Remarja 5:20 - O Debleskro Drom 2021 (Sinte)

²⁰ O Dewel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoi latcho un hoi tchilatcho hi. Jaake dikan le, har bud tchilatcho koowa jon kran. Un kote, kai o tchilatchepen baro was, kote was o Debleskro latchepen gomme bareder.

O Debleskro Lab 2024 (Sinte-Manouche)

²⁰ O Devel kamas i menshende te sikrell, har baro lengri doosh hi. Doleske das lo len peskre laba. Kolla penan lenge, hoy lačo oun hoy čilačo hi. Yaake dikan le, har boud čilačo koova yon kran. Oun kote, kay o čilačepen baro vas, kote vas o Debleskro lačepen gomme bareder.

Remarja 5:20 ပူးပေါင်းရင်းမြစ်များ

Debleskri gili 25:11

Baro Dewel, kre tiro lab baro, un le miri doosh mandar krik, hoi jaake bares hi!

Jesaja 1:18

“Awenn”, penell o baro Dewel, “te kras men tel mende o tchatchepen win! Te hi i doosh, hoi tumer ap tumende anan jaake lolo har o rat, palle well li parno, jaake parno har gib. Un te hi li lolo har o purpur, palle well li jaake parno har o bakrengro bal.

Ezekiel 16:52

Kanna hunte hidjress tiri ladj! Tiri doosh hi jaake bud bareder har tire phenjengri doosh. Un jon dikenn langs tute win, har te wals len kek doosh. Jaake dau tute i bareder phagi har lende dom. Doleske ladjess tu tut. Hidje tiri ladj!

4. Mose 21:9

Koi kras o Mose i sap dran saster un tchiwas les pre ap i kasht. Kanna te was jek i sapestar dandedo, dikas kowa ap ko sasterno sap un atchas djido.

Mateo 20:9

Koi wan kolla glan leste, kai an i rat wan, un lan jek rupeni bema lestar. Un lauter, kai pal lende wan, lan ninna jek rupeni bema lestar.

Mateo 9:13

Kowa hunte djinenn tumer: O Dewel penas: Me kamau gar, te marenn mange viechen. Na-a! Me kamau, te hi tumen i baro dji i wawarenge. Me wom gar, te dap kolen pash mande gole, kai djan ap o tchatcho drom. Na-a! Me wom, te dap kolen pash mande gole, kai hi ap o tchilatcho drom.”

Louka 7:47

Un me penau tuke kanna: Lakri bari doosh hi latar krik lino. Doleske kamell li man o tselo djijeha. Koneske gar bud doosh krik lino wella, kowa kamell man gar i tselo djijeha.”

Johanni 10:10

Ko tchorepaskro wella, te tchorell lo kol bakren, te marell lo len, un te chal lo len. Me wom, te dap len o djipen, budeder har doha.

Johanni 15:22

Te woms me gar pash lende, un penoms lenge gar halauter, lans le kek doosh ap pende. Kanna nai penenn jon gar: Mer djinam gar, kai kowa, hoi kram, tchilatcho hi.

Remarja 4:15

Te djinell jek gar, hoi o Dewel lestar kamella, un krell i tchilatcho koowa, nai djinell lo gar, kai kowa tchilatcho hi. Kolla, kai djinenn, hoi o Dewel lendar kamella un krenn kowa gar, pral kolende well o Debleskri choli. Jaake anenn o Moseskre laba, hoi menge penenna, hoi o Dewel mendar kamella, tchatchepah o Debleskri choli pral i menshende.

Remarja 6:1

Hoi te kras kanna? Djiwas dureder an o tchilatchepen, te well o Debleskro latchepen bareder? Na-a!

Remarja 6:14

Tumer hunte rikrenn tumen buder gar ap o Moseskre laba. O Dewel kras tumen tchatcho glan leste dran peskro latchepen. Doleske nai well o tchilatchepen buder gar o rai pral tumende.