Remarja 5:19 - O Debleskro Drom 2021 (Sinte)

¹⁹ O Adam shunas gar ap o Debleste. Doleske tchiwas o Dewel lauteren pale. O Jesus Kristo shunas ap o Debleste, un doleske kras o Dewel kol bud menshen tchatcho un erligo glan peste.

O Debleskro Lab 2024 (Sinte-Manouche)

¹⁹ O Adam shounas gar ap o Debleste. Doleske čivas o Devel lauteren pale. O Yezous Kristo shounas ap o Debleste, oun doleske kras o Devel kol boud menshen čačo oun erligo glan peste.

Remarja 5:19 ပူးပေါင်းရင်းမြစ်များ

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Remarja 11:32

O Dewel mukas i tsele menshen i tsiro, kai shunan le gar ap leste, te nai well lo lauterenge latches.

Remarja 5:12

Hi jaake: O tchilatchepen was ap i phub, har jek mensho, o Adam, tchomone kras, hoi o Dewel gar kamas. O tchilatchepen anas o merepen ap i phub. Jaake was o merepen pash i tsele menshende. Lauter kran o tchilatchepen, un lauter hunte merenn.

Remarja 5:15

Ko wawar mensho hi o Jesus Kristo. O Adam kras o tchilatchepen, un bud menshe hunte meran. O Jesus Kristo anas o Debleskro latchepen, un las bud menshen win dran o merepen. Jaake dikah, o Debleskro latchepen hi bud bareder har o menshengro tchilatchepen.

Remarja 5:18

Jaake dikah: O Adam kras i tchilatcho koowa, un doleske wan le lauter pale-tchiddo glan o Debleste un hunte meran. O Jesus Kristo kras i tchatcho koowa, un doleske wenn le lauter tchatcho glan o Debleste un lenn o Debleskro djipen.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

Filiparja 2:8

un shunas ap leste, un mukas, te wan i menshe rai pral leste, un maran les, un dan les ap o trushel.