Remarja 3:2 - O Debleskro Drom 2021 (Sinte)

² Awa, kowa hi lenge bud moldo. Jon lan o Debleskre laba an lengre wasta.

O Debleskro Lab 2024 (Sinte-Manouche)

² Ava, kova hi lenge boud moldo. Yon lan o Debleskre laba an lengre vasta.

Remarja 3:2 ပူးပေါင်းရင်းမြစ်များ

Debleskri gili 119:140

Tire laba hi latcho un tchatcho, un me, tiro budepaskro, kamau len miro tselo djijeha.

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Johanni 5:39

Tumer rodenn o djipen an o Debleskro lab un patsenn, kai hatsenn kote ko djipen, hoi gar pre-herella. Un tchatchepah, o Debleskro lab rakrell mandar.

Bičepangre 7:38

Un har kol Israelitarja an ko mulo them pash koi berga Sinai glan o Debleste khetne wan, his o Mose ap i berga Sinai tardo mashkral o bolepaskro un mare phurende. Un o bolepaskro das les kol Debleskre laba, hoi denn o djipen, te anell o Mose len pash mende.

Remarja 1:2

Pral kau drom tchinan glan rah tsiro o Debleskre rakepangre an pengre lila, te well i tsiro, kai krell o Dewel i drom i menshenge, te nai wenn le pash leste.

Remarja 2:18

Me djinau, hoi job kamella, un dikau an o Moseskre laba, hoi latcho un tchatcho hi.

Remarja 3:1

Kanna putchau tumendar: Hi kowa i biboldenge bud moldo, te hi le win rodedo mank i wawar menshende un tchinlo ap pengro mass?

Remarja 3:3

Ninna te djan le gar lauter ap o Debleskro drom, rikras o Dewel peskro lab, un tchiwas len gar ap i rig.

Remarja 9:4

Jon hi Israelitarja. Kolen rodas o Dewel win, te wenn le leskre tchawe. Lende sikras lo peskro railepen. Lentsa kras lo win, te well lo lengro Dewel un jon peskre menshe. Lende das lo peskre laba, hoi penenna, har te djiwenn le, ninna kol laba, hoi sikrenna, har te budrenn le leske an peskro kheer. Lentsa rakras lo pral o djipen un o brawlepen, hoi kamell lo len te dell an ko tsiro, hoi wella.

1. Korintarja 9:17

Te kroms me kowa mandar, palle nai loms me kowa plaissedo. Me krau kowa gar mandar. O Dewel das man koi budi.

2. Korintarja 5:19

O Dewel his an peskro tchaweste, o Jesus Kristeste, un kras, te nai wenn i menshe leha khetne. Lengri doosh las lo lendar krik. Jaake was kowa krik lino, hoi his mank lende un o Debleste tardo. Mende das lo kai budi, te penas kal latche laba i menshenge.

Galatarja 2:7

Jon haiwan, kai mange o Jesus penas, te djap pash kolende, kai kek bibolde hi, te sikrap lende leskro drom, jaake har o Petro o Jesuseskro drom i biboldende sikrella.

1. Timoteo 6:20

Tu, Timoteo, atch pash kowa, hoi o Dewel an tiro wast tchiwas! Ma shun ap kolende, kai rakrenn laba, hoi tchi moldo hi, un hoi gar o Deblestar wenna! Jon rakrenn dinelo koowa, un patsenn, kai djinenn le budeder har kol wawar. Lengro hi gar tchatcho.

Hebrearja 5:12

Tumer han jaake rah patslo, kai hunte wans sikepangre i wawar menshenge. Kowa han tumer gar. Tumende hunte well pale o Debleskro drom siklo har djinans les gomme gar. Jaake han tumer har tikne tchawe, kai pijenna thud, un nai chan kek mursheskro chapen.

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!

Debleskro tsiro 19:10

Un me witsrom man glan leste tele, te sharap les. Un job penas ap mande: “Ma kre kowa! Share o Debles! Me hom o Debleskro budepaskro har tu un tire phrala, kai sikrenn i wawar menshende o Jesuseskro drom. Kolen das o Jesus o Debleskro Ducho. Kowa sikrell len, te hi le leskre menshe.”

Debleskro tsiro 22:6

Un o bolepaskro penas ap mande: “Kal laba hi tchatcho. Un jaake well kowa. O Dewel, maro rai, kai das peskre rakepangren peskro Ducho, kowa bitchras peskro bolepaskres, te sikrell lo peskre budepangren, hoi an i tikno tsiro hunte wella.”