Remarja 6:10 - O Debleskro Drom 2021 (Sinte)

¹⁰ Jek kopo meras lo i tchilatchenge. Un kanna djiwell lo o Debleske.

O Debleskro Lab 2024 (Sinte-Manouche)

¹⁰ Yek kopo meras lo i čilačenge. Oun kanna djivell lo o Debleske.

Remarja 6:10 ပူးပေါင်းရင်းမြစ်များ

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

1. Petro 4:6

Doleske was ninna i mulenge o latcho lab o Jesus Kristestar penlo, te nai lenn le o Debleskro djipen, ninna te meran le, har i tsele menshe hunte merenn.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

2. Korintarja 5:15

O Jesus meras halauterenge. Un kanna hunte djiwenn kolla, kai lan leskro djipen, buder gar penge kokres. Na-a, jon hunte djiwenn koleske, kai meras lenge, un was o Deblestar djido kerdo.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

Remarja 6:11

Doleske dikenn jaake ap tumende, har te wans mulo, un te nai krans buder gar o tchilatchepen. Djiwenn o Jesus Kristeha khetne o Debleske!

Louka 20:38

Un me penau tumenge: Job hi gar o Dewel kolenge, kai mulo hi. Job hi o Dewel kol djidenge. Kalla lauter djiwenn leske.”

Remarja 6:9

Ninna djinah, job was i mulendar djido un merell buder gar. O merepen hi buder kek soor pral leste.