Remarja 4:14 - O Debleskro Drom 2021 (Sinte)

¹⁴ Te lans kolla i tseli phub, kai rikrenn pen ap o Moseskre laba, palle wals o patsepen tchi moldo. Un ko lab, hoi o Dewel o Abrahameske das, wals witar tchi moldo.

O Debleskro Lab 2024 (Sinte-Manouche)

¹⁴ Te lans kolla i tseli phoub, kay rikrenn pen ap o Moseskre laba, palle vals o patsepen či moldo. Oun ko lab, hoy o Devel o Abrahameske das, vals vitar či moldo.

Remarja 4:14 ပူးပေါင်းရင်းမြစ်များ

Debleskri gili 119:126

Kanna hi o tsiro, kai o baro Dewel hunte krell tchomone. Jon peran tiro dromestar tele.

Jesaja 55:11

Jaake hi kol laba, hoi dran miro mui win djan. Jon wenn tchatcho, un kowa, hoi penom, well jaake har me kamau. Un kowa, hoi mange glan lom, well jaake kerdo.

Jeremia 19:7

Hoi kol menshe an o them Juda un an Jerusalem penge glan lenn, mukau me gar te well. Me mukau kolen pral lende te well, kai kamenn len te marell, un krau, te wenn le mulo dino o chareha. Un kol mulen dau i tchirklende un i diwje viechende chapaske.

4. Mose 30:12

un lakro rom shunell kowa, un penell tchi koi pre, un penell gar, te hunte krell joi kowa gar, palle hunte rikrell li halauter, ap hoi joi pes sowel das.

4. Mose 30:15

Te penell job tchi koi pre bis ap ko wawar diwes, sikrell job, te nai krell li kowa, ap hoi joi pes sowel das, un hoi joi ap peste las.

Remarja 3:31

Witsrah mer kanna kol laba ap i rig, kai o Dewel penella, har te djiwas? Na-a, kanna, kai patsah, nai krah tchatchepah, hoi o Dewel kamella.

Remarja 4:16

Doleske krell o Dewel kolen tchatcho, kai ap leste patsenna. Leskro tchatchepen dell o Dewel tchitcheske lauterenge, kai ap leste patsenna. Jaake atchell ko lab, hoi job o Abrahameste das, lauterenge, kai wenna pal o Abrahameste, i biboldenge har kolenge, kai djiwenn dran o patsepen har o Abraham. Kowa hi o dad mendar lauterendar.

1. Korintarja 1:13

Nai djal kowa? Hi o Jesus Kristo an budeder kotja? Djas o Paulo tumenge ap o trushel? Wan tumer ap o Pauleskro lab taufedo?

Galatarja 2:21

Jaake tchiwrau o Debleskro latchepen gar ap i rig. Te djiwoms me pal o Moseskre laba, un kolla krans mange tchatcho glan o Debleste, meras o Jesus Kristo tchitcheske.

Galatarja 5:4

Koon mank tumende djiwell pal o Moseskre laba, te well lo tchatcho glan o Debleste, kowa mukas o Jesus Kristes. Leskro kamlepen hi buder gar leske koi.

Filiparja 3:9

Leske kamau te djiwell. Har djiwom pal o Moseskre lila kras man kowa gar tchatcho glan o Debleste. Na-a, miro patsepen ap o Jesus Kristeste kras man tchatcho glan o Debleste. Koon patsell ap o Jesus Kristeste, koles tchiwell o Dewel an o tchatchepen.

Hebrearja 7:19

O Moseskre laba nai kran i menshen gar tchatcho glan o Debleste. Doleske sikras men o Dewel i newo un feteder drom, kai anell men pash leste.

Hebrearja 7:28

Kol wawar bare rashaja hi menshe un gar sorelo, un nai krenn gar mishto kowa, hoi o Dewel lendar kamella. Jon wan rashaja jaake, har o Mose an peskre lila tchinas. Bud tsiro palla, das o Dewel peskro lab, un das peskro wast koi pre, te well leskro tchawo i baro rashai hako tsireske. Job krell lauter mishto, hoi o Dewel lestar kamella.