Remarja 7:24 - O Debleskro Drom 2021 (Sinte)

²⁴ Me bibachtelo! Koon nai lell man dran miro phuro djipen win, hoi anell man an o merepen?

O Debleskro Lab 2024 (Sinte-Manouche)

²⁴ Me bibarhtelo! Koon nay lell man dran miro phouro djipen vin, hoy anell man an o merepen?

Remarja 7:24 ပူးပေါင်းရင်းမြစ်များ

1. Rajengro liil 8:38

koon palle peskro tselo djijeha tutar mangella, nai well jek, nai wenn budeder, nai well o tselo Israel, un an peskro djijeskri duk rikrell lo peskre wasta ap kai rig, kai kau kheer hi,

Debleskri gili 102:20

O baro Dewel dikas pral tele dran o pralstunepen, kai lo khere hi. Dran o bolepen dikas lo tele ap i phub,

Debleskri gili 119:131

Me krau miro mui dur pre, un pijau tiro lab, jaake bud trush hi man pal tire laba.

Debleskri gili 119:143

Ninna te hi miro djipen pharo un i daar tapras man, hom bachtelo pral tire laba.

Debleskri gili 119:176

Me hom har i bakro, hoi nashedo djas. Rode man, tiro budepaskres, me bistrom tire laba gar!

Debleskri gili 119:20

Miro dji chatchrell, te dikap har tu rakreh o tchatchepen win.

Debleskri gili 38:2

Baro Dewel, ma tchinge ap mande an tiri choli! Ma de man i phagi an tiri choli!

Debleskri gili 6:6

Te hom mulo, nai sharau me tut buder gar. Pash i mulende parkrenn le pen gar pash tute.

Debleskri gili 71:11

un penenn: “O Dewel djas peske lestar. Las les palla un tapras les! Kek hi koi, kai les dran mare wasta win lell.”

Debleskri gili 72:12

Job hi kowa, kai shunell o tchorweles, kai dell gole, un lell les dran i bibacht win, un well ap i rig kolestar, kones kek hi, hoi leske koi hi.

Debleskri gili 88:5

Hom lauterenge har jek, kai ap o merepen tchiddo hi. Hom har i mursh, koles kek soor buder hi.

Ezekiel 9:4

un penas ap leste: An o foro Jerusalem hi gomme menshe, kolengro dji rowell un dell gole pral kau bud djungelo koowa, hoi kate kerdo well. Dja an o tselo foro trujel, un kre i sikepen glan ap kolengre sherja.

Micha 7:19

Awa, tu kreh tiro dji pale menge pre un stakreh mari doosh tel tire pire. O tselo tchilatchepen, hoi kram, witsreh tu dur an o baro pani.

Mateo 5:4

Bachtele hi kolla, kai kanna rowenna. O Dewel lell lengri duk dran lengro dji.

Mateo 5:6

Bachtele hi kolla, kai kanna pal o tchatchepen bokenna un trushenna. O Dewel krell len tchalo.

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Remarja 6:6

Mer djinah, maro phuro djipen was leha ap o trushel dino un meras, te well o tchilatchepen buder gar o rai pral mende.

Remarja 8:13

Te djiwenn tumer tumaro phuro djipen, merenn tumer. Te djiwenn tumer jaake, har o Debleskro Ducho kowa kamella, un penenn ‘na-a’ ap o tchilatchepen, hoi an tumaro shero hi, palle djiwenna.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

Remarja 8:23

Un gar kolla kokres, na-a, men ninna hi duka un dikah o tselo djijeha ap ko tsiro, kai wah tchatchepah Debleskre tchawe un merah buder gar. Ninna te hi men kanna o Debleskro Ducho an mende, dikah ap ko tsiro, kai merah buder gar.

Remarja 8:26

Ninna well o Debleskro Ducho ap mari rig, kai ham gar sorelo. Te kamah mer te rakras o Debleha un djinah gar, hoi te mangas lestar, palle rakrell o Debleskro Ducho menge i labentsa, hoi kek nai rakrell win.

Kolossarja 2:11

Har mukan tumaro phuro djipen pal tumende, wan tumer o Debleskre menshe. I bibolde wan tchinlo i wastentsa ap pengro mass. Tumer wan gar tchinlo i wastentsa. Na-a! Tumer lan i newo dji, hoi das tumen o Jesus Kristo.

2. Timoteo 4:18

Ninna an ko tsiro, hoi wella, lell man o Dewel dran o tselo tchilatchepen win, un lell man pash peste an o bolepen, kai job o rai hi. Les sharas mer kanna un hako tsiro. Amen!

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Hebrearja 2:15

Jaake nai las lo kol menshenge i daar o merepastar, hoi his len an pengro tselo djipen.

Debleskro tsiro 21:4

Un job khossella hake swa ap lengre jaka tele. Un o merepen dell gar buder, witar kek bibacht, kek ropen un kek duka. Kowa hoi his, dell gar buder.