Remarja 2:11 - O Debleskro Drom 2021 (Sinte)

¹¹ O Dewel dikell gar ap jekeste, koon job hi.

O Debleskro Lab 2024 (Sinte-Manouche)

¹¹ O Devel dikell gar ap yekeste, koon yob hi.

Remarja 2:11 ပူးပေါင်းရင်းမြစ်များ

2. Familjakro liil 19:7

Un kanna rikrenn o baro Debles glan tumare jaka, rikrenn tumen ap o tchatchepen un denn hakeneste peskro tchatchepen. Ma bistrenn, pash maro baro Debleste hi kek chochepen. Un job dikell witar gar ap kowa koon glan leste tardo hi. Un job mukell pes gar te ginell.

Hiob 34:19

Job dikell gar i pralstunes feteder an har i wawares, un tserdell o braweles gar o tchorweleske glan. Leskro wast kras len halauter.

Mateo 22:16

Un jon bitchran pengre murshen pash leste. Lentsa djan ninna wawar mursha. Kolla his o Herodeskre mala. Un jon penan ap leste: “Sikepaskro, mer djinah, tu peneh o tchatchepen, un sikreh mishto i menshende o Debleskro drom. Tu rakreh kekeske pal o mui, ninna te hi len bud penepaske.

Louka 20:21

Un jaake penan le ap leste: “Sikepaskro, mer djinah, te dareh tu kekestar. Un tu peneh o tchatchepen i menshenge an o mui. Un tu sikreh lende o Debleskro drom.

Bičepangre 10:34

Un o Petro penas: “Kanna haiwau me tchatchepah: O Dewel dikell gar koi pre, hawe menshendar jek wella: te well lo i biboldendar, – te well lo kolendar, kai kek bibolde hi. Job dikell latches ap hakeneste, kai mangell les an, un kai krell o tchatchepen.

Remarja 9:14

Hoi te penas mer kanna: Djal o Dewel gar pal o tchatchepen? Na-a! Kowa hi gar jaake.

Galatarja 2:6

Kol phrala, kai hi pralstune mank i patslende, kolla penan gar, kai kowa, hoi me i menshenge penau, gar tchatcho hi. Te rakrau kol pralstunendar, hi mange jek, hoi jon his. O Dewel dikell gar ap kowa, har i mensho an-diklo hi.

Efesarja 6:9

Tumer, kai han raja, ap tumende penau: Awenn latches ap kolende, kai tumenge budrenna! Ma denn len trad! Tumer djinenna: Len hi i rai an o bolepen. Kowa hi ninna tumaro rai. Glan leskre jaka hi jek mensho har o wawar.

5. Mose 10:17

Tumaro baro Dewel hi o Dewel pral hako dewel un o rai pral hako rai. Job hi o baro un o sorelo, kolestar halauter darenn. Job dikell gar koi pre, koon jek hi. Un job lell tchi an, hoi kamell jek les te dell, te rissrell lo o tchatchepen trujel.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

Kolossarja 3:25

Koon o tchilatchepen krella, kowa lell i phagi. Pash o Debleste hi hakeno jaake bud moldo har o wawar.

1. Petro 1:17

O Dewel hi o tchatchepaskro rai, kai rakrell o tchatchepen win pral hakeneste pal kowa, hoi job kras. Un o Dewel dikell gar koi pre, koon ko mensho hi. Ap leste penenn tumer: “Tata!” Doleske djiwenn jaake, har job kowa kamella, jaake rah har tumer kate ap i phub djiwenna.