Remarja 15:12 - O Debleskro Drom 2021 (Sinte)

¹² Un o Debleskro rakepaskro, o Jesaja, penas glan i rah tsiro: Koi well i mursh i menshendar, kolengro dad hi o Isai, kowa well o rai pral i menshende an i tsele themma. Ap koleste dikenn le, te well lo lenge latches.

O Debleskro Lab 2024 (Sinte-Manouche)

¹² Oun o Debleskro rakepaskro, o Yesaya, penas glan i rah tsiro: Koy vell i morsh i menshendar, kolengro dad hi o Isay, kova vell o ray pral i menshende an i tsele themma. Ap koleste dikenn le, te vell lo lenge lačes.

Remarja 15:12 ပူးပေါင်းရင်းမြစ်များ

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Mateo 12:21

Un i tsele menshe ap i phub dikenn ap leste.

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”

Debleskro tsiro 5:5

Un jek kol tchatchepangre phurendar penas ap mande: “Ma rob! Dik, jek las i soor o Deblestar pral o tchilatchepen un o merepen, un hi moldo, te krell lo ko liil pre, te dikell lo dren. Job hi kowa, kai kharenn le lewo, kai well dran o them Juda. Job hi o Davideskro tchawo.”

1. Korintarja 15:19

Te wals maro patsepen ap o Jesus Kristeste buder tchi moldo pal o merepen, wams i tchorwleder i tsele menshendar.

Daniel 7:14

Un kowa das les i rajeskri soor un barepen un railepen, te well lo rai pral i menshende dran hako them un rakepen. Leskri rajeskri soor atchell hako tsiro un herell gar pre. Un job atchell baro rai an i tsele tsirja.

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

1. Petro 1:21

Job anas tumen ap o Debleskro drom. O Dewel kras les i mulendar djido, un das les peskro railepen. Doleske tchiwenn tumaro tselo patsepen ap leste!

2. Timoteo 1:12

Doleske hunte lap kawa lauter ap mande kate an o stilepen, un me ladjau gar. Me djinau, ap koneste patsaua. Un me djinau, kai o Jesus Kristo rikrell peskre wasta pral kowa, hoi job an miro wast das, bis te job pale wella.

Micha 5:4

Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Debleskri gili 72:17

Leskro lab mu atchell hako tsireske. Jaake rah har o kham ap o bolepen hi, mu well leskro lab sharedo! Lestar mu well latchepen ap i menshende an i tsele themma. Un jon te rakrenn i bacht pral leste win.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

1. Johanni 3:3

Un hakeno, kai kowa patsella, rikrell peskro dji djudjo, te well kek doosh ap leste, jaake har ap o Jesus Kristeste kek doosh hi.

1. Familjakro liil 2:12

Un koleskro tchawo his o Obed, un koleskro tchawo his o Isai.