Remarja 5:8 - O Debleskro Drom 2021 (Sinte)

⁸ O Dewel sikras, har baro leskro kamlepen menge hi, har meras o Jesus Kristo menge, har mer gomme tchilatche hams.

O Debleskro Lab 2024 (Sinte-Manouche)

⁸ O Devel sikras, har baro leskro kamlepen menge hi, har meras o Yezous Kristo menge, har mer gomme čilače hams.

Remarja 5:8 ပူးပေါင်းရင်းမြစ်များ

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Johanni 15:13

Kekes hi bareder kamlepen har kowa, kai merell peskre malenge.

Johanni 3:16

O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.

Remarja 3:5

Kanna putchau tumendar: Hi i menshen gar tchatcho, te penenn le: “Hi maro tchilatchepen baro, well o Debleskro latchepen bareder. Doleske hi o Debles gar tchatcho, te dell lo men i phagi.”

Remarja 4:25

O Jesus Kristo hi kowa, koles o Dewel bitchras, te merell lo menge, un te lell lo mari doosh mendar krik. Un o Dewel kras les i mulendar djido, te nai krell lo men tchatcho glan leste.

Remarja 5:20

O Dewel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoi latcho un hoi tchilatcho hi. Jaake dikan le, har bud tchilatcho koowa jon kran. Un kote, kai o tchilatchepen baro was, kote was o Debleskro latchepen gomme bareder.

Remarja 5:6

O Jesus Kristo meras menge, har djiwam gomme dur o Deblestar. Men kokres his kek soor, te was pash leste.

Remarja 5:7

Kek merell i tchatcho mensheske. Nai well, te merell jek i latcho mensheske.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

Remarja 8:39

tchi, hoi pral an o bolepen hi un tchi, hoi tele an i phub hi, un kek wawar, hoi djiwella, nai krell, te kamell men o Dewel buder gar. Kowa, hoi maro rai, o Jesus Kristo, menge kras, sikrell men, har baro o Debleskro kamlepen hi.

Galatarja 2:20

Kowa hom gar me, kai djiwau kanna. Hi o Jesus Kristo, kai djiwell an mande. Un ko djipen, hoi kanna djiwau, djiwau me an o patsepen ap o Debleskro tchaweste. Job kamas te djiwap, un das peskro djipen mange an o merepen.

Efesarja 2:7

Jaake baro hi leskro latchepen ap mende, kai patsah ap o Jesus Kristeste. Ninna an ko tsiro, hoi wella, dikenna i menshe, har baro leskro latchepen ap mende hi.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

1. Timoteo 1:16

Me krom bareder tchilatchepen har hako wawar. Un ninna man las o Dewel dran miro tchilatcho djipen win, te nai sikrell o Jesus Kristo ap mande, har bud job i menshen kamella, jaake, te patsenn i menshe ap leste, un lenna ko djipen, hoi gar pre-herella.

Hebrearja 8:3

Hako baro rashai ap i phub hunte anell o Debleske marede viechen, un wawar latcho koowa. Ninna maro rashai, o Jesus, hunte anell tchomone o Debleske.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

1. Johanni 3:16

O Jesus sikras mende, har o Debleskro kamlepen hi. Job mukas peskro djipen menge. Jaake mukas mer ninna maro djipen i patslenge.