Remarja 5:2 - O Debleskro Drom 2021 (Sinte)

² O Jesus Kristo anas men ap o Debleskro drom un kras menge o wudar pre, te djiwas o Debleha khetne. Jaake latcho his lo menge. Un mer djinah: O diwes wella, kai djiwah leha khetne an leskro railepen. Pral kowa ham bachtelo.

O Debleskro Lab 2024 (Sinte-Manouche)

² O Yezous Kristo anas men ap o Debleskro drom oun kras menge o voudar pre, te djivas o Debleha khetne. Yaake lačo his lo menge. Oun mer djinah: O dives vella, kay djivah leha khetne an leskro raylepen. Pral kova ham barhtelo.

Remarja 5:2 ပူးပေါင်းရင်းမြစ်များ

Debleskri gili 17:15

Me krom, hoi tchatcho hi. Doleske nai dikau tut. Te djangrau pre, dikau me tut un hom tchalo i bachtjatar.

Debleskri gili 73:24

Tu aneh man ap ko drom, hoi tut mange hi. Un pal miro djipen ap kai phub leh tu man pash tute an tiro railepen.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Habakuk 3:18

Miro dji hi bachtelo pral o baro Debleste, Miro dji giwell un djinell: Miro Dewel lell man win dran o merepen.

Mateo 25:21

Penas o rai ap leste: Kowa kral tu mishto. Tu hal i latcho budepaskro. Me dom tut i tikni budi, un tu kral kai budi mishto. Doleske dau me kanna bud koowa an tire wasta. Ab an miro kheer dren, te wess tu mantsa bachteles!

Johanni 10:7

Doleske penas o Jesus pale ap lende: “Tchatchepah, me penau tumenge: Me hom o wudar i bakrenge.

Johanni 10:9

Me hom ko wudar. Te djal jek an kau wudar dren, kowa djal gar nashedo. Job djal dren un win, un job hatsell shukar senlepen chapaske.

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Johanni 5:24

Tchatchepah, me penau tumenge: Koon miro lab shunella, un patsell ap koleste, kai man bitchras, koles hi ko djipen, hoi gar pre-herella. Pral leste well kek phagi wi-rakedo. Job mukas ko merepen pal peste, un djas an o djipen.

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Remarja 11:20

Kowa hi tchatcho. I bibolde patsan gar o Debles. Jaake hi le har kol kashta, hoi wan tele tchinlo. Tumer han har wawar kashta, hoi wan dren tchiddo ap ko rukeste kokres dran tumaro patsepen. Doleske ma krenn tumen bares! Denn jak!

Remarja 12:12

Awenn bachtele un dikenn ap o latchepen, hoi ap tumende wella an ko tsiro, hoi wella! Te well tumaro djipen pharo, rikrenn win! Mangenn o Debles hako tsiro!

Remarja 14:4

Kowa hi gar tiro koowa, te peneh pral i wawareskro budepaskro: “Kowa, hoi job kras, hi gar mishto.” Leskro rai kokres nai penell: “Kowa hi mishto, kowa hi gar mishto.” Un maro rai, o Jesus Kristo, les hi i soor, te rikrell lo les pash peste, jaake te atchell lo tardo an o patsepen.

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

Remarja 2:7

Kolen, kai mukan gar tele, te krenn le o latchepen, dell lo o djipen, hoi gar pre-herella. Jon hi kolla, kai tchiwan pengro dji koi pre, te dikell o Dewel kamles ap lende, un te lell lo len pash peste an leskro railepen, kai dell lo len o djipen, hoi gar pre-herella.

Remarja 3:23

Lauter kran o tchilatchepen un wan pale-tchiddo glan o Debleste.

Remarja 5:5

Un kau patsepen mukell jekes gar nashedo te djal. O Dewel kamell men o tselo djijeha. Kowa sikras men o Debleskro Ducho, hoi o Dewel an mende das.

Remarja 8:1

Jaake djal kek nashedo, kai djiwell o Jesus Kristeha khetne.

Remarja 8:24

Ninna te djinah, o Debleskro djipen hi maro, dikah mer ap ko tsiro, kai lah les tchatchepah. Men te wals ko djipen, palle hunte dikams buder gar ap ko tsiro, kai mer lah les.

1. Korintarja 15:1

Mire phrala, ma bistrenn o latcho lab o Jesusestar, hoi me tumenge penom! Tumer lan ko lab pre, un tumer djiwenn pal kowa.

2. Korintarja 3:18

Mer lauter, kai patslo ham, dikah o Debleskro railepen jaake mishto, har te dikah an i dikepaskri. Kek diklo hi ap mare jaka tchiddo. Un har mer dikah ap leste, wah mer bud un budeder jaake, har job hi. Kowa krell o Debleskro Ducho an mende.

2. Korintarja 4:17

Ko pharo koowa, hoi mer kanna hidjrah, hi tikno un djal peske. Pal kowa well i baro railepen. Kowa hi shukeder har halauter, hoi kanna djinah, un djal peske gar.

Efesarja 2:18

Mende halauterende das job o Debleskro Ducho. Un kowa krell, te nai wah mer lauter glan o Debleste, maro dadeste.

Efesarja 3:12

un kras menge i drom pash o Debleste. Kanna, kai patsah ap leste, hunte trashas buder gar o Deblestar, un mer nai wah glan leste.

Efesarja 6:13

Doleske riwenn kol koola ap tumende, hoi dell tumen o Dewel, te kurenn tumen mishto ap ko diwes, kai well o beng ap tumende. Palle han sorleder har job, un atchenn soreles tardo.

2. Tessalonikarja 2:16

O Dewel hi maro dad un kamell men o djijestar. Job hi menge latcho, un penell menge an o dji, te kras lo lauter menge mishto, un te lell lo men pash peste hako tsireske. Lestar mangah un maro rajestar, o Jesus Kristestar,

Hebrearja 3:6

O Jesus Kristo hi o Debleskro tchawo. Un an leskre wasta hi o Debleskre menshe, ap kolende job mishto garda della. Kolla ham mer, te tchiwah maro tselo patsepen ap leste, un dah gar pre bis te lah o railo djipen pash leste.

Hebrearja 6:18

Ko lab, hoi das o Dewel un das peskro wast pre, nai well an kek tsiro krik lino. O Dewel chochella gar. Un mer, kai wam pash leste, te lell lo men dran o tchilatchepen win, men hi kanna leskro sorelo lab, te dell lo men o djipen, hoi gar pre-herella, jaake har job penas.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

Debleskro tsiro 21:11

Ko fores hi o Debleskro railepen, un hi jaake shukar, har ko kutch bar, hoi Jaspis kharella, jaake djudjo har djudji wali.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.

Debleskro tsiro 21:3

Un me shunom i sorelo rakepen. Kowa was kotar, kai o Debleskro beshepaskro tardo hi, un kowa penas: “Dikenn, o Debleskro kheer hi pash i menshende! Job djiwell pash lende. Un jon hi leskre menshe. Un o Dewel hi lengro Dewel kokres, un hi pash lende.”

Debleskro tsiro 3:21

Kowa, kai soreles an o patsepen atchas, un gar pre das, kowa nai beshell pes mantsa ap miro rajeskro beshepaskro, jaake har me ninna soreles tardo homs, un me beshom man miro dadeha ap leskro rajeskro beshepaskro.