Remarja 7:11 - O Debleskro Drom 2021 (Sinte)

¹¹ Me nai rikrom kol laba gar. Jaake hatsas o tchilatchepen i drom te chochell lo man, un te anell lo man an o merepen.

O Debleskro Lab 2024 (Sinte-Manouche)

¹¹ Me nay rikrom kol laba gar. Yaake hatsas o čilačepen i drom te rhorhell lo man, oun te anell lo man an o merepen.

Remarja 7:11 ပူးပေါင်းရင်းမြစ်များ

1. Mose 3:13

Un o baro Dewel, maro rai, penas ap i romjate: “Hoske kral tu kowa?” “O sap chochras man”, penas i romni, “jaake kai chom.”

Jesaja 44:20

Kowa hi jaake, har te mangals lo i jagakri tchik an. Leskro dinelo dji anas les an o chochepen. Kote hatsell lo kek drom win, te penals lo peske: “Rikrau me man gar ap o chochepen?”

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Obadja 1:3

Tiro sorelo foro hi tardo ap i bare barra, tu djiweh pral an i berge. Doleske phurdal tu tut pre. Dik, tiro dji chochras tut, har lo tuke dren rakras: ‘Kek nai witsrell tut tele ap i phub.’

Remarja 3:20

Te kamell lo te krell, hoi o Dewel an o Moseskre laba penell, haiwell lo ninna, te nai krell lo kowa gar. Kol laba sikrenn les, te hi lo tchilatcho glan o Debleste.

Remarja 7:13

Kanna putchau tumendar: Anell man kowa, hoi latcho hi, an o merepen? Na-a. Kowa hi gar jaake. O tchilatchepen, hoi krom, kowa anell man an o merepen. Kol laba, hoi penenn menge, hoi o Dewel mendar kamella, kol laba sikran man, hoi tchilatcho hi, te dikap me, har djungelo o tchilatchepen hi.

Remarja 7:8

Har shunom kol laba, was i bok pal ko koowa, hoi tchilatcho hi, baro an mande. Jaake kran kol laba o tchilatchepen an mande djido. Te djinoms kol laba gar, wals o tchilatchepen an mande mulo.

Efesarja 4:22

Ma djiwenn buder gar tumaro phuro djipen! An tumaro phuro djipen was o tchilatcho koowa baro an tumare djia, un tumer kran, hoi tumenge gar mishto hi. Sawo koowa krell tumaro djipen paash.

Hebrearja 3:13

Rakrenn hako diwes khetne pral o patsepen, te atchenn pash o Debleste! Ko tsiro, kai rakrell o Dewel ap tumende hi kanna. Te shunenn tumer gar ap o Debleste, nai well i tsiro, kai shunenn tumer buder gar, te dell lo tumen gole.

Jakobo 1:22

Hi gar doha, te shunenn leskro lab. Tumer hunte krenn, hoi ko lab penella. Tumer te krenn kowa gar, palle chochenn tumen kokres.

Jakobo 1:26

Te penell i mensho: “Me djiwau pal o Debleskro lab,” un job rikrell peskro mui nai gar, kowa chochell pes kokres. Un kowa, hoi job o Debleske krella, hi tchi moldo.