Remarja 4:13 - O Debleskro Drom 2021 (Sinte)

¹³ Glan rah tsiro das o Dewel o Abrahames peskro lab, te lenn leskre tchawe i tseli phub. Ap ko tsiro penas o Dewel leske gar: Tu te kreh lauter, hoi tutar kamau, palle leh tu kowa halauter. Na-a. Job penas leske: Tu patsal ap mande, doleske hal tchatcho glan mande.

O Debleskro Lab 2024 (Sinte-Manouche)

¹³ Glan rah tsiro das o Devel o Abrahames peskro lab, te lenn leskre čave i tseli phoub. Ap ko tsiro penas o Devel leske gar: Tou te kreh lauter, hoy toutar kamau, palle leh tou kova halauter. Na-a. Yob penas leske: Tou patsal ap mande, doleske hal čačo glan mande.

Remarja 4:13 ပူးပေါင်းရင်းမြစ်များ

1. Mose 12:3

Kolla kai penenna, te well tut bud bacht, ap kolende tchiwau miri bacht. Un kolla, kai penenna, te well tut bibacht, ap kolende anau ninna bibacht. Koi bacht, hoi me tut dau, djal dureder ap i tsele menshende, kai ap i phub hi.”

1. Mose 17:16

Un me tchiwau miri soor un miri bacht ap late. Un ninna latar dau tut i tchawes. Awa, me tchiwau miri soor ap late. Joi well i dai bud menshendar. Latar wenna jaake bud menshe, kai lendar natsjone wenna. Ninna bare raja pral bud menshende wenna latar.”

1. Mose 28:14

Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

Debleskri gili 2:8

Te mangeh mandar i tsele themma, dau me len tute. Awa, i tseli phub dau me tute, te well li tiro.

Debleskri gili 72:11

I tsele bare raja perenn tele ap i phub glan leste. Un i tsele natsjone budrenn leske.

Bičepangre 13:32

Un mer penah tumenge: Ko lab, hoi o Dewel mare phurenge penas, was kanna tchatcho, an kau tsiro, kai mer, lengre tchawe, djiwah. O Dewel kras o Jesuses i mulendar djido. An i duiti Debleskri gili hi tchinlo: Tu hal miro tchawo. Kau diwes wom tiro dad.

Remarja 4:12

Job hi ninna o dad kolendar, kai hi tchinlo ap o mass, te djiwenn le an o patsepen jaake, har o Abraham djiwas glan ko tsiro, kai job ap o mass tchinlo was.

Remarja 9:8

Jaake dikah, o Abrahameskre tchawe hi gar lauter leskre tchatche tchawe, un doleske witar gar o Debleskre tchawe. Na-a, kolla hi leskre tchawe, kolendar o Dewel glan-wi penas, te lell len o Abraham,

Galatarja 3:29

Te djan tumer o Jesus Kristeha, han tumer ninna o Abrahameskre tchawe. Un tumer lenn kowa, hoi o Dewel o Abrahameskre tchawende della, jaake har penas lo.

Hebrearja 11:7

Ninna o Noah patsas, hoi o Dewel penas, har job leha rakras, un leste sikras, hoi pral i tsele menshende wella. Ninna te dikas o Noah kowa gomme gar, shunas lo ap o Debleste, un kras i baro panjeskro kheer. Jaake hunte meras job peskre menshentsa gar. Har o Noah ko panjeskro kheer kras, was diklo, te patsas job, hoi o Dewel penas. Ninna was diklo, i wawar menshe patsan gar, hoi o Dewel penas. Doleske hunte meran le. Ap o Noah penas o Dewel: Tu patsal man. Tu hal kanna an o tchatchepen tardo glan mande.

Hebrearja 7:6

Koleste das o Dewel peskro lab, te krell lo les baro, un te dell lo les bud bacht. Ninna te hi o Abraham jaake baro, hi o Melchisedek bareder har job. Job las o deshto kotar o Abrahamestar un rakras o Debleskri bacht pral leste win, ninna te his lo gar leskre menshendar.