Remarja 2:6 - O Debleskro Drom 2021 (Sinte)

⁶ Ap ko diwes dell lo hakenes pal kowa, hoi job kras.

O Debleskro Lab 2024 (Sinte-Manouche)

⁶ Ap ko dives dell lo hakenes pal kova, hoy yob kras.

Remarja 2:6 ပူးပေါင်းရင်းမြစ်များ

Hiob 34:11

Job dell o menshes ap o shero pale, hoi job kras, un jaake, har djiwas lo, well kowa ap leste.

Debleskri gili 62:12

Budeder har jek kopo shunom: O Dewel kokres hi sorelo,

2. Mose 32:34

Un kanna dja pale! An kol menshen an ko them, kai me rakrom lestar. Miro bolepaskro djal glan tute. Te well miro tsiro, dau i Israelitarjen pengri phagi.”

Gosewe laba 24:12

Te peneh tu: Mer djinam kowa gar! Palle djiness: Kowa, kai an i djia dikell, haiwell les. Un kowa, kai ap tiro djipen jak dell, kowa djinell les. Un job dell o menshes kowa pale, hoi lo kras.

Gosewe laba 24:2

Lengre djia lenn penge sawo koowa pherdo marepen glan, un hoi le rakrenn, anell bibacht.

Gosewe laba 26:10

Har jek, kai trul peste karje dell, un hakenes dukrell, jaake hi kowa, kai lell i dineles, te budrell lo leske, oder sawen, kai djan ap o drom.

Sikepaskro 3:17

Kote penom mange: O Dewel rakrell o tchatchepen win pral koleste, kai djiwell an o tchatchepen, un pral koleste, kai djiwell an o tchilatchepen. Hako koowa, un halauter, hoi jek krell, koleske dell i tchatcho tsiro.

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Jeremia 32:19

Tu leh tuke baro koowa glan, un hoi kreh, hi sorelo. Un tire jakentsa dikeh i tsele dromma i menshendar, te dess hakenes pal kowa, har job djiwas un hoi lo kras.

Ezekiel 18:20

Kokres kowa, kai doosh ap peste anell, hunte merell. I tchawo hunte hidjrell gar i doosh peskro dadestar. Witar gar hunte hidjrell o dad koi doosh, hoi o tchawo ap peste anas. Kowa, kai o tchatchepen kras, ap leste well leskro tchatchepen pale. Un kowa, kai doosh ap peste anas, ap leste well leskri doosh pale.

Ezekiel 18:30

Doleske penau me, o baro Dewel, tumaro rai: Me krau o tchatchepen win pral tumende dran o kheer Israel – pral hakeneste, jaake har djiwas lo. Mukenn tumaro tchilatcho drom! Krenn buder gar ko tselo tchilatcho koowa, hoi kran, te anenn kek doosh ap tumende.

Ezekiel 36:19

Un me tradom len an wawar themma mank wawar menshende, un dom len pengri phagi koleske, hoi le kran un har le djiwan.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Remarja 14:22

Kowa, hoi tu patseh an kau koowa, djineh tu un o Dewel kokres. Tu hunte sikress les lende gar. Bachtelo hal tu, te kreh lauter jaake, te hunte peness tuke gar: Kowa, hoi krom, his gar mishto.

1. Korintarja 3:8

Kowa, kai o djob an i phub witsrella hi jaake baro har kowa, kai pani pre tchorella. Un o Dewel dell hakenes, hoi leskri budi moldo hi.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

2. Korintarja 11:15

Doleske hunte kras mer kek bare jaka, te krenn ninna leskre budepangre har te wans jon o Debleskre budepangre. Jon len pengri phagi o Deblestar.

2. Korintarja 5:10

Ap ko diwes, kai rakrell o Jesus Kristo o tchatchepen pral mende win, hunte was mer halauter glan leste tardo. Un hakeno lell pal kowa, hoi job kras, har djiwas lo ap i phub: latcho koowa har tchilatcho koowa.

2. Timoteo 4:14

O Alexandro, kowa, kai budrell i sasteha, kras mange bud tchilatchepen. O rai Jesus rakrell i phagi pral leste win pal kowa, hoi job kras.

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.

Debleskro tsiro 22:12

Dik, me wau sik, un dau hakenes pal kowa, hoi job kras.