Remarja 5:4 - O Debleskro Drom 2021 (Sinte)

⁴ Te dikah ap o Debleste, jaake atchah ap leskro drom, un jaake well maro patsepen sorleder.

O Debleskro Lab 2024 (Sinte-Manouche)

⁴ Te dikah ap o Debleste, yaake ačah ap leskro drom, oun yaake vell maro patsepen zorleder.

Remarja 5:4 ပူးပေါင်းရင်းမြစ်များ

Debleskri gili 71:14

Me dikau hako tsiro ap tute un sharau tut bud un budeder.

Louka 21:19

Atchenn soreles an o patsepen, un tumer lenn ko tchatcho djipen!”

Remarja 15:4

Lauter kowa, hoi an o phuro tsiro an o Debleskro lab tchinlo was, was tchinlo, te las mer newi soor dran o Debleskro lab, un das maro patsepen gar pre, un dikas ap ko latchepen, hoi o Dewel men della, an ko tsiro hoi wella.

Filiparja 2:22

Tumer prindjrenn o Timotes un djinenn, har mishto leskri budi hi. Har me i menshende o Jesuseskro drom sikrom, his lo mange koi, har hi i tchawo peskro dadeske koi.

Hebrearja 6:19

Kau patsepen rikrell maro djipen, jaake har rikrell i sorelo saster i shiffo, te djal lo gar ap o pani nashedo. Un kowa, ap koleste patsah un dikah, kowa hi o Jesus. Job djas glan mende pash o Debleste an o bolepen, jaake har djas o baro rashai an o phuro tsiro an o Debleskro kheer. Un jaake was o Jesus hako tsireske sawo baro rashai, har glan i rah tsiro o Melchisedek his.

Jakobo 1:12

Bachtelo hi kowa, koon mukell gar peskro patsepen, ninna te well i pharo koowa ap leste. Job hi moldo, te lell lo ko djipen, hoi gar pre-herella. Kawa djipen dell o Dewel kolen, kai les kamenna.

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.