Remarja 7:6 - O Debleskro Drom 2021 (Sinte)

⁶ Kanna hi o Moseskre laba, kai pandan men, buder gar o rai pral mende. Len hi buder kek soor pral mende. Mer djah kanna ap o newo drom un djiwah jaake, har o Debleskro Ducho men sikras, un gar jaake har an kol Moseskre lila tchinlo hi.

O Debleskro Lab 2024 (Sinte-Manouche)

⁶ Kanna hi o Moseskre laba, kay pandan men, bouder gar o ray pral mende. Len hi bouder kek zoor pral mende. Mer djah kanna ap o nevo drom oun djivah yaake, har o Debleskro Dourho men sikras, oun gar yaake har an kol Moseskre lila činlo hi.

Remarja 7:6 ပူးပေါင်းရင်းမြစ်များ

Ezekiel 11:19

Un me dau len i newo dji, un tchiwau i newo ducho an lende dren. Un me lau ko dji dran bar dran lengro betch win. Un dau len i masselo dji.

Ezekiel 36:26

Me dau tumen i newo dji, un tchiwau i newo ducho an tumende, un lau ko dji dran bar dran tumende win, un dau tumen i dji dran mass.

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

Remarja 12:2

I menshe ap kai phub djiwenn pal pengro shero. Ma djiwenn jaake har jon! Mukenn tumen o Deblestar newes te krell, te haiwenn tumer, hoi job kamella: kowa, hoi hi latcho un mishto un tchatcho.

Remarja 6:11

Doleske dikenn jaake ap tumende, har te wans mulo, un te nai krans buder gar o tchilatchepen. Djiwenn o Jesus Kristeha khetne o Debleske!

Remarja 6:19

Me penom tumenge kowa jaake, te haiwenn man nai. Har hans gomme gar patslo, kran tumer djungelo un tchilatcho koowa. Un o tchilatchepen an tumende was baro un bareder. Kanna hi kowa wawartchandes. Doleske krenn kowa, hoi latcho un tchatcho hi! Jaake djiwenn tumer o Debleskro djipen.

Remarja 6:2

Kowa kras mer gar! Mer ham har mulo. Un o tchilatchepen hi buder gar o rai pral mende.

Remarja 6:22

Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

Remarja 6:4

Kote hi maro phuro djipen leha paskedo, te djiwas mer kanna i newo djipen, jaake har o Jesus Kristo i mulendar pre stas, har o Dewel, maro dad, peskri bari sorjah les djido kras.

Remarja 7:1

Mire phrala, tumer prindjrenn o Moseskre laba. Tumer djinenn, i mensho hi pandlo ap kol laba jaake rah, har job djiwella.

Remarja 7:2

Kol laba penenn menge: I romni hi pandlo ap peskro romeste jaake rah har job djiwella. Te hi lakro rom mulo, palle hi li buder gar pandlo ap peskro romeste.

Remarja 7:4

Jaake hi kowa ninna tumentsa, mire phrala. Har o Jesus Kristo meras, meran tumer leha. O Moseskre laba hi buder gar o rai pral tumende. Kol labenge han mulo. Kanna hi tumen i wawar rai. Kowa hi o Jesus Kristo, koles o Dewel i mulendar djido kras. Kanna nai djiwah jaake, te well o Dewel sharedo!

2. Korintarja 3:6

Job kras dran mende peskre budepangre, te sikras mer i menshende o newo drom, kai o Dewel un i menshe mala wenna. Ap o phuro drom hunte rikrenn le pen ap i tchinle laba. Kol phure tchinle laba anenn i menshen an o merepen. Ap o newo drom lenn le o Debleskro Ducho, hoi dell len o djipen.

2. Korintarja 5:17

Kanna djinah: Koon o Jesus Kristeha djiwella, kowa hi i newo mensho, un djiwell buder gar peskro phuro djipen. I newo koowa was an leskro djipen.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

Galatarja 6:15

Hi tchi moldo, te hal tu ap o mass tchinlo. Hi witar tchi moldo, te hal tu gar ap o mass tchinlo. Jek koowa molella: O Dewel kras dran mende newe menshe.

Efesarja 4:24

Djiwenn kanna o newo djipen, hoi tumen o Dewel das! Palle han tumer an o tchatchepen tardo, un han tchatchepah leske koi.

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Kolossarja 3:10

Djiwenn kanna o newo djipen! Mukenn tumen o Deblestar bud un budeder newes te krell, jaake te prindjrenn o Debles feteder un djinenn, hoi job kamella! Palle wenn tumer jaake har job, kai tumen o newo djipen das.