Remarja 3:31 - O Debleskro Drom 2021 (Sinte)

³¹ Witsrah mer kanna kol laba ap i rig, kai o Dewel penella, har te djiwas? Na-a, kanna, kai patsah, nai krah tchatchepah, hoi o Dewel kamella.

O Debleskro Lab 2024 (Sinte-Manouche)

³¹ Vitsrah mer kanna kol laba ap i rig, kay o Devel penella, har te djivas? Na-a, kanna, kay patsah, nay krah čačepah, hoy o Devel kamella.

Remarja 3:31 ပူးပေါင်းရင်းမြစ်များ

Debleskri gili 119:126

Kanna hi o tsiro, kai o baro Dewel hunte krell tchomone. Jon peran tiro dromestar tele.

Debleskri gili 40:8

Doleske penom tuke: Ake hom. Me krau, hoi mandar tchinlo hi an o liil:

Jesaja 42:21

O baro Dewel hi o tchatchepaskro. Doleske his leske shukar, te sikrell lo, har baro un railo leskre tchatchepaskre laba hi.

Mateo 3:15

Koi penas o Jesus ap leste: “Muk kowa kanna jaake te well! Hi mishto menge, te kras kowa lauter, hoi o Dewel mendar kamella.” Un o Johanni kras, hoi o Jesus leske penas,

Mateo 5:17

Haiwenn man mishto: Me wom gar, te tchiwap kol laba ap i rig, hoi o Mose un o Debleskre rakepangre penan. Na-a! Ko krau me gar. Me wom, te krap kowa, hoi jon penan.

Mateo 5:20

Un me penau tumenge: Tumer nai djiwenn gar o Debleha khetne an o bolepen, te krenn tumer gar, hoi o Dewel kamella. Un tumer hunte krenn kowa feteder, har i biboldengre tchatchepangre un i Farisarja kowa krenna.

Louka 20:16

Job wella, un marell kol hachen, un dell ko drakengro them i wawaren.” Har kolla kowa shunan, kai trul o Jesuseste tardo his, penan le: “Kowa wella gar jaake!”

Remarja 10:4

Job bitchras o Jesus Kristes. Koon ap leste patsella, kowa hi tchatcho glan o Debleste. O Moseskre laba hi buder gar o drom pash o Debleste.

Remarja 2:20

Me hom i sikepaskro kolenge, kai tchi djinenna un haiwenna. An o Moseskre laba hi man o tselo goswepen un tchatchepen.”

Remarja 3:4

Na-a, kowa kras lo gar. O Dewel hi tchatcho. Hako mensho hi i chocheno. An i Debleskri gili hi tchinlo: Tu, mo Dewel, lauter, hoi rakreh, hi tchatcho. Kek nai well un penella, kai tire laba gar tchatcho hi.

Remarja 3:6

Na-a, len hi gar tchatcho! O Dewel djal pal o tchatchepen. Te djals o Dewel gar pal o tchatchepen, nai rakrals lo gar o tchatchepen win pral i tsele menshende.

Remarja 4:14

Te lans kolla i tseli phub, kai rikrenn pen ap o Moseskre laba, palle wals o patsepen tchi moldo. Un ko lab, hoi o Dewel o Abrahameske das, wals witar tchi moldo.

Remarja 7:22

Miro dji kamell te krell, hoi o Dewel penella.

Remarja 7:25

O Dewel well sharedo! Maro rai, o Jesus Kristo, kras kowa! Pral miro dji hi o Dewel o rai, un me hom leske koi. Un pral miro mass hi o tchilatchepen o rai.

Remarja 8:4

Kowa kras o Dewel, te was mer jaake tchatcho glan leste, har job mendar kamella. Job kras kowa menge, kai djiwah kanna o newo djipen, hoi o Debleskro Ducho men das, un buder gar maro phuro djipen.

1. Korintarja 9:21

Te hom me pash i menshende, kai rikrenn pen gar ap o Moseskre laba, palle djiwau me har jon, te anap len pash o Jesus Kristeste, ninna te rikrau me man ap o Debleskro tchatchepen. Un kowa hi o Jesus Kristeskro lab.

Galatarja 2:19

Har krom gar, hoi o Moseskre laba penenna, penan kol laba mange: Tu hunte meress. Jaake hom lenge mulo un nai djiwau kanna o Debleske. Me merom o Jesuseha ap o trushel.

Galatarja 2:21

Jaake tchiwrau o Debleskro latchepen gar ap i rig. Te djiwoms me pal o Moseskre laba, un kolla krans mange tchatcho glan o Debleste, meras o Jesus Kristo tchitcheske.