Remarja 3:4 - O Debleskro Drom 2021 (Sinte)

⁴ Na-a, kowa kras lo gar. O Dewel hi tchatcho. Hako mensho hi i chocheno. An i Debleskri gili hi tchinlo: Tu, mo Dewel, lauter, hoi rakreh, hi tchatcho. Kek nai well un penella, kai tire laba gar tchatcho hi.

O Debleskro Lab 2024 (Sinte-Manouche)

⁴ Na-a, kova kras lo gar. O Devel hi čačo. Hako mensho hi i rhorheno. An i Debleskri gili hi činlo: Tou, mo Devel, lauter, hoy rakreh, hi čačo. Kek nay vell oun penella, kay tire laba gar čačo hi.

Remarja 3:4 ပူးပေါင်းရင်းမြစ်များ

Hiob 36:3

Me sikrau tuke ko bud koowa, hoi me djinau, te sikrap, te hi kowa tchatcho un mishto, hoi kras o Dewel, kowa, kai man kras.

Hiob 40:8

Kameh tu tchatchepah te penell, me djau gar pal o tchatchepen? Peneh, te anom me doosh ap mande, te nai wess tu koi tardo, har te wals tut tchatches?

Debleskri gili 100:5

Kamlo hi o baro Dewel. Leskro latchepen atchell hako tsireske. Un leskro tchatchepen herell gar pre.

Debleskri gili 116:11

Homs jaake phagedo, te penom: “I tsele menshe hi chochene.”

Debleskri gili 119:160

Tiro tselo lab hi o tchatchepen. Un tire tsele tchatchepaskre laba atchenna hako tsireske.

Debleskri gili 138:2

Glan tiro Debleskro kheer perau tele, un parkrau man pash tute, te kral tiro dji mange pre un rikral tiro lab. Awa, tu dal men budeder har menge penal. Tiro lab hi raileder har i tsele wawar.

Debleskri gili 51:4

Thob miri doosh mandar tele, un le ko tselo tchilatchepen mandar krik, te wap pale djudjo!

Debleskri gili 62:9

Dikenn ap leste hako tsiro, tumer, leskre menshe! Tchorenn tumare djia win glan leste! Pash o Debleste nai khatrah men.

Micha 7:20

Tu rikreh tiro lab, un mukeh o Jakobeskre tchawen gar. Kolenge, kai wenn pal o Abrahameste, hal tu latcho, jaake har penal kowa mare phurenge an o phuro tsiro, un dal tut sowel koi pre.

Mateo 11:19

Un me, o Mensheskro Tchawo, me wom, chom un pijom, un mandar penenn le: “Kowa hi i baro chapaskro un i pipaskro. Kowa hi i maal kolendar, kai lenn i biboldendar lowe i Remarjenge dren. Un kowa hi i maal kolendar, kai tchilatcho koowa kran un doleske pale-tchiddo hi.” Ninna te rakrenn le jaake, dikenn le ap o Debleskre menshende, kai kowa tchatcho hi, hoi o Dewel krella.

Louka 20:16

Job wella, un marell kol hachen, un dell ko drakengro them i wawaren.” Har kolla kowa shunan, kai trul o Jesuseste tardo his, penan le: “Kowa wella gar jaake!”

Johanni 3:33

Koon patsell ap leste, kowa sikrell jaake, kai halauter tchatcho hi, hoi o Dewel penella.

Remarja 11:1

Me putchau tumendar kanna: Tchiwas o Dewel kol menshen infam, kai job peske win rodas? Na-a! Kowa hi gar jaake. Me hom ninna i Israelitari, i tchawo o Abrahamestar, un mire menshe hi Benjaminarja.

Remarja 11:11

Me putchau tumendar kanna: Peran jon o Debleskro dromestar tele, te nai stenn le buder gar pre? Na-a. Kowa hi gar jaake. Har peran jon o Debleskro dromestar tele, was o Debleskri bacht pash kolende, kai hi kek bibolde, jaake te silwerenn i bibolde ap kolende.

Remarja 3:31

Witsrah mer kanna kol laba ap i rig, kai o Dewel penella, har te djiwas? Na-a, kanna, kai patsah, nai krah tchatchepah, hoi o Dewel kamella.

Remarja 6:15

Kanna djiwah mer buder gar pal o Moseskre laba. Kanna djiwah dran o Debleskro latchepen. Kras mer kanna o tchilatchepen? Na-a, kowa kras mer gar!

Remarja 6:2

Kowa kras mer gar! Mer ham har mulo. Un o tchilatchepen hi buder gar o rai pral mende.

Remarja 7:13

Kanna putchau tumendar: Anell man kowa, hoi latcho hi, an o merepen? Na-a. Kowa hi gar jaake. O tchilatchepen, hoi krom, kowa anell man an o merepen. Kol laba, hoi penenn menge, hoi o Dewel mendar kamella, kol laba sikran man, hoi tchilatcho hi, te dikap me, har djungelo o tchilatchepen hi.

Remarja 7:7

Hoi sikras men kowa? Hi o Moseskre laba tchilatcho? Na-a. Kowa hi gar jaake. Te wans kol laba gar koi, djinams gar, hoi tchilatcho hi. Kol laba penenn menge: Tiro dji te djal gar pal kowa, hoi o wawareske hi! Te djinoms kol laba gar, djinoms gar, kai kowa tchilatcho hi.

Remarja 9:14

Hoi te penas mer kanna: Djal o Dewel gar pal o tchatchepen? Na-a! Kowa hi gar jaake.

1. Korintarja 6:15

Djinenn tumer gar, kai han jek o Jesus Kristeha? I mensho, kai hi jek o Jesus Kristeha, nai well gar khetne i lubjah. Kowa djal gar!

2. Korintarja 1:18

O Dewel djinella: Kowa hoi mer penah, kowa krah ninna.

Galatarja 2:17

Mer ninna, kai ham bibolde, kamah, te krell men o Dewel tchatcho glan peste. Kol labentsa penah mer, kai ham pale-tchidde un tchilatche glan o Debleste, jaake har i tsele wawar menshe ap i phub. Penau kanna, kai o Jesus Kristo men ap o tchilatcho drom anas? Na-a!

Galatarja 2:21

Jaake tchiwrau o Debleskro latchepen gar ap i rig. Te djiwoms me pal o Moseskre laba, un kolla krans mange tchatcho glan o Debleste, meras o Jesus Kristo tchitcheske.

Galatarja 6:14

Me djinau jek: An kek tsiro kamau me te sharap man. Me sharau ko trushel kokres, kai maro rai, o Jesus Kristo, meras. Kanna hi mange kowa lauter buder tchi moldo, hoi i menshenge jaake bud moldo hi. Me nashau ko koowa buder gar palla.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

Tito 1:2

Jon hunte djinenn, te lenn le o djipen, hoi gar pre-herella. Kowa penas o Dewel glan i rah tsiro. Un job chochella gar.

Hebrearja 6:18

Ko lab, hoi das o Dewel un das peskro wast pre, nai well an kek tsiro krik lino. O Dewel chochella gar. Un mer, kai wam pash leste, te lell lo men dran o tchilatchepen win, men hi kanna leskro sorelo lab, te dell lo men o djipen, hoi gar pre-herella, jaake har job penas.

1. Johanni 5:10

Koon ap o Debleskro tchaweste patsella, kowa djinella an peskro dji, kai hi kowa tchatcho, hoi o Dewel pral o Jesus Kristeste penas. Koon o Debles gar patsella un leskre laba gar patsella, hoi o Dewel pral peskro tchaweste penas, kowa penella, te chochras o Dewel.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.