Remarja 7:4 - O Debleskro Drom 2021 (Sinte)

⁴ Jaake hi kowa ninna tumentsa, mire phrala. Har o Jesus Kristo meras, meran tumer leha. O Moseskre laba hi buder gar o rai pral tumende. Kol labenge han mulo. Kanna hi tumen i wawar rai. Kowa hi o Jesus Kristo, koles o Dewel i mulendar djido kras. Kanna nai djiwah jaake, te well o Dewel sharedo!

O Debleskro Lab 2024 (Sinte-Manouche)

⁴ Yaake hi kova ninna t'mentsa, mire phrala. Har o Yezous Kristo meras, meran t'mer leha. O Moseskre laba hi bouder gar o ray pral t'mende. Kol labenge han moulo. Kanna hi t'men i vavar ray. Kova hi o Yezous Kristo, koles o Devel i moulendar djido kras. Kanna nay djivah yaake, te vell o Devel sharedo!

Remarja 7:4 ပူးပေါင်းရင်းမြစ်များ

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jesaja 62:5

Jaake har i terno mursh peske i terni tchai lell, jaake lenn tire menshe o them Juda penge. Un jaake bachtelo ko bijabeskro hi pral i terni tchai, kolah job bijab krell, jaake bachtelo hi tiro Dewel pral tute.

Mateo 26:26

Har jon chan, las o Jesus o maro, parkras pes pash o Debleste, phagas ko maro, das les peskre malende, un penas: “Ake, lenn ko maro un chan les! Kau maro hi miro mass.”

Markus 4:20

Koi latchi phub hi har o dji kol menshendar, kai shunenn ko lab un krenn kowa, hoi ko lab lenge penella. Pash kolende hi ko lab har o djob, hoi baro was. Un pash jekeste was lo trijanda kope jaake bud, un pash i wawareste was lo shob-deesh kope jaake bud, un pale pash i wawareste was lo sheel kope jaake bud.

Johanni 15:8

Te well bud latchepen dran tumende, well miro dad sharedo. Un tumer wenn mire mala.

Johanni 3:29

Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna.

Johanni 6:51

Me hom ko maro, hoi dell o djipen, un hoi was dran o bolepen. Hakeno, koon chala kau maro, lell o djipen, hoi gar pre-herella. Un ko maro hi miro mass. Me dau les i menshenge, te lenn le ko djipen.”

Remarja 6:11

Doleske dikenn jaake ap tumende, har te wans mulo, un te nai krans buder gar o tchilatchepen. Djiwenn o Jesus Kristeha khetne o Debleske!

Remarja 6:14

Tumer hunte rikrenn tumen buder gar ap o Moseskre laba. O Dewel kras tumen tchatcho glan leste dran peskro latchepen. Doleske nai well o tchilatchepen buder gar o rai pral tumende.

Remarja 6:2

Kowa kras mer gar! Mer ham har mulo. Un o tchilatchepen hi buder gar o rai pral mende.

Remarja 6:22

Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

Remarja 7:3

Te djal li pash i wawar mursheste jaake rah har hi lakro rom djido, palle chochras li peskro romes. Te hi lakro rom mulo, hi li buder gar pandlo ap leste un chochell les gar, te romedinerell li i wawares.

Remarja 7:6

Kanna hi o Moseskre laba, kai pandan men, buder gar o rai pral mende. Len hi buder kek soor pral mende. Mer djah kanna ap o newo drom un djiwah jaake, har o Debleskro Ducho men sikras, un gar jaake har an kol Moseskre lila tchinlo hi.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

1. Korintarja 10:16

Te wah khetne, te pijas dran o Jesuseskro khoro, parkrah men koleske pash o Debleste, un djinah, o Jesus Kristo ratas un meras menge un las mari doosh mendar krik. Te phagah ko maro un chah les, rikrell men kowa o Jesus Kristeha khetne.

2. Korintarja 11:2

Jaake har o Dewel kamell, kamau me ninna o tselo djijestar, te djan tumer gar o Jesus Kristestar krik. Tumer han mange har i tchai, kai dom jek mursheste, te well li leskri pirni. Ko jek mursh hi o Jesus Kristo. Kamau te anap leske i djudji terni djuwel ap ko diwes, kai romedinerell lo lat.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

Galatarja 5:18

Te krenn tumer kowa, hoi o Debleskro Ducho tumenge penella, palle hi o Moseskre laba kek soor pral tumende.

Efesarja 2:15

Har job ap o trushel meras, tchiwas lo o Moseskre lila ap i rig, kai tchinlo hi, har i bibolde hunte djiwenna. Job kras tchomone newes, te well i biboldo khetne koleha, kai kek biboldo hi, un te wenn le lauter mala.

Filiparja 1:11

Un ko bud latcho un tchatcho koowa, hoi tumer kran, krell o Debles bares. Kowa kran tumer an i soor, hoi o Jesus Kristo das tumen.

Filiparja 4:17

Me penau kowa gar, te denn mange tchomone. Na-a, kamau, te denn tumer o Debleske tchomone, te sharell job tumen.

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.

Kolossarja 1:22

Kanna wan tumer o Debleskre mala. Har peskro tchawo tumenge meras, las lo tumari doosh tumendar un kras tumen djudjo un erligo glan leste.

Kolossarja 1:6

Kau latcho lab was gar tumenge kokres penlo. Na-a, kau lab well ap i tseli phub penlo. Un bud un budeder menshe wenna patsle. Jaake hi ninna pash tumende: Tumer shunan ko latcho lab, un haiwan tchatchepah, kai hi o Dewel latches ap tumende.

Kolossarja 2:14

Har kram tchilatcho koowa, his kowa jaake, har te wals mari doosh an i liil tchinlo. Ko liil las lo, un tchiwas les ap o trushel.

Kolossarja 2:20

Tumer meran o Jesus Kristeha. Doleske hi i phubjakro koowa buder gar o rai pral tumende. Hoske rikrenn tumen gomme ap kol menshengre laba, kai penenn tumenge:

Hebrearja 10:10

Har o Jesus Kristo ap o trushel menge meras, kras lo kowa, hoi o Dewel kamas. Un mari doosh las lo jek kopo hako tsireske mendar, un job kras men jaake djudjo un erligo glan o Debleste.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

Debleskro tsiro 19:7

Te was bachtelo, te giwas un stas, un les sharas! O tsiro hi kanna kai, te romedinerell o terno bakro. Un leskri pirni kras pes shukar, te djal li leha.”

Debleskro tsiro 21:9

Un pash mande was jek kol efta bolepangrendar, kai tchoran kol efta tchare win, te was efta kope i bari phagi pral i phub. Pal kowa was kek wawar phagi pral i phub. Ko bolepaskro was pash mande, un rakras mantsa, un penas: “Ab kai! Me sikrau tute koi tchat, kai rodas peske o terno bakro win, te romedinerell lo lat.”