Remarja 2:12 - O Debleskro Drom 2021 (Sinte)

¹² Kolla, kai kran o tchilatchepen, djan nashedo, ninna te prindjran le gar o Moseskre laba, kai penenn, har jon hunte djiwenn. Un lauter, kai prindjran kol laba un kran o tchilatchepen, lenn ninna pengri phagi.

O Debleskro Lab 2024 (Sinte-Manouche)

¹² Kolla, kay kran o čilačepen, djan nashedo, ninna te prindjran le gar o Moseskre laba, kay penenn, har yon hounte djivenn. Oun lauter, kay prindjran kol laba oun kran o čilačepen, lenn ninna pengri phagi.

Remarja 2:12 ပူးပေါင်းရင်းမြစ်များ

Mateo 11:22

Ap ko diwes, kai rakrell o Dewel o tchatchepen win pral i tsele menshende ap i phub, djal kol menshenge an i forja Sidon un Tirus feteder har tumenge kate.

Mateo 11:24

Me penau tumenge: Ap ko diwes, kai rakrell o Dewel o tchatchepen pral i tsele menshende win, lenn tumer i bareder phagi, har kol menshe an o foro Sodom.

Johanni 19:11

Penas o Jesus: “Tut wals kek soor pral mande, te dals tut o Dewel koja gar. Doleske hi koles, kai das man an tire wasta, bareder doosh har tut.”

Bičepangre 2:23

Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

Remarja 1:32

Jon djinenna, o Dewel dell kolen i phagi, kai jaake djiwenna. Un koi phagi hi o merepen. Ninna te djinenn le kowa, krenn le ko tchilatcho koowa, un sharenn kolen, kai kowa ninna krenna.

Remarja 4:15

Te djinell jek gar, hoi o Dewel lestar kamella, un krell i tchilatcho koowa, nai djinell lo gar, kai kowa tchilatcho hi. Kolla, kai djinenn, hoi o Dewel lendar kamella un krenn kowa gar, pral kolende well o Debleskri choli. Jaake anenn o Moseskre laba, hoi menge penenna, hoi o Dewel mendar kamella, tchatchepah o Debleskri choli pral i menshende.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

1. Korintarja 9:21

Te hom me pash i menshende, kai rikrenn pen gar ap o Moseskre laba, palle djiwau me har jon, te anap len pash o Jesus Kristeste, ninna te rikrau me man ap o Debleskro tchatchepen. Un kowa hi o Jesus Kristeskro lab.

Galatarja 3:10

Kol wawar, kai rikrenn pen ap o Moseskre laba, un kamenn jaake tchatcho te well glan o Debleste, kolla hi tel o Debleskro praassepen. O Debleskro lab penella: Hakeno hi praassedo, koon gar lauter krella, hoi o Moseskre laba penenna. Un kek mensho hi koi, kai krell lauter, hoi o Moseskre laba penenna.

Galatarja 3:22

O Debleskro lab penella, kai hi hako mensho pandlo ap o tchilatchepen. Ko jek drom, kai anell men win dran o tchilatchepen, hi o patsepen ap o Jesus Kristeste. Kowa penas o Dewel.

5. Mose 27:26

“Praassedo well kowa, kai rikrell gar kal tsele tchatchepaskre laba.” Un i tsele menshe hunte penenn: Amen!

Jakobo 2:10

Te rikreh tut ap i tsele laba, hoi an o Moseskre lila tchinlo hi, un te kreh tu jek tchilatcho koowa, palle hi kowa, har te rikrals tu tut ap tchi, un tu leh doosh ap tute.