Remarja 2:3 - O Debleskro Drom 2021 (Sinte)

³ Tu te sikreh ap i wawarende, kai sawo koowa krenna, un tu kreh kowa ninna, patseh tu tchatchepah, tu nai nasheh o Debleskri choljatar krik?

O Debleskro Lab 2024 (Sinte-Manouche)

³ Tou te sikreh ap i vavarende, kay savo koova krenna, oun tou kreh kova ninna, patseh tou čačepah, tou nay nasheh o Debleskri rholyatar krik?

Remarja 2:3 ပူးပေါင်းရင်းမြစ်များ

2. Samuel 10:3

penan kol pralstune pral kol Ammonarja ap pengro rajeste, o Hanun: “Patseh tu tchatchepah, kai bitchras o David murshen, te sharenn le tiro dades glan tire jaka, un te penenn le tuke kamle laba pral leste? Patseh tu gar, kai job doleske murshen pash tute bitchras, te dikell job pal, har sorelo maro foro hi, un hoi koi glan djala, te lell lo les dren un krell les paash?”

Hiob 35:2

Patseh, te hi kowa tchatcho, hoi penal? Tu penal: “Me hom an o tchatchepen glan o Debleste.”

Debleskri gili 50:21

Kowa kral tu, un me penom kek lab. Koi rikral tu man har jek, kai hi jaake har tu. Me sikrau tut koi doosh, hoi anal ap tute, un anau tuke tiro tchilatcho koowa glan tire jaka.

Debleskri gili 56:7

An pengro khatepen hi le tchiddo, lenn le man an o jak, un djinenn hako djapen mandar. Jon rodenn, har nai denn le man mulo.

Gosewe laba 11:21

Tu nai deh tiro wast koi pre: O tchilatcho lell peskri phagi. Kolla, kai an o tchatchepen tardo hi, wenn win lino dran o merepen.

Gosewe laba 16:5

O baro Dewel dikell chojedes ap hakeneste, koles i pre-phurdo dji hi. O wast pre, kowa lell peskri phagi.

Ezekiel 17:15

I tsiro koi pre hadas pes o rai o themestar Juda, un bitchras murshen an o them Egiptia, te bitchrenn le leske graja un lurden. Djal kowa mishto? Lell jek, kai sawo koowa krell, kek phagi? Nai phagell lo peskri sowel, un lell kek phagi?

Ezekiel 17:18

O rai pral Juda phagas peskri sowel. Un kowa, hoi lo win kras ko baro rajeha dran Babilonia, un ap kowa job peskro wast das, rikras lo gar dren. Kau tselo koowa kras job. Doleske well lo gar win lino dran i bibacht.

Daniel 10:19

un penas: “Ma dare gar! Tu hal kutch o Debleske! Lauter te djal tuke mishto! Ab sorelo, ab sorelo!” Un har job mantsa rakras, wom me sorelo, un penom: “Miro rai, rake! Tu dal man soor.”

Mateo 23:33

Tumer han sapa. Awa, tchilatche sapa han tumer. O Dewel witsrell tumen an o bengeskri jag. Un tumer nashte nashenn gar glan koleste krik.

Mateo 26:53

Me nai mangoms miro dadestar an o bolepen, te bitchrell lo mange budeder har efta-deesh-te-dui serja (72.000) bolepangren, te wenn le ap miri rig.

Louka 12:14

Penas o Jesus ap koleste: “Romeha, kowa hi gar miri budi.”

Louka 22:58

I tikno tsiro koi pre dikas i wawar ap leste, un penas: “Tu hal ninna jek kolendar.” Un o Petro penas: “Romeha, me hom gar jek lendar.”

Louka 22:60

Koi penas o Petro: “Romeha, me djinau gar, hoi tu peneh.” Un har job kowa penas, das o bashno gole.

Remarja 1:32

Jon djinenna, o Dewel dell kolen i phagi, kai jaake djiwenna. Un koi phagi hi o merepen. Ninna te djinenn le kowa, krenn le ko tchilatcho koowa, un sharenn kolen, kai kowa ninna krenna.

Remarja 2:1

Tu mensho, kai dikeh ap kolende un peneh, har baro hi lengri doosh, tu nai peneh gar tutar: “Man hi kek doosh ap mande.” Ko tchilatchepen, hoi tu ap o wawareste dikeh, hi ninna ap tute. Tu te sikreh ap o wawareskri doosh, rakreh tu o tchatchepen pral tute win.

Remarja 2:2

Mer djinah, o Dewel djal pal o tchatchepen, te dell lo kolen i phagi, kai sawo tchilatcho koowa krenna.

Remarja 9:20

Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Hebrearja 2:3

Mer te djah gar ap o newo drom, kai lah o djipen, hoi gar pre-herella, palle wella o Debleskri choli pral mende. Kau newo drom sikras men maro rai Jesus. Un leskre laba hi o tchatchepen. Kolla, kai les shunan, penan les menge.