Remarja 14:1 - O Debleskro Drom 2021 (Sinte)

¹ Lenn ninna koles latches pre, kai hi gar sorelo an o patsepen. Ma tchingrenn leha pral o patsepen!

O Debleskro Lab 2024 (Sinte-Manouche)

¹ Lenn ninna koles lačes pre, kay hi gar zorelo an o patsepen. Ma čingrenn leha pral o patsepen!

Remarja 14:1 ပူးပေါင်းရင်းမြစ်များ

Hiob 4:3

Tu sikral bud menshen o tchatcho drom, un kral khine wasta pale soreles.

Jesaja 40:11

Job dell jak ap lende har i bakrengro dell jak ap peskre bakre un dell len te chal, un lell i terne bakren an peskre mussja, un hidjrell len an peskri baja. Un kolla, kai len terne hi, lenge djal lo latches trujel.

Jesaja 42:3

I an-phagedo shilftikro khass, phagell lo gar tele, un i momeli hoi gomme i tikni jagah chatchell, koja krell lo gar win. Tchatchepah, job krell, te lell hakeno peskro tchatchepen.

Ezekiel 34:16

Kolla, kai nashedo hi, rodau me. Un kolla, kai nashran pen, anau me pale. Un kolla, kai pen dukran, pandau i diklo trujel. Un kolla, kai nasselo hi, krau soreles. Un i thullen un sorelen lau an i jak. Me dau jak ap lende har mishto hi.

Ezekiel 34:4

Kolenge, kai len kek soor buder his, wan tumer gar ap i rig, te wenn le pale soreles. Un kolla, kai nasselo his, kran tumer gar sasto. Un kolla, kai phagan pen i heri, lenge tchiwan kek diklo trul koi dukedi heri. Un kolla, kai nashran pen, anan tumer gar pale. Un kolla, kai nashedo his, rodan tumer gar. Un tchilatche sorjah hans i raja pral lende.

Zakarie 11:16

Tchatchepah, me bitchrau i bakrengro an o them, kai dikell gar pal i bakre, kai hi nashedo. Witar gar rodell lo kolen, kai nashran pen. Kolenge, kai dukran pen, well lo gar ap i rig. Un leske hi jek, te well i sasten doha te chal un te pijell. I thulle bakren marell lo peske, un tserdell lenge ninna i pire win.

Mateo 12:20

Job hi latcho ap koleste, kai hi les buder gar bud soor. Job phagell les gar har i kasht, kai hi an-phagedo. Ninna i momeli, hoi gomme i tikno kotar chatchella, krell lo gar win. Jaake hi lo, bis te hi peskro tchatchepen pral halauter tardo.

Mateo 14:31

O Jesus rikras leske o wast koi, tapras les, un penas ap leste: “Tiro patsepen hi tikno. Hoske patsal man gar?”

Mateo 18:10

Ma tchiwenn kol tiknen ap i rig, har te wans le tchi moldo. Me penau tumenge: I bolepangre, kai ap lende jak denna, kolla nai djana hako tsiro glan miro dadeste an o bolepen, te mangenn le les lenge.

Markus 7:19

Ko chapen djal gar an leskro dji. Ko djal an leskro per, un well pale win.” Un kol labentsa penas o Jesus lenge, kai kek chapen pale-tchiddo hi.

Louka 17:2

Koleske wals feteder, te well leske i pharo bar trul i meen pandlo, un te well lo an o baro pani witsedo, te nai anell lo buder gar jekes kal tiknendar ap o tchilatcho drom.

Johanni 13:20

Tchatchepah, me penau tumenge: Koon jekes an peskro kheer lella, koles me bitchrom, kowa lell man an peskro kheer. Un koon man an peskro kheer lella, kowa lell koles an peskro kheer, kai bitchras man.”

Bičepangre 28:2

Kolla, kai kote djiwan, lan men kamles pre. Brishin das, un his shila. Doleske kran le i jag, un lan men pash pende.

Remarja 11:15

Har jon ap i rig tchiddo wan, nai wan i wawar menshe ap i phub pash o Debleste. Jaake was dran i tchilatcho koowa i latcho koowa. Har bud shukeder well kowa, te wenn i bibolde pale pash o Debleste. Kowa hi jaake shukar, har te wans le mulo un palle djido.

Remarja 14:2

Ko jek patsell, kek chapen hi pale-tchiddo. Ko wawar, kai hi gar sorelo an o patsepen, kowa patsell, te nai chal lo kek mass.

Remarja 14:21

Hi feteder, te chah tu kek mass un te pijeh tu kek mool un kreh tchi, hoi anell tiro phrales o Debleskro dromestar tele.

Remarja 14:3

Kowa, kai chal o mass, hunte rikrell pes gar feteder har ko wawar, kai chal kek mass. Kowa, kai chal kek mass, hunte penell ko wawareske gar: “Kowa, hoi tu kreh, hi pale-tchiddo koowa.” O Dewel tchiwas hake dujen an o tchatchepen.

Remarja 15:1

Mer, kai ham sorelo an o patsepen, hunte dikas ap kolende, kai hi gar sorelo an o patsepen, te hidjras mer lentsa, hoi lenge pharo hi. Mer hunte dikas gar ap mende kokres, te djal menge mishto.

Remarja 15:7

Jaake har hi o Jesus Kristes i dji tumenge, jaake hunte well tumen i dji jek o wawareske! Palle well o Dewel sharedo.

Remarja 4:19

Ap ko tsiro his o Abraham sheel bersha phuro. Leskri romni Sara his ninna bud phuro. Ninna te dikas o Abraham, har phuro jon his, atchas lo sorelo an o patsepen.

1. Korintarja 9:22

Pash kolende, kai hi gar soreles an o patsepen, djiwau me jaake har jon djiwenna. Kowa krau me, te well lengro patsepen ap o Jesuseste soreles. Me wom lauterenge jaake har jon, te rodap i drom, te anap len pash o Jesus Kristeste.

Filiparja 2:29

Lenn les o djijestar pash tumende pre! Job hi maro phraal an o patsepen ap o rajeste, o Jesuseste. Sawe phrala har job hi tumenge bud moldo.

1. Tessalonikarja 5:14

Mire phrala, kanna penah tumenge, hoi te krenn: Denn kolen trad, kai kamenn gar te budrell! Rakrenn kolentsa mishto, kai hi dareno! Krenn kolen soreles, kai hi gar sorelo an o patsepen! Denn kekes sik pre!

Hebrearja 5:14

O mursheskro chapen hi kolenge, kai djiwenna pal o Debleskro lab un haiwenn bud un budeder, hoi latcho un tchilatcho hi.

2. Johanni 1:10

Te well jek pash tumende, un penell tumenge wawar koowa har kowa, hoi o Jesus Kristo menge penas, koles lenn gar an tumaro kheer! Parkrenn les witar gar!