Remarja 13:9 - O Debleskro Drom 2021 (Sinte)

⁹ An o Debleskro lab hi tchinlo: Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma mare kekes! Ma tchore! Ma dik tchilatche jakentsa ap kowa, hoi o wawareskro hi! Lauter kowa, hoi o Dewel tutar kamella, hi an ko jek lab khetne lino: Ab jaake latches ap o wawareste har hal latcho ap tute!

O Debleskro Lab 2024 (Sinte-Manouche)

⁹ An o Debleskro lab hi činlo: Romeha, ma rhorhe tiri romyat i vavar djouvyah! Romniya, ma rhorhe tiro romes i vavar morsheha! Ma mare kekes! Ma čore! Ma dik čilače yakentsa ap kova, hoy o vavareskro hi! Lauter kova, hoy o Devel toutar kamella, hi an ko yek lab khetne lino: Ab yaake lačes ap o vavareste har hal lačo ap toute!

Remarja 13:9 ပူးပေါင်းရင်းမြစ်များ

3. Mose 19:18

Ma de o tchilatchepen pale, hoi i wawar ap tute kras, un hidje leske tchi palla. Tu wess jaake latches ap leste, har hal latches ap tute kokres. Me hom o baro Dewel.

3. Mose 19:34

Djan leha jaake trujel, har te wals lo jek tumendar! Tu wess jaake latches ap leste har hal latches ap tute. Tumer ninna hans wi-themarja an o them Egiptia. Me, o baro Dewel, hom tumaro Dewel.

Mateo 22:39

Ninna kamell lo tutar, te wess jaake latches ap koleste, kai pash tute hi, har hal latches ap tute kokres.

Markus 10:19

Tu djineh, kai o Dewel penas: De kekes mulo! Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma tchore! Ma pen chochepen pral i wawarende! Ma rande tchi i wawarestar! Dik ap tiro dadeste un ap tiri date, te djal lenge mishto!”

Markus 12:31

O duito Debleskro lab hi kowa: Te wess jaake latches ap koleste, kai pash tute hi, har hal latches ap tute kokres. Kek wawar lab, hoi penell, hoi o Dewel mendar kamella, hi bareder har kolla dui.”

Louka 10:27

Penas ko mursh: “Tu hunte kamess tiro Debles o tselo djijestar, an tiro tselo djipen, tiri tseli sorjah, un an lauter, hoi tu djineh. Un ap i wawar mensheste hunte wess jaake latches, har hal latches ap tute kokres.”

Louka 18:20

Tu prindjreh kol deesh Debleskre laba: Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma mare kekes! Ma tchore! Ma pen chochepen pral jekeste! Dik ap tiro dadeste un ap tiri date, te djal lenge mishto!”

Galatarja 5:13

Mire phrala, o Dewel das tumen gole, te djiwenn i djipen, kai han buder gar pandlo ap tchomone. Kal labentsa penau gar, te krenn tumer nai, hoi kamenna, un djiwenn nai tumaro phuro djipen. Na-a, awenn jek o wawareske koi! Krenn kowa dran o kamlepen!