Remarja 3:23 - O Debleskro Drom 2021 (Sinte)

²³ Lauter kran o tchilatchepen un wan pale-tchiddo glan o Debleste.

O Debleskro Lab 2024 (Sinte-Manouche)

²³ Lauter kran o čilačepen oun van pale-čiddo glan o Debleste.

Remarja 3:23 ပူးပေါင်းရင်းမြစ်များ

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

1. Rajengro liil 8:46

Tu djineh, kai kek mensho djudjo hi an peskro dji un an peskro djipen glan tute. Doleske nai well, kai mukenn tire menshe tiro drom, un tu choireh tut pral lende un mukeh len an o wast wawar menshendar te well, te anenn jon len pandles an pengro them – kowa nai well dur oder gar jaake dur.

Sikepaskro 7:20

Kek mensho hi jaake an o tchatchepen tardo, te krell lo kokres latcho koowa un anell kek doosh ap peste.

Remarja 1:28

Jon kamenn tchi o Deblestar te djinell. Doleske mukas o Dewel len te perell, te djiwenn le pal pengro tchilatcho shero, un krenna, hoi gar mishto hi.

Remarja 11:32

O Dewel mukas i tsele menshen i tsiro, kai shunan le gar ap leste, te nai well lo lauterenge latches.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

Remarja 3:9

Hoi hi kanna? Hi i bibolde feteder glan o Debleste tardo har kolla, kai kek bibolde hi? Na-a, jaake har penom: I bibolde, har kolla, kai kek bibolde hi, halauter kran tchilatcho koowa.

Remarja 5:2

O Jesus Kristo anas men ap o Debleskro drom un kras menge o wudar pre, te djiwas o Debleha khetne. Jaake latcho his lo menge. Un mer djinah: O diwes wella, kai djiwah leha khetne an leskro railepen. Pral kowa ham bachtelo.

Galatarja 3:22

O Debleskro lab penella, kai hi hako mensho pandlo ap o tchilatchepen. Ko jek drom, kai anell men win dran o tchilatchepen, hi o patsepen ap o Jesus Kristeste. Kowa penas o Dewel.

2. Tessalonikarja 2:14

Har penam tumenge o latcho lab o Jesus Kristestar, das o Dewel tumen gole, te lenn tumer o railepen, hoi hi ninna maro rajes, o Jesus Kristes.

Hebrearja 4:1

Dran kowa denn mishto garda, te dell kek tumendar peskro patsepen pre! An o phuro tsiro penas o Dewel peskre menshenge, te dell lo len i them, kai jon hako tsiro khere hi. Kau lab, hoi o Dewel lenge penas, atchell menge ninna. An o phuro tsiro shunan le les, un patsan les gar. Jaake wan le gar an o Debleskro them.

1. Petro 4:13

Te wenn duka ap tumende, djinenn: sawe duka wan ninna ap o Jesus Kristeste. Doleske awenn bachtelo! Ap ko diwes, kai leskro railepen diklo wella, giwenna un bashrenna tumare djia i bachtjatar.

1. Petro 5:1

Kanna rakrau ap kolende, kai hi i phureder mank tumende. Me hom ninna i phureder, un dikom mire jakentsa, har o Jesus Kristo ap o trushel meras. Un ap ko diwes, kai well peskro tselo railepen diklo, hom me ninna pash leste. Tumenge penau soreles:

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.