash o Debleste, un djiwah hako tsiro leha khetne. O Jesus was maro baro bakrengro. Kowa dell jak ap mende, har i bakrengro dell jak ap peskre bakre.

1. Petro 1:21

Job anas tumen ap o Debleskro drom. O Dewel kras les i mulendar djido, un das les peskro railepen. Doleske tchiwenn tumaro tselo patsepen ap leste!

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

Debleskro tsiro 1:18

Me hom o djido. Un me homs mulo, un kanna hom djido un djiwau hako tsireske. Man hi i soor pral o merepen. Un man hi o klidepaskro an o mulengro them.

Debleskro tsiro 11:11

Un me dikom: Pal kol triin-te-paash diwessa kras o Dewel len pale djido. Un jon stan pre. Un i bari daar tapras kolen, kai kowa dikan.