Remarja 4:11 - O Debleskro Drom 2021 (Sinte)

¹¹ Tchinlo was o Abraham, te well diklo: Job hi tchatcho dran o patsepen, hoi glan kau tsiro an leste his. Doleske was lo kharedo: O dad lauterendar, kai patsenn ap o Debleste, ninna te hi le gar ap o mass tchinlo. Lengro patsepen tchiwell len an o tchatchepen.

O Debleskro Lab 2024 (Sinte-Manouche)

¹¹ Činlo vas o Abraham, te vell diklo: Yob hi čačo dran o patsepen, hoy glan kava tsiro an leste his. Doleske vas lo kharedo: O dad lauterendar, kay patsenn ap o Debleste, ninna te hi le gar ap o mass činlo. Lengro patsepen čivell len an o čačepen.

Remarja 4:11 ပူးပေါင်းရင်းမြစ်များ

1. Mose 17:24

Har o Abraham ap peskro mass tchinlo was, his lo 99 (enja-deesh-te-enja) bersha phuro.

Debleskri gili 47:9

O Dewel hi o baro rai pral i tsele themma. O Dewel beshas pes ap peskri rajeskri beshepaskri, hoi leske kokres hi.

2. Mose 12:13

O rat ap i khera sikrell mande, kai tumer han. Un dikau me o rat, djau me dureder, te djal tumenge tchi. Un ko merepen, hoi anau ap o them Egiptia, well gar ap tumende.

2. Mose 31:13

Pen ap i tsele Israelitarja: Rikrenn o Debleskro diwes tumenge! Kowa sikrell tumen, kai me tumaro Dewel hom, un tumer mire menshe han an hako tsiro. Kowa hi tumenge un tumare tchawenge un lauterenge, kai pal tumende wenna, te dikenn tumer, te rodom me, o baro Dewel, tumen win, te wenn mire menshe.

2. Mose 31:17

O Debleskro diwes hi i sikepen mange un mire menshenge, i Israelitarja, hoi hako tsiro atchella. An shob diwessa kras o baro Dewel o bolepen un i phub. Un o eftato diwes kras job tchi un las newi soor.

Ezekiel 20:12

Ninna tchiwom o diwes dren, hoi mange hi, kai hunte budrenn le gar. Ko diwes his o sikepen koleske, hoi win kram. Jaake kamom, te djinenn i Israelitarja, kai me, o baro Dewel, rodom len mange win, te wenn le mire menshe.

Ezekiel 20:20

Un rikrenn o Debleskro diwes dren, te krenn kek budi ap leste. Ko diwes hi i sikepen koleske, hoi win kram, te djinenn tumer, te hom me, o baro Dewel, tumaro Dewel.

Mateo 16:16

Penas o Simon Petro: “Tu hal o baro rai, kolestar o Dewel penas te well job. Tu hal o tchawo o djido Deblestar.”

Mateo 8:11

Bud menshe wenna dran bud wawar themma pash o Debleste an o bolepen, un beshenn pen tele, te chan le o Abrahameha un o Isaakeha, un o Jakobeha khetne.

Louka 19:9

Penas o Jesus ap leste: “Kau diwes las o Dewel i menshen an kau kheer dran o tchilatchepen win. Ninna kawa rom hi o Abrahameskro tchawo.

Johanni 3:33

Koon patsell ap leste, kowa sikrell jaake, kai halauter tchatcho hi, hoi o Dewel penella.

Johanni 3:36

Koon ap o tchaweste patsella, koles hi ko djipen, hoi gar pre-herella. Koon ap o tchaweste gar patsella, koles well ko tchatcho djipen gar. O Debleskri choli atchell pral leste.”

Johanni 6:35

O Jesus penas lenge: “Me hom ko maro, kai della ko djipen. Koon pash mande wella, koles well buder kek bok. Un koon ap mande patsella, koles well buder kek trush.

Johanni 6:40

Kowa kamell miro dad: Hakeno, koon o tchawes dikella, un ap leste patsella, lell o djipen, hoi gar pre-herella. Un me krau les i mulendar djido ap o palstuno diwes.”

Johanni 6:47

Tchatchepah, me penau tumenge: Koon ap mande patsella, koles hi o djipen, hoi gar pre-herella.

Johanni 8:33

Penan jon: “Mer ham o Abrahameskre tchawe. Un an kek tsiro hams pandle budepangre. Har nai peneh tu menge, te atchenn buder gar pandlo?”

Remarja 10:11

An o Debleskro lab hi tchinlo: Kowa, kai ap leste patsella, kowa hunte ladjell pes gar glan mande.

Remarja 10:4

Job bitchras o Jesus Kristes. Koon ap leste patsella, kowa hi tchatcho glan o Debleste. O Moseskre laba hi buder gar o drom pash o Debleste.

Remarja 10:6

Hi wawartchandes kolenge, kai patsenn ap o Jesus Kristeste. Dran lengro patsepen wan le tchatcho glan o Debleste. O Debleskro lab penell: Ma pen an tiro dji: Jek hunte djal an o bolepen, te anell lo o Jesus Kristes tele! Mer djinah: o Jesus Kristo was ap i phub.

Remarja 3:26

I rah tsiro rikras o Dewel peskri choli pale, un das len kek phagi. Kanna, ap kau tsiro meras o Jesus lenge, un las lengri phagi ap peste. Jaake sikrell o Dewel peskro tchatchepen. Job hi tchatcho. Ninna krell lo koles tchatcho, kai ap o Jesus Kristeste patsella.

Remarja 3:30

Job hi ko jek Dewel. Kowa krell kolen tchatcho, kai ap o Jesus Kristeste patsenna: i bibolden har kolen, kai kek bibolde hi.

Remarja 4:10

Putchau tumendar: Hawo tsiro tchiwas o Dewel les an o tchatchepen? Tchiwas lo les an o tchatchepen ap ko tsiro, kai job ap o mass tchinlo was? Na-a. Job tchiwas les an o tchatchepen, har job gar ap o mass tchinlo his.

Remarja 9:30

Jaake nai penah: Kol menshe, kai hi kek bibolde, rodan gar pal o tchatchepen. Un kolen tchiwas o Dewel an o tchatchepen. Jon patsan ap leste. Un doleske kras lo len tchatcho glan peste.

Remarja 9:33

An o Debleskro lab hi tchinlo: Dikenn, me tchiwau i baro bar an o foro Zion. Pral koleste perenn le, un ap koleste choirenn le pen. Un kowa, kai ap leste patsella, kowa hunte ladjell pes gar glan mande.

Remarja 9:6

Kanna penau kate gar, te hi o Debleskro lab buder tchi moldo, hoi job ap i Israelitarja penas. Na-a! Hoi kamau te penell, hi kowa: I tsele Israelitarja hi gar lauter o Debleskre menshe.

2. Korintarja 1:22

un das men peskro Ducho. Ko Ducho, hoi an mende hi, sikrell men, kai ham leskro. Doleske djinah, job dell men gomme bud bareder latcho koowa an ko tsiro, hoi wella.

Galatarja 3:22

O Debleskro lab penella, kai hi hako mensho pandlo ap o tchilatchepen. Ko jek drom, kai anell men win dran o tchilatchepen, hi o patsepen ap o Jesus Kristeste. Kowa penas o Dewel.

Galatarja 3:29

Te djan tumer o Jesus Kristeha, han tumer ninna o Abrahameskre tchawe. Un tumer lenn kowa, hoi o Dewel o Abrahameskre tchawende della, jaake har penas lo.

Galatarja 3:7

Tumer dikenn kanna: O Abrahameskre tchatche tchawe hi kolla, kai o Debles patsenna.

Galatarja 5:5

Mentsa hi wawartchandes. Mer patsah, te tchiwell men o Dewel an o tchatchepen, te patsah ap o Jesus Kristeste. Ko patsepen dell men o Debleskro Ducho.

Galatarja 6:16

Me kamoms, te dell o Dewel peskri bacht un peskro kamlepen lauterende, kai rikrenn pen ap kal laba. Mu well kowa ninna ap i tsele Debleskre menshende an Israel!

Efesarja 1:13

Tumer ninna shunan o tchatchepen. Un tumen was ko drom siklo, hoi anas tumen pash o Debleste. Ko drom hi o Jesus Kristo. Har tumer ap leste patslo wan, das lo tumen o Debleskro Ducho an tumare djia. Glan i rah tsiro penas o Dewel, te dell lo les peskre tchawende. Jaake sikrell lo, koon leskre tchawe hi.

Efesarja 4:30

Te krenn tumer i tchilatcho koowa, palle dukrenn o Debleskro Ducho an tumare djia. O Dewel das les tumende, te sikrell lo, kai leskro han ap ko diwes, kai lell lo tumen dran o tselo tchilatchepen win.

5. Mose 30:6

Tumaro baro Dewel dell tumen djia, hoi shunenn un krenn, hoi lo tumendar kamell. Tumen un kolen, kai tumendar wenna, dell lo sawe djia, jaake te kamenn tumer tumaro baro Debles o tselo djijestar un tumari tseli sorjah. Un tumer atchenn djido.

Filiparja 3:9

Leske kamau te djiwell. Har djiwom pal o Moseskre lila kras man kowa gar tchatcho glan o Debleste. Na-a, miro patsepen ap o Jesus Kristeste kras man tchatcho glan o Debleste. Koon patsell ap o Jesus Kristeste, koles tchiwell o Dewel an o tchatchepen.

Hebrearja 11:7

Ninna o Noah patsas, hoi o Dewel penas, har job leha rakras, un leste sikras, hoi pral i tsele menshende wella. Ninna te dikas o Noah kowa gomme gar, shunas lo ap o Debleste, un kras i baro panjeskro kheer. Jaake hunte meras job peskre menshentsa gar. Har o Noah ko panjeskro kheer kras, was diklo, te patsas job, hoi o Dewel penas. Ninna was diklo, i wawar menshe patsan gar, hoi o Dewel penas. Doleske hunte meran le. Ap o Noah penas o Dewel: Tu patsal man. Tu hal kanna an o tchatchepen tardo glan mande.

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

Debleskro tsiro 9:4

Un lenge was penlo, te dukrenn le gar o senlepen ap i phub, witar gar i ruka. Jon hunte dukrenn kol menshen kokres, kai kek Debleskro sikepen glan ap lengre shere hi.